თბილისში „ყვითელი ავტობუსების“ ჩანაცვლების პროცესი მთავრდება

© photo : Tbilisi City Hall / FB MAN–ის ავტობუსები
 MAN–ის ავტობუსები - Sputnik საქართველო
გამოწერა
კახა კალაძის განცხადებით, დედაქალაქის მერიის სატრანსპორტო პოლიტიკის ნაწილია „საცობებისა“ და ჰაერის დაბინძურების შემცირება.

თბილისი, 27 იანვარი — Sputnik. ძველი „ყვითელი ავტობუსების“ ახლით ჩანაცვლების პროცესი მთავრდება, დამატებით შესყიდული გვაქვს 100 ერთეული 12-მეტრიანი ავტობუსი, განაცხადა დედაქალაქის მერმა კახა კალაძემ მუნიციპალიტეტის მთავრობის სხდომაზე.

როგორც კალაძემ აღნიშნა, მერია მომავალში 180 ერთეული 8-მეტრიანი ავტობუსის შეძენასაც გეგმავს. პარალელურად დაწყებულია მიკროავტობუსების ჩანაცვლების პროგრამაც. 

ახალი ავტობუსის სალონი - Sputnik საქართველო
თბილისის ავტოპარკი 40 ავტობუსით შეივსო

„დედაქალაქში აღარ იმოძრავებს ყვითელი ავტობუსები, მოსახლეობას მხოლოდ ახალი 8-, 10- და 12-მეტრიანი ავტობუსები მოემსახურება. თუმცა, ამას სასურველ შედეგამდე მაინც არ მივყავართ. ჩვენ გვსურს, რომ საზოგადოებრივი ტრანსპორტი აუცილებლად იყოს მაქსიმალურად კომფორტული და სწრაფი... გვჭირდება კიდევ ახალი ავტობუსების შეძენა. იგეგმება 180 ერთეული 8-მეტრიანი ავტობუსების შესყიდვა“, – განაცხადა კალაძემ.

დღეისათვის თბილისის ავტოპარკი MAN-ისა და ISUZU-ს მარკის რამდენიმე ასეული ავტობუსითაა შევსებული.

ყველა ახალი ამბავი
0