21:02 22 იანვარი 2021
პირდაპირი ეთერი
  • EUR4.0064
  • 100 RUB4.4826
  • USD3.3010
საზოგადოება
მოკლე ბმულის მიღება
90 0 0

გავრცელებული ინფორმაციით, კორონავირუსზე ტესტირება, შესაძლოა, ჩაუტარდეს სრულიად საქართველოს კათოლიკოს-პატრიარქს ილია მეორესაც.

თბილისი, 8 იანვარი – Sputnik. საქართველოს კათოლიკოს-პატრიარქის მდივან-რეფერენტს შორენა თეთრუაშვილს კორონავირუსი დაუდასტურდა, ინფორმაციას საქართველოს საპატრიარქოს საზოგადოებასთან ურთიერთობის სამსახური ავრცელებს. 

„როგორც საზოგადოებისთვის ცნობილია, სრულიად საქართველოს კათოლიკოს-პატრიარქის მდივან-რეფერენტს, ქალბატონ შორენა თეთრუაშვილს ჩაუტარდა PCR–ტესტირება, რომლის შედეგადაც დღეს მას დაუდასტურდა კორონავირუსული ინფექცია", – აღნიშნულია განცხადებაში.

საპატრიარქოს ცნობით, შორენა თეთრუაშვილი თავს კარგად გრძნობს და დაავადება სრულიად უსიმპტომოდ მიმდინარეობს.

ტელეკომპანია Imedi-ს ცნობით, თეთრუაშვილს ამ დღეებში უსაფრთხოების ყველა წესის დაცვით პატრიარქთან ჰქონდა შეხვედრა.

გავრცელებული ინფორმაციით, თეთრუაშვილს 3 იანვარს ვანისა და ბაღდათის მიტროპოლიტთან, მეუფე ანტონთან ჰქონდა კონტაქტი, რომელსაც 4 იანვარს კორონავირუსი დაუდგინდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 537-ით გაიზარდა და ინფიცირებულთა საერთო რიცხვმა 236.028-ს მიაღწია.

მთავარი თემები