17:22 30 ნოემბერი 2020
პირდაპირი ეთერი
  • EUR3.9545
  • 100 RUB4.3692
  • USD3.3164
საზოგადოება
მოკლე ბმულის მიღება
COVID-19 საქართველოში (2585)
81 0 0

ინფექციის გავრცელების ჯაჭვის წყვეტა რომ მოხდეს, მოქალაქეებმა კვლავ უნდა დაიცვან რეკომენდაცია „დარჩი სახლში“, მოუწოდებს ექიმი

თბილისი, 14 ნოემბერი — Sputnik. საქართველოში ინფიცირებულთა რიცხვის ზრდა დიდი გამოწვევაა ქვეყნის ჯანდაცვის სისტემისთვის, განაცხადა პირველი საუნივერსიტეტო კლინიკის დირექტორმა ლევან რატიანმა.

საქართველოში ბოლო ორ თვეში ეპიდვითარება მკვეთრად გაუარესდა. ინფიცირების დღიური მაჩვენებელი სამი ათასს გადასცდა. საავადმყოფოებში ადგილები აღარ არის, ამიტომ ბევრი პაციენტი იძულებულია მკურნალობა გაიაროს სახლში, რაც მდგომარეობის გაუარესების შემთხვევაში არც ისე უსაფრთხოა.

„ძალიან დიდ პრობლემას წარმოადგენს ჯანდაცვის სექტორისათვის, ვინაიდან ამ წუთში ჩვენი კლინიკის მაგალითზე, არც ერთი თავისუფალი საწოლი არ გაგვაჩნია, რაც ძალიან ცუდი წარმოსადგენია როგორც ექიმისთვის. 112 რომ რეკავს და ვეუბნებით, არ გვაქვს ადგილი, პირადად ჩემთვის ეს ნამდვილად სიკვდილის ტოლფასია“, - განაცხადა რატიანმა პირველი არხის ეთერში.

მედიკოსის თქმით, დაავადებულთა რიცხვის ზრდა მოსალოდნელი იყო, მაგრამ ეპიდსიტუაციის ასეთ გაუარესებას არავინ არ ელოდა.

„მართალია, ალბათ, ყველა ველოდით ინფიცირებულთა რაოდენობის ზრდას, მაგრამ სიმართლე გითხრათ, ამ მასშტაბით რომ გავრცელდებოდა ინფექცია, რატომღაც წარმოუდგენელი იყო“, - აღნიშნა რატიანმა.

რატიანი ირწმუნება, რომ არა თუ  საქართველოს ჯანდაცვის სისტემა, არამედ მსოფლიოს ვერცერთი წამყვანი ქვეყნის ჯანდაცვა ვერ გაუძლებს ამ მასშტაბით ინფიცირებულთა მომსახურებას. ამიტომ, მისი თქმით, ინფექციის ჯაჭვის წყვეტა რომ მოხდეს, მოქალაქეებმა კვლავ უნდა დაიცვან ლოზუნგი „დარჩი სახლში“.

როგორც ჯანდაცვის სამინისტროში ირწმუნებიან, ქვეყანაში საწოლფონდის დეფიციტი არ დგას, საჭიროების შემთხვევაში დღის წესრიგში საველე ჰოსპიტლების საკითხი დადგება.

პანდემიის დაწყებიდან დღემდე ქვეყანაში ინფიცირების 73 154 შემთხვევა გამოვლინდა. გამოჯანმრთელდა სულ 55 511 პაციენტი, გარდაიცვალა - 646.

კორონავირუსის პირველი შემთხვევა საქართველოში 26 თებერვალს დაფიქსირდა.

 

თემები:
COVID-19 საქართველოში (2585)

მთავარი თემები