დღეს თბილისის საბავშვო ბაღებმა მუშაობა განაახლეს

© Sputnik / STRINGERსაბავშვო ბაღი
საბავშვო ბაღი - Sputnik საქართველო
გამოწერა
დაავადებათა კონტროლის ცენტრის რეკომენდაციით სასწავლო–სააღმზრდელო პროცესი გადავადდა მხოლოდ რამდენიმე საბავშვო ბაღში, სადაც ვირუსით ინფიცირების შემთხვევები გამოვლინდა.

თბილისი, 12 ოქტომბერი – Sputnik. თბილისის საბავშვო ბაღებმა დღეს აღსაზრდელების მიღება დაიწყეს. მუშაობას არ განაახლებს მხოლოდ ოთხი საბავშვო ბაღი, იუწყება „რუსთავი 2".

მანამდე „პირველი არხი“ თბილისის საჯარო საბავშვო ბაგა-ბაღების მართვის სააგენტოზე დაყრდნობით იუწყებოდა, რომ ფუნქციონირებას არ იწყებს მხოლოდ სამი ბაღი.

ქუთაისის 37 საბავშვო ბაღში სააღმზრდელო პროცესის განახლება ერთი კვირით გადაიდო>>

სასწავლო–სააღმზრდელო პროცესი იწყება საბავშვო ბაღების უმეტესობაში, ხოლო რამდენიმე სკოლამდელ დაწესებულებაში სწავლის პროცესი გადაიდო, რადგან აქ უშუალოდ ბაღის თანამშრომელთა შორის კორონავირუსის შემთხვევები დადასტურდა.

საბავშვო ბაღში - Sputnik საქართველო
ხვალ ვერ გავიხსნებით: თბილისის რამდენიმე საბავშვო ბაღი განცხადებას ავრცელებს

გასულ დღეებში იყო შემთხვევები, როდესაც საბავშვო ბაღების პერსონალში გამოვლინდა კორონავირუსით ინფიცირებულებთან კონტაქტები. ასეთი შემთხვევა თბილისის 40-ზე მეტ ბაღში დაფიქსირდა, თუმცა მუშაობას მხოლოდ რამდენიმე საბავშვო ბაღი არ განაახლებს.

სააგენტოში აღნიშნავენ, რომ ეს გადაწყვეტილება დაავადებათა კონტროლის ცენტრის რეკომენდაციით მიიღეს.

საბავშვო ბაღებში სასწავლო–აღმზრდელობითი პროცესი 14 სექტემბერს უნდა დაწყებულიყო, მაგრამ ქვეყანაში ეპიდემიური ვითარების გართულების გამო ხელისუფლებამ ბაღების გახსნა ჯერ 1 ოქტომბრამდე, შემდეგ კი 12 ოქტომბრამდე გადადო.

ყველა ახალი ამბავი
0