14:20 05 ივლისი 2020
პირდაპირი ეთერი
  • EUR3.4221
  • 100 RUB4.2811
  • USD3.0465
საზოგადოება
მოკლე ბმულის მიღება
COVID-19 საქართველოში (1133)
104 0 0

აჭარაში კორონავირუსით ინფიცირების პირველი შემთხვევა 15 მარტს დადასტურდა, ბოლო შემთხვევა კი 30 აპრილს დაფიქსირდა.

თბილისი, 30 ივნისი – Sputnik. კორონავირუსით ინფიცირებული ტრაილერის მძღოლების ჯანმრთელობის მდგომარეობა დამაკმაყოფილებელია. ორივე მათგანი ბათუმში, კლინიკა „მედალფაში" მკურნალობს, იუწყება ტელეკომპანია „რუსთავი 2". 

ორთვიანი პაუზის შემდეგ ვირუსის პირველი შემთხვევები აჭარაში გუშინ გამოვლინდა. მამაკაცებს მომატებული ტემპერატურა „სარფის“ სასაზღვრო-გამშვებ პუნქტზე დაუფიქსირდათ, რის შემდეგაც ისინი ჯერ ცხელების ცენტრში, შემდეგ კი საავადმყოფოში გადაიყვანეს.

ექიმების ინფორმაციით, ორივე შემთხვევაში ვირუსი მსუბუქი სიმპტომატიკით მიმდინარეობს.

„გვაქვს ორი ახალი შემთხვევა. მამაკაცების ჯანმრთელობის მდგომარეობა დამაკმაყოფილებელია, ჩაუტარდათ კომპიუტერული ტომოგრაფია, პნევმონია არ დასტურდება“, – განაცხადა კლინიკა „მედალფას" დირექტორმა ინგა ხოზრევანიძემ.

აჭარაში კორონავირუსით ინფიცირების პირველი შემთხვევა 15 მარტს დადასტურდა, ბოლო შემთხვევა კი 30 აპრილს დაფიქსირდა. რეგიონში კორონავირუსზე PCR–ტესტი ჩაუტარდა 10 773 პირს. კორონავირუსი დაამარცხა 70-მა პაციენტმა.

ამ დროისათვის საქართველოში ინფიცირებულთა რაოდენობამ 926-ს მიაღწია. გამოჯანმრთელდა 791 ადამიანი, პანდემიის გამოვლენიდან დღემდე ქვეყანაში 15 ადამიანი გარდაიცვალა. ქვეყანაში კორონავირუსის პირველი შემთხვევა 26 თებერვალს გამოვლინდა.

თემები:
COVID-19 საქართველოში (1133)

მთავარი თემები