09:09 14 ნოემბერი 2019
პირდაპირი ეთერი
  • EUR3.2566
  • 100 RUB4.5941
  • USD2.9568
ხეტყის უკანონო ჭრა

ხეტყის უკანონო ჭრა: ლიდერობს კახეთი

© photo: Sputnik / Constantin Chalabov
საზოგადოება
მოკლე ბმულის მიღება
გარემოს დაცვა და ეკოლოგია (93)
74 0 0

ხეტყის უკანონო მოპოვების ფაქტების 13 შემთხვევაზე სისხლის სამართლის საქმე აღიძრა.

თბილისი, 3 ოქტომბერი — Sputnik. სექტემბერში ხეტყის უკანონო ჭრისა და ტრანსპორტირების ყველაზე მეტი – 97 ფაქტი კახეთში დაფიქსირდა, ნათქვამია გარემოსდაცვითი ზედამხედველობის დეპარტამენტის განცხადებაში.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა სექტემბერში ხეტყის უკანონო მოპოვებისა და ტრანსპორტირების 261 ფაქტი გამოავლინეს, ნათქვამია უწყების განცხადებაში.

გამოვლენილ ფაქტებს შორის 13 შემთხვევაზე სისხლის სამართლის საქმე აღიძრა.

კახეთის რეგიონული სამმართველოს სამოქმედო ტერიტორიაზე გამოვლენილი 97 ფაქტის გარდა, იმერეთში დაფიქსირდა 43 ფაქტი, სამცხე-ჯავახეთში – 33, შიდა ქართლში – 27, აჭარაში – 24, სამეგრელო–ზემო სვანეთში – 14, ქვემო ქართლში – 10, მცხეთა-მთიანეთში – 6, გურიაში – 4, რაჭა-ლეჩხუმსა და ქვემო სვანეთში კი 3 სამართალდარღვევა გამოვლინდა.

არსებული ინფორმაციით, სამართალდამცველებმა ჯამში უკანონოდ მოპოვებული 653 კუბური მეტრი ხეტყე ამოიღეს.

აღნიშნულ პერიოდში დაფიქსირდა სახერხი საამქროს ტექნიკური რეგლამენტის დარღვევის 21 ფაქტი, მათ შორის ორი – თბილისის ტერიტორიაზე. ასევე ამოღებულია 21 ერთეული დაურეგისტრირებელი სახერხი. მასალები შემდგომი რეაგირებისთვის შესაბამის უწყებებშია გადაგზავნილი.

საქართველოს ტყის ფონდი 2,9 მილიონი ჰექტარის ფართობს იკავებს, საიდანაც 2,7 მილიონი ჰექტარი დაფარულია ტყეებით, რომლებიც ქვეყნის საერთო ტერიტორიის 40%-ს შეადგენს.

 

თემები:
გარემოს დაცვა და ეკოლოგია (93)

მთავარი თემები