პატიმრები მარიამობაზე ახლობლებისგან ამანათებს მიიღებენ

© photo: Sputnik / Ivan Rudnev / გადასვლა მედიაბანკშიციხის პერიმეტრი
ციხის პერიმეტრი - Sputnik საქართველო
გამოწერა
მარიამობასთან დაკავშირებით მსჯავრდებულების ახლობლები მათ საკვებს, ტანსაცმელს და პირადი ჰიგიენის საგნებს გადასცემენ

თბილისი, 24 აგვისტო — Sputnik. საქართველოს პენიტენციურ დაწესებულებებში მყოფი ყველა ბრალდებული და მსჯავრდებული 28 აგვისტოს, მარიამობის დღესასწაულზე ამანათების მიღებას შეძლებს, ნათქვამია სპეციალური პენიტენციური სამსახურის Facebook-გვერდზე გავრცელებულ განცხადებაში.

იუსტიციის სამინისტრომ 190 ადამიანი გაათავისუფლა >>

მარიამობა ერთ-ერთი მნიშვნელოვანი რელიგიური დღესასწაულია ჩვენს ქვეყანაში, რომელიც წმინდა ღვთისმშობლის წილხვედრ მიწად მიიჩნევა. ეს დღე უქმეა და ამ დღეს სრულდება მარიამობის მარხვა.

საპატიმრო - Sputnik საქართველო
საქართველოში მშენებარე ციხეები გუანტანამოს პატიმრებისთვის არ არის განკუთვნილი

პენიტენციური დაწესებულებები პატიმრებისთვის განკუთვნილ ამანათებს 26 და 27 აგვისტოს 09:00-დან 18:00 საათამდე მიიღებენ.

პატიმრობის კოდექსის თანახმად, მსჯავრდებულს ამანათი მხოლოდ სპეციალური პენიტენციური სამსახურის გენერალური დირექტორის თანხმობით შეიძლება გადაეცეს. ამანათში შეიძლება იყოს პირადი ჰიგიენის საჭირო ნივთები, ტანსაცმელი, საკვები. ამანათის მიღება მსჯავრდებულისთვის წახალისების ერთ-ერთ სახეს წარმოადგენს.

ყველა ახალი ამბავი
0