04:17 20 სექტემბერი 2019
პირდაპირი ეთერი
  • EUR3.2902
  • 100 RUB4.6406
  • USD2.9738
მუშები რკინიგზის მშენებლობაზე

საქართველოს რკინიგზაზე მოძრაობა შეიძლება შეწყდეს

SPUTNIK / DENIS ASLANOV
საზოგადოება
მოკლე ბმულის მიღება
სოციალური სფერო საქართველოში (98)
119 0 0

გაფიცვა ავტომატურად გამოიწვევს შიდა და გარე სარკინიგზო მიმოსვლის გაჩერებას

თბილისი, 4 აგვისტო — Sputnik. კომპანია „საქართველოს რკინიგზის“ თანამშრომლები ხელფასების მომატების მოთხოვნით გაფიცვას აანონსებენ, იუწყება ტელეკომპანია Imedi.

ახალქალაქის რკინიგზის სადგურის მშენებლობაზე დასაქმებული მუშები გაიფიცნენ >>

თანამშრომლები ხელფასის 50%-ით გაზრდას ითხოვენ. 4 ათას 800 ადამიანს უკვე ხელი აქვს მოწერილი გაფიცვაზე. „ახალი პროფკავშირების“ წარმომადგენლები 10 აგვისტოს შეიკრიბებიან და გაფიცვის თარიღსა და ფორმებზე იმსჯელებენ.

რკინიგზელთა ახალი პროფკავშირის განცხადებით, რკინიგზის ადმინისტრაციამ მოლაპარაკებებზე უარი განაცხადა, შესაბამისად, მათ ერთადერთი გზა დარჩათ და აქციას, როგორც პროტესტის ფორმას მიმართავენ.

„რკინიგზის თანამშრომლებს 2012 წლის შემდეგ აღარ გაზრდიათ ხელფასი. ზოგის ხელფასი 300 ლარია.  მოპოვებულია კანონიერი გაფიცვის მოთხოვნა. რკინიგზის ადმინისტრაციამ უკვე გაავრცელა ინფორმაცია რომ კომპანიის თანამშრომლებს ხელფასი 2020 წლის 1 მაისიდან გაეზრდებათ“, - აცხადებენ რკინიგზის ახალ პროფკავშირებში.

მიმდინარე წლის 9 ივლისს, საქართველოს რკინიგზაში დაწყებული კოლექტიურ შრომითი დავის - კანონით გათვალისწინებული შემათანხმებელი პროცედურა რკინიგზის ადმინისტრაციის გამოუცხადებლობის გამო შეწყდა. მედიაციის პროცედურების შეწყვეტა ან დასრულება დავის დაწყებიდან 21 დღის ვადაში, დასაქმებულებს ანიჭებს უვადოდ კანონიერი გაფიცვის უფლების გამოყენების შესაძლებლობას.

პროფკავშირები მოუწოდებენ საქართველოს რკინიგზაში დასაქმებულ 13 000 რკინიგზელს, შეინარჩუნონ მაქსიმალური სიმშვიდე და დაელოდონ ყველა სამართლებრივი პროცედურის ბოლომდე დასრულებას.

თემები:
სოციალური სფერო საქართველოში (98)

მთავარი თემები