02:30 19 აგვისტო 2019
პირდაპირი ეთერი
  • EUR3.2395
  • 100 RUB4.4227
  • USD2.9232
მუშები რკინიგზაზე

ახალქალაქის რკინიგზის სადგურის მშენებლობაზე დასაქმებული მუშები გაიფიცნენ

SPUTNIK / DENIS ASLANOV
საზოგადოება
მოკლე ბმულის მიღება
სოციალური სფერო საქართველოში (95)
75 0 0

120 თანამშრომელი 4 თვის სახელფასო დავალიანების დაფარვას ითხოვს

თბილისი, 23 ივლისი — Sputnik. ბაქო-თბილისი-ყარსი-მარაბდა-კარწახის სარკინიგზო მონაკვეთზე ახალქალაქის რკინიგზის სადგურის მშენებლობაზე დასაქმებული მუშები გაიფიცნენ, იუწყება ტელეკომპანია Imedi.

120 თანამშრომელი 4 თვის სახელფასო დავალიანების დაფარვას ითხოვს.

მუშების ინფორმაციით, გაუსაძლისი სამუშაო პირობების, დარღვეული უსაფრთხოების ნორმებისა და ხელფასის დაგვიანების გამო კომპანია უკვე 10-მა დასაქმებულმა დატოვა.

აქციის მონაწილეების განცხადებით, აზერბაიჯანულ სარკინიგზო კომპანია „დემირ იოლ სერვისს" 1 აგვისტოდან თურქული კომპანია ცვლის. მუშებს დავალიანების დაფარვას 15 აგვისტომდე დაჰპირდნენ, თუმცა ვინაიდან ანაზღაურების მიღება ხშირად დაგვიანებით ხდებოდა, მათ ხელფასების აღების იმედი აღარ აქვთ და პროტესტის ამ ფორმას მიმართეს.

დღეს მუშებმა პროტესტის ნიშნად სარკინიგზო ლიანდაგი გადაკეტეს. მოძრაობა მაგისტრალზე პოლიციის ჩარევის შემდეგ განახლდა.

აქციის მონაწილეებს კომპანიის წარმომადგენელი შეხვდა და დავალიანების დაფარვას ხვალისთვის დაპირდა. თუმცა დაპირების შესრულებამდე სარკინიგზო სადგურის მშენებლობაზე დასაქმებულები მუშაობის განახლებას არ აპირებენ.

ახალქალაქში ბაქო–თბილისი–ყარსის რკინიგზის სხვადასხვა ტიპის ლიანდაგების შემაერთებელი სადგური შენდება, სადაც მოხდება ე.წ. ევროპული სტანდარტის ლიანდაგის რკინიგზის შეერთება საბჭოური სტანდარტის ლიანდაგთან.

თემები:
სოციალური სფერო საქართველოში (95)

მთავარი თემები