06:47 13 ივნისი 2021
პირდაპირი ეთერი
  • EUR3.8523
  • 100 RUB4.4253
  • USD3.1701
პოლიტიკა
მოკლე ბმულის მიღება
7510

გასული წლის დეკემბერში ცნობილი გახდა, რომ 2021 წელს საქართველოს თავდაცვის სამინისტრო,  პარტნიორ ქვეყნებთან ერთად, სამი ახალი საწარმოს ამოქმედებას გეგმავს.

თბილისი, 13 მაისი – Sputnik. სამხედრო-სამეცნიერო ცენტრ „დელტას“ ბაზაზე მცირე და დიდი ზომის უპილოტო საფრენი აპარატების ერთობლივი საწარმოს შესახებ სამხრეთ აფრიკულ და პოლონურ კომპანიებთან მოლაპარაკებები მიმდინარეობს, განაცხადა საქართველოს თავდაცვის მინისტრმა ჯუანშერ ბურჭულაძემ საქართველოს პარლამენტში „მინისტრის საათის“ ფორმატში გამოსვლისას.

საქართველოში სამხედრო მრეწველობა სახელმწიფო სამხედრო-სამეცნიერო ტექნიკურ ცენტრ „დელტას“ ბაზაზეა კონცენტრირებული, რომელიც ახლანდელი სახით 2010 წლიდან არსებობს. იგი აერთიანებს ექვს სამეცნიერო-კვლევით ინსტიტუტსა და თბილისის საავიაციო ქარხანას, იმყოფება საქართველოს თავდაცვის სამინისტროს დაქვემდებარებაში.

მინისტრმა თავდაცვის ძალების ბრძოლისუნარიანობის გაძლიერების კუთხით დაგეგმილ ნაბიჯებზე ისაუბრა და აღნიშნა, რომ იგეგმება მნიშვნელოვანი ნაბიჯები როგორც უპილოტო საფრენი აპარატების შესაძენად, ასევე მათი წარმოების შესაძლებლობების შესაქმნელად.

„ამ ეტაპზე მიმდინარეობს მოლაპარაკებები ნატოს ქვეყნებთან ტექნიკური დეტალების დაზუსტების მიზნით“, – განაცხადა ჯუანშერ ბურჭულაძემ.

მინისტრის განცხადებით, ამჟამად მიმდინარეობს უცხოურ კომპანიებთან საერთო საწარმოს შექმნასთან დაკავშირებით მოლაპარაკებები, მიმდინარე წელს გაფორმდება შესაბამისი ხელშეკრულება, ხოლო უშუალოდ პროდუქციის გამოშვება 2022 წლისთვის იგეგმება.

„დელტა“ აწარმოებს ჯავშანმანქანებს, ნაღმმტყორცნებს, უნივერსალურ საბრძოლო მოდულებს, უპილოტო საფრენ აპარატებს, პისტოლეტებს, შაშხანებს, ჯავშანჟილეტებსა და სხვა სამხედრო პროდუქციას. ცენტრს თავისი პროდუქცია უკვე გააქვს ექსპორტზე საზღვარგარეთ. გარდა ამისა, საავიაციო ქარხნის ბაზაზე მიმდინარეობს თვითმფრინავებისა და ვერტმფრენების მოდერნიზაცია. ასევე არსებობს საწარმო „დელტა ტექსტილი“, სადაც სამხედრო ფორმებს კერავენ.

მთავარი თემები