გახარია: მჯერა, თითოეული პოლიტიკური გაერთიანება ქართველი ამომრჩევლის საკადრისად მოიქცევა

© photo : Government of Georgia / FBპრემიერი გიორგი გახარია
პრემიერი გიორგი გახარია - Sputnik საქართველო
გამოწერა
პრემიერი დარწმუნებულია, რომ თითოეული პოლიტიკური პარტია გაიაზრებს იმ პასუხისმგებლობას, რაც მათ ქართველმა ამომრჩეველმა მიანიჭა.

თბილისი, 19 ნოემბერი – Sputnik. მოქალაქეებმა პანდემიის პირობებში მიიღეს არჩევნებში მონაწილეობა, მხარი დაუჭირეს ცხრა პარტიას და, დარწმუნებული ვარ, თითოეული პოლიტიკური გაერთიანება იაზრებს ამ პასუხისმგებლობას და მოიქცევა ისე, როგორც ქართველ ამომრჩეველს ეკადრება, განაცხადა საქართველოს პრემიერ-მინისტრმა გიორგი გახარიამ საქართველოს მთავრობის დღევანდელ სხდომაზე.

დავით ზალკალიანი - Sputnik საქართველო
ზალკალიანი: ოპოზიციას პარლამენტში შესვლისთვის არავინ გაკიცხავს

ოპოზიცია საპარლამენტო არჩევნების შედეგებს არ აღიარებს, ხელახალი არჩევნების გამართვის მოთხოვნით ქვეყანაში ორ კვირაზე მეტია საპროტესტო აქციები ტარდება. კენჭისყრის შედეგებით პარლამენტში შესულმა ყველა ოპოზიციურმა ძალამ პროტესტის ნიშნად უარი განაცხადა დეპუტატის მანდატებზე და არჩევნების მეორე ტურში მონაწილეობაზე.

გახარიას განცხადებით, პოლიტიკურმა პარტიებმა ერთობლივად უნდა იზრუნონ ქვეყანაში არსებული გამოწვევების გადაჭრაზე.

„მე დარწმუნებული ვარ, რომ თითოეული ეს პოლიტიკური გაერთიანება, თითოეული დეპუტატი იაზრებს ამ პასუხისმგებლობას და შესაბამისად მოიქცევა, როგორც ეკადრება ქართველ ამომრჩეველს, საქართველოს მოქალაქეს, იმ მოლოდინებს და იმ პასუხისმგებლობას, რომელიც საქართველოს მოქალაქემ მისი თვალთახედვის შესაბამისად გადაანაწილა“, – აღნიშნა მთავრობის მეთაურმა.

პრემიერის განცხადებით, გლობალური პანდემიის, ეკონომიკური კრიზისისა და რეგიონული გამოწვევების დროს ქვეყნის შემდგომი სტაბილური განვითარება და სტაბილური პოლიტიკური პროცესი უაღესად მნიშვნელოვანია.

ოპოზიციის აქცია - Sputnik საქართველო
მომხრეები და მოწინააღმდეგეები - ქართულ ოპოზიციაში ახალი უთანხმოება გაჩნდა

საქართველოში საპარლამენტო არჩევნები 31 ოქტომბერს გაიმართა. ცესკოს მონაცემებით, პროპორციული სისტემით ჩატარებული არჩევნების შედეგებით, პარლამენტში ცხრა პარტია შედის: „ქართული ოცნება – დემოკრატიული საქართველო“, „ერთიანი ნაციონალური მოძრაობა – ძალა ერთობაშია“, „ევროპული საქართველო – მოძრაობა თავისუფლებისთვის“, „ლელო საქართველოსთვის“, „სტრატეგია აღმაშენებელი“, „საქართველოს პატრიოტთა ალიანსი“, „ალეკო ელისაშვილი – მოქალაქეები“ და „საქართველოს ლეიბორისტული პარტია“.

წინასწარი გათვლებით, მეორე ტურის შედეგებიდან დამოუკიდებლად, „ქართული ოცნება“ 76 მანდატს, საპარლამენტო უმრავლესობას მოიპოვებს. ოპოზიცია ასეთ შედეგებს არ ეთანხმება და მეორე ტურს ბოიკოტს უცხადებს და მეათე მოწვევის პარლამენტში მუშაობაზე უარს ამბობს.

აშშ-ის სახელმწიფო დეპარტამენტი: ბოიკოტის გამოცხადება უკვე ნანახი ფილმის ყურებას ჰგავს>>

მმართველ პარტიაში მიაჩნიათ, რომ საქართველოში არჩევნები კანონის ყველა მოთხოვნის გათვალისწინებით, სამართლიან და კონკურენტულ გარემოში ჩატარდა და ოპოზიციას მისი შედეგების ეჭვქვეშ დაყენების საფუძველი არ აქვს.

ყველა ახალი ამბავი
0