09:43 05 დეკემბერი 2020
პირდაპირი ეთერი
  • EUR4.0304
  • 100 RUB4.4551
  • USD3.3115
პოლიტიკა
მოკლე ბმულის მიღება
საქართველოს საპარლამენტო არჩევნები 2020 (598)
113 0 0

ოპოზიციური პარტიების ჩამონათვალი, რომლებმაც ახალი მოწვევის პარლამენტს ბოიკოტი გამოუცხადეს და მანდატებზე უარი თქვეს, სულ უფრო ფართოვდება

თბილისი, 2 ნოემბერი – Sputnik. ოპოზიციური ბლოკი „ერთიანი ნაციონალური მოძრაობა - ძალა ერთობაშია“ უარს აცხადებს პარლამენტის სავარძლებზე, ამის შესახებ ბრიფინგზე პარტიის ერთ-ერთმა ლიდერმა, გლდანის მაჟორიტარობის კანდიდატმა ნიკა მელიამ განაცხადა.

„ჩვენ „ნაციონალური მოძრაობა- ძალა ერთობაშიას“ სხვა პოლიტიკური ოპოზიციური პარტიების მსგავსად გვაქვს მიღებული გადაწყვეტილება, რომ არ შევალთ იქ, რასაც არაფერი აქვს საერთო პოლიტიკასთან ანუ პარლამენტში, რომელსაც მხოლოდ და მხოლოდ ბიძინა ივანიშვილი ეძახის პარლამენტს. ეს არ არის პარლამენტი და ვერ იქნება პარლამენტი, შესაბამისად არავის იქ არაფერი არ გვესაქმება. ჩვენი მოთხოვნა რჩება უცვლელი - ახალი არჩევნები თავისუფალ გარემოში“, - განაცხადა ნიკა მელიამ.

ცესკოს წინასაწარი მონაცემებით, ბლოკმა „ერთიანი ნაციონალური მოძრაობა - ძალა ერთობაშიამ“ არჩევნებზე მოიპოვა 27, 14% და ახალი მოწვევის პარლამენტში 34 ადგილი მიიღო.

თავის ოთხ მანდატზე უარს აცხადებს ასევე ბლოკი „გიორგი ვაშაძე - სტრატეგია აღმაშენებელი“.

ცესკო: დათვლილია 3847-ვე საარჩევნო უბნის მონაცემები >>

ყველას კარგად გვაქვს გასიგრძეგანებული, რასთან გვაქვს საქმე. საქმე გვაქვს სახელმწიფოს მიტაცებასთან , ქართული დემოკრატიის დასამარებასთან. საქმე გვაქვს უმძიმეს სიტუაციასთან, რომელიც ხვალ და ზეგ გველის. ვაპირებ ბრძოლას ბოლომდე“, – აღნიშნა გიორგი ვაშაძემ.

მანამდე პარლამენტის ბოიკოტირების შესახებ განაცხადეს „ევროპულმა საქართველომ“, „საქართველოს პატრიოტთა ალიანსმა“, „ლელო საქართველოსთვის“, „გირჩმა“ და ლეიბორისტულმა პარტიამ.

თემები:
საქართველოს საპარლამენტო არჩევნები 2020 (598)

მთავარი თემები