08:01 23 სექტემბერი 2020
პირდაპირი ეთერი
  • EUR3.8267
  • 100 RUB4.2850
  • USD3.2537
პოლიტიკა
მოკლე ბმულის მიღება
საქართველოს საპარლამენტო არჩევნები 2020 (145)
98 0 0

პარტიების რეიტინგში „ქართული ოცნების" შემდეგ მეორე ადგილზე ყოფილი მმართველი ძალა „ერთიანი ნაციონალური მოძრაობაა“.

თბილისი, 10 სექტემბერი — Sputnik. მომავალ საპარლამენტო არჩევნებში მმართველი პარტია „ქართული ოცნება – დემოკრატიული საქართველოს“ მხარდაჭერისთვის საქართველოს მოსახლეობის უმრავლესობაა მზად, ამაზე მეტყველებს ტელეკომპანია Rustavi2-ის დაკვეთით კვლევითი კომპანია Survation-ის მიერ ჩატარებული კვლევის შედეგები.

სოციოლოგების მონაცემებით, ქვეყნის მოსახლეობის 55,7% არჩევნებზე მხარს „ქართულ ოცნებას“ დაუჭერს.

მეორე ადგილზეა ყოფილი მმართველი პარტია „ერთიანი ნაციონალური მოძრაობა“, რომლის სასარგებლოდაც საკუთარი პოზიცია დააფიქსირა გამოკითხვაში მონაწილეთა 16,2%-მა, მესამე ადგილზე კი გიორგი ვაშაძის პარტია „სტრატეგია აღმაშენებელი“ გავიდა (6%). 

შემდეგ მოდიან პარტიები „ევროპული საქართველო – მოძრაობა თავისუფლებისთვის“ (5,6%), „ლეიბორისტული პარტია (4,5%) და „პატრიოტთა ალიანსი“ (3,9%).

ამასთან, გამოკითხულთა 68,9% თითქმის დარწმუნებულია, რომ არჩევნებში მონაწილეობას მიიღებს. ეჭვი ეპარება რესპონდენტების 12,5%-ს, ხოლო 6% არჩევნებში მონაწილეობაზე უარს აცხადებს.

საქართველოს სახელმწიფო ინსტიტუტებისადმი ნდობა

Survation-მა გაარკვია, რომ საქართველოში ყველაზე მეტად ჯარს (84%), ეკლესიას (83%) და თბილისის მერიას (71%) ენდობიან. 

პოლიციას ენდობა გამოკითხულთა 68%, სამართალდამცველი ორგანოების საქმიანობას ნეგატიურად აფასებს 24%.

ადგილობრივი თვითმმართველობების საქმიანობას დადებითად აფასებს რესპონდენტების 63%, 28% კი უარყოფითად.

კომპანიამ 26 აგვისტოდან 2 სექტემბრამდე პერიოდში სულ 1,2 ათასი ადამიანი გამოკითხა. გამოკითხვის ცდომილების შესახებ ინფორმაცია არ ვრცელდება.

Survation – საზოგადოებრივი აზრის შემსწავლელი ბრიტანული კომპანიაა 10-წლიანი გამოცდილებით, რომელიც ცნობილია როგორც ერთ-ერთი წარმატებული კომპანია დიდი ბრიტანეთის ბაზარზე.

პარტიების რეიტინგი

კომპანია Survation-ის აგვისტოს გამოკითხვა ამ ზაფხულს ჩატარებული უკვე მეოთხე გამოკითხვაა. მსგავსი გამოკითხვა ბრიტანულმა კომპანიამ ივლისშიც ჩაატარა. მაშინ კვლევის შედეგები დღევანდელისგან განსხვავდებოდა – მმართველმა პარტიამ საკუთარი პოზიციები გააძლიერა.

ყველა დანარჩენი გამოკითხვის შედეგებით, მმართველი პარტია პირველ ადგილს იკავებს, ხოლო მას „ნაციონალური მოძრაობა“ მოსდევს.

პარტია  Edisson
  Research
(23 ივნისი - ივლისი)
 IRI 
(4 ივნისი - 2 ივლისი)
Survation
(2-22 ივლისი)
Survation
 (26 აგვისტო - 2 სექტემბერი)
„ქართული ოცნება – დემოკრატიული საქართველო" 39% 33% 52% 55,7%
„ერთიანი ნაციონალური მოძრაობა 16% 16% 19% 16,2%
„ევროპული საქართველო–მოძრაობა თავისუფლებისთვის" 5% 5% 8% 5,6%
„პატრიოტთა ალიანსი" 3% 3% 5% 3,9%
„გიორგი ვაშაძე – სტრატეგია აღმაშენებელი 3% 3% 4% 6%
„ლელო საქართველოსთვის" 3% 2% 5% 3,7%
თემები:
საქართველოს საპარლამენტო არჩევნები 2020 (145)

მთავარი თემები