დასახელდა საკონსტიტუციო ცვლილებების პირველი მოსმენით განხილვის თარიღი

© photo: Sputnikირაკლი კობახიძე
ირაკლი კობახიძე - Sputnik საქართველო
გამოწერა
საპარლამენტო უმრავლესობა გეგმავს კანონპროექტის პირველი მოსმენით განხილვას 21 ივნისს და მის საბოლოოდ მიღებას 29 ივნისს

თბილისი, 1 ივნისი - Sputnik. განისაზღვრა საარჩევნო სისტემასთან დაკავშირებული საკონსტიტუციო ცვლილებების საყოველთაო-სახალხო განხილვის ფორმატი. ამის შესახებ ჟურნალისტებს საპარლამენტო უმრავლესობის წევრმა ირაკლი კობახიძემ განუცხადა.

2020 წლის 31 ოქტომბერს საპარლამენტო არჩევნების ჩატარება ახალი სისტემით საქართველოსადმი საერთაშორისო თანამეგობრობის ერთ-ერთი მთავარი მოთხოვნაა.

თეა წულუკიანი - Sputnik საქართველო
„ქართული ოცნების“ პარტიული სიის პირველი ნომერი წულუკიანი იქნება?

კობახიძის სიტყვებით, გაიმართება ორი შეხვედრა სატელევიზიო ფორმატით, სადაც კომისიის წარმომადგენლები, მათ შორის, პარლამენტისა და შესწორებების განხილვის საორგანიზაციო კომისიის თავმჯდომარე არჩილ თალაკვაძე საკონსტიტუციო შესწორებებს წარადგენენ.

„ასევე, გვექნება ინტერაქტიული კომუნიკაციის საშუალება საზოგადოებასთან, მივიღებთ კითხვებს და გავცემთ პასუხებს. სატელევიზიო ფორმატის შეხვედრები გაიმართება საზოგადოებრივი მაუწყებლის პლატფორმაზე, თბილისში და ასევე აჭარის საზოგადოებრივი მაუწყებლის ეთერში შედგება ასეთი შეხვედრა“, - განაცხადა კობახიძემ.

კობახიძე ვარაუდობს, რომ განხილვის პროცესი ივნისის შუა რიცხვებში დასრულდება.

„ეს მოგვცემს იმის საშუალებას, რომ 21 ივნისისთვის გავიტანოთ კანონპროექტი პარლამენტში პირველ მოსმენაზე და 29 ივნისს, სავარაუდოდ, სამივე მოსმენით იქნება კანონპროექტი მიღებული. პირველი განხილვა თბილისში შედგება 4 ივნისს, რაც შეეხება აჭარის მაუწყებელს, სავარაუდოდ, 13 ან 14 ივნისს შედგება  განხილვა“, - აღნიშნა ირაკლი კობახიძემ.
პარლამენტი - Sputnik საქართველო
საქართველოს კონსტიტუციაში შესწორებების საყოველთაო განხილვა ხუთშაბათს დაიწყება

განხილვაში მონაწილეობის მიღებას და კითხვების დასმას შეძლებს ნებისმიერი მოქალაქე. განხილვა 4 ივნისს, 22:30 საათზე გაიმართება.

„ნაციონალური მოძრაობისა“ და „ევროპული საქართველოს“ წარმომადგენლები აცხადებენ, რომ მხარს არ დაუჭერენ საკონსტიტუციო ცვლილებებს, ვიდრე ხელისუფლება არ შეასრულებს 8 მარტის შეთანხმების ყველა პირობას.

საკონსტიტუციო შესწორებების მისაღებად აუცილებელია 112 ხმა, მმართველ პარტიას მხოლოდ 95 დეპუტატი ჰყავს, ამიტომ მას ოპოზიციის ერთი ნაწილის მხარდაჭერა მაინც სჭირდება.

საკანონმდებლო ინიციატივა პარლამენტში 11 მარტს დარეგისტრირდა. შესწორების თანახმად, ახალ საარჩევნო სისტემაში იცვლება ოლქების რაოდენობა, პარტიების გამსვლელი ბარიერი და ადგილების გადანაწილების სისტემა პარლამენტში.

წარმოდგენილ ვარიანტში 30 მაჟორიტარული ოლქია, გამსვლელი ბარიერი კი მხოლოდ 1%. პარტიული სიით გასული დეპუტატების ადგილების რაოდენობა პარლამენტში დამოკიდებული იქნება არჩევნების შედეგად ერთმანდატიან ოლქებში მიღებულ ადგილებზე.

ყველა ახალი ამბავი
0