მთავრობა საქართველოს პრეზიდენტს პარლამენტში სრული შემადგენლობით მოუსმენს

© photo: Sputnik / Stringerპარლამენტის სხდომა
პარლამენტის სხდომა - Sputnik საქართველო
გამოწერა
ჯერჯერობით უცნობია, რა თემები იქნება წამოწეული წინა პლანზე სალომე ზურაბიშვილის გამოსვლაში, მაგრამ ცნობილია, რომ ამ დროს პარლამენტის სხდომათა დარბაზში ოპოზიცია არ იქნება.

თბილისი, 4 მარტი — Sputnik. საქართველოს პრეზიდენტის ყოველწლიურ გამოსვლას პარლამენტში ქვეყნის პრემიერ-მინისტრი გიორგი გახარია და მთავრობის წევრები დაესწრებიან.

ეს გამოსვლა ზურაბიშვილისთვის სახელმწიფოს მეთაურის რანგში მეორე იქნება.

პრეზიდენტის სიტყვით გამოსვლა გათვალისწინებულია საქართველოს კონსტიტუციითა და პარლამენტის რეგლამენტით.

გიორგი მარგველაშვილი - Sputnik საქართველო
გიორგი მარგველაშვილს პერსონალური დაცვა აღარ ჰყავს

პლენარული სხდომა 14:00 საათზე დაიწყება. ის ნახევრად ცარიელ დარბაზში გაიმართება, რადგანაც ოპოზიცია კვლავ ბოიკოტის რეჟიმშია.

საქართველოს პარლამენტის რეგლამენტით, ქვეყნის პრეზიდენტი ყოველწლიური ანგარიშით პარლამენტის საგაზაფხულო სესიის პირველ კვირაში უნდა წარდგეს – თებერვლის დასაწყისში, თუმცა ეს, ჩვეულებრივ, უფრო გვიან ხდება.

პრეზიდენტის სიტყვის შემდეგ, რეგლამენტის თანახმად, გამოსვლებისთვის 10-10 წუთი ეძლევათ იმ ფრაქციების თავმჯდომარეებს, რომლებიც არ შედიან უმრავლესობაში ან უმცირესობაში, 15-15 წუთი კი უმცირესობისა და უმრავლესობის ლიდერებს.

დებატების დასრულების შემდეგ პრეზიდენტს დასკვნითი სიტყვით გამოსვლის უფლება აქვს.

სალომე ზურაბიშვილი ქვეყნის პრეზიდენტი 2018 წლის დეკემბერში გახდა.

ყველა ახალი ამბავი
0