11:42 25 იანვარი 2020
პირდაპირი ეთერი
  • EUR3.1870
  • 100 RUB4.6730
  • USD2.8870
პოლიტიკა
მოკლე ბმულის მიღება
81 0 0

დაღუპულთა შორის არიან უკრაინის, ირანის, კანადის, გერმანიის, დიდი ბრიტანეთის, შვედეთისა და ავღანეთის მოქალაქეები. თავიანთი მწუხარება კატასტროფასთან დაკავშირებით უკვე გამოთქვეს საქართველოს პრეზიდენტმა და საგარეო საქმეთა მინისტრმა.

თბილისი, 8 იანვარი — Sputnik. საქართველოს პრემიერ-მინისტრმა გიორგი გახარიამ თეირანში უკრაინული ავიალაინერის კატასტროფასთან დაკავშირებით მწუხარება გამოთქვა.

„გულწრფელად ვუსამძიმრებ თეირანთან ახლოს უკრაინული თვითმფრინავის კატასტროფის შედეგად ტრაგიკულად დაღუპულთა ოჯახებს", – დაწერა პრემიერმა Twitter-ში.

უკრაინული ლაინერი Boeing 737 თეირანის იმამ ჰომეინის სახელობის საერთაშორისო აეროპორტთან ახლოს, აფრენისთანავე ჩამოვარდა. ბორტზე მყოფი 176 ადამიანიდან ყველა დაიღუპა.

თეირანის საერთაშორისო აეროპორტის ოფიციალურმა წარმომადგენელმა სააგენტო IRNA-ს განუცხადა, რომ ავიაკატასტროფის მიზეზი ძრავის აალება გახდა.

თვითმფრინავის ბორტზე, რომელმაც თეირანში კატასტროფა განიცადა, ქართველები არ იყვნენ>>

არსებული ინფორმაციით, თვითმფრინავი კიევში მიფრინავდა. Boeing 737 აფრენიდან 8 წუთში ჩამოვარდა.

მთავარი თემები