15:13 17 ნოემბერი 2019
პირდაპირი ეთერი
  • EUR3.2779
  • 100 RUB4.6531
  • USD2.9723
საპატრულო პოლიცია

საქართველოში ახალი საგამოძიებო უწყება იქმნება

© Sputnik / Vladimir Umikashvili.
პოლიტიკა
მოკლე ბმულის მიღება
საქართველოს მთავრობა (44)
14730

იუსტიციის მინისტრმა ამჟამინდელი ხელისუფლების მიღწევად დაასახელა ის, რომ იქმნება უწყება, რომელიც ჩინოვნიკების მიერ ჩადენილ დანაშაულებს გამოიძიებს

თბილისი, 20 მარტი — Sputnik. საქართველოს იუსტიციის მინისტმა თეა წულუკიანმა პარლამენტში ისაუბრა ახალი უწყების - სახელმწიფო ინსპექტორის სამსახურის შესახებ, რომელიც სულ მალე ამოქმედდება.

კანონი სახელმწიფო ინსპექტორის სამსახურის შექმნის შესახებ 2018 წელს მიიღეს. ახალ უწყებას დაეკისრება პირადი მონაცემების დაცვის ინსპექტორის ვალდებულებები და გარკვეული სახის დანაშაულის გამოძიება.

„საქართველოში შეიქმნება სახელმწიფო ინსპექტორის აპარატი, რომელიც გამოიძიებს სამართალდამცავი სტრუქტურების, მათ შორის, პენიტენციური სამსახურის წარმომადგენლების მიერ ჩადენილ არასათანადო მოპყრობის ფაქტებს. ეს რეფორმა პასუხობს ძალიან ბევრ გამოწვევას. დღემდე ისმოდა შენიშვნები არაერთ საქმეზე, ჩვენ რა თქმა უნდა, გვიხარია, რომ ჩვენი ხელისუფლების პირობებში დამოუკიდებელი საგამოძიებო მექანიზმი იქმნება“, – განაცხადა თეა წულუკიანმა.

ოთხშაბათს წულუკიანი პარლამენტში „მინისტრის საათის“ ფარგლებში გამართულ პლენარულ სხდომაზე წარდგა.

სახელმწიფო ინსპექტორის სამსახურის საგამოძიებო ორგანო გამოიძიებს საქმეებს, რომელიც უკავშირდება წამებას, არაადამიანურ მოპყრობას, წამების მუქარას, სამართალდამცავი ორგანოების წარმომადგენლების და ჩინოვნიკების, ასევე მათთან გათანაბრებულ პირთა მხრიდან დამამცირებელ მოპყრობას.

გარდა ამისა, ახალი საგამოძიებო ორგანოც კომპეტენციაში შევა უფლებამოსილების ბოროტად გამოყენება/გადამეტების შემთხვევების გამოძიება, რომელიც ძალადობის ან იარაღის გამოყენებით არის ჩადენილი.

თემები:
საქართველოს მთავრობა (44)

მთავარი თემები