01:40 16 ივნისი 2019
პირდაპირი ეთერი
  • EUR3.0943
  • 100 RUB4.2700
  • USD2.7468
საქართველოს ბიომეტრიული პასპორტი

ამბიციური პასპორტი - საქართველოს მოქალაქეობის მიღება გართულდა

© Sputnik / Alexander Imedashvili
პოლიტიკა
მოკლე ბმულის მიღება
საქართველოს პასპორტი (16)
49320

საქართველოს მოქალაქეობის მაძიებლებს ქართული პასპორტის მიღება გაუჭირდებათ

თბილისი, 15 აგვისტო — Sputnik. სხვა ქვეყნის მოქალაქეებზე საქართველოს მოქალაქეობის მინიჭების პროცედურა საგრძნობლად გართულდა — შესაბამისი შესწორებები შევიდა „საქართველოს მოქალაქეობის შესახებ“ კანონში.

საქართველოში ორმაგი მოქალაქეობა შემოიღეს >>

ქართული პასპორტის მისაღებად, საქართველოს მოქალაქის მეუღლემ ქვეყანაში ორი წლის ნაცვლად არანაკლებ ხუთი წლისა უნდა იცხოვროს.

ჩვეულებრივი წესით მოქალაქეობის მაძიებლებისთვის საქართველოში სავალდებულო ცხოვრების ვადა მინიმუმ 10 წლამდე გაიზარდა (5 წლის ნაცვლად).

გამკაცრებულია გამონაკლისის სახით მოქალაქეობის მიღების წესები. მოქალაქეობის მინიჭება სახელმწიფოს ინტერესებს წარმოადგენს, თუ მაძიებელი საქართველოს თავის სამშობლოდ მიიჩნევს, ან მისი წინაპრები ან ის თვითონ წარმოშობით საქართველოდანაა.

მოქალაქეობის მიღება გამონაკლისის სახით შეუძლია იმასაც, ვინსაც საქართველოში ინვესტიციები აქვთ გაკეთებული ან ამის გაკეთებას გეგმავს ან ქვეყნის ეკონომიკის განვითარებაში მნიშვნელოვანი წვლილი შეიტანა.

ქართული პასპორტის მიღების შანსი აქვთ წარმატებულ მხატვრების, სპორტსმენებს, მეცნიერებს, რომელთაც სურთ საქართველოს სახელით მოღვაწეობა.

გამონაკლისის სახით მოქალაქეობის მიღების შემთხვევაში უცხოელს აღარ სჭირდება სხვა ქვეყნის მოქალაქეობაზე უარის თქმა.

მოქალაქეობის მიღების კრიტერიუმები ყველა შემთხვევაში განსხვავებულია, მაგრამ არსებობს ორი პირობა, რომელსაც ყველა მაძიებელი უნდა აკმაყოფილებდეს — ქართული ენისა და ისტორიის ცოდნა.

საქართველოში ცხოვრების უფლების ნებართვის მიღება შეიძლება გართულდეს >>

საქართველოში მოქალაქეობის მიღების რამდენიმე შესაძლებლობა არსებობს: ჩვეულებრივი წესით, გამარტივებული წესით ან მოქალაქეობის აღდგენის წესით.

დღეისათვის საქართველოს მოქალაქეებს უვიზოდ 59 ქვეყანაში გამგზავრება შეუძლია, მათ შორის ევროკავშირის ქვეყნებში.


თემები:
საქართველოს პასპორტი (16)

მთავარი თემები