თბილისი, 20 ოქტომბერი — Sputnik. „ერთიანი ნაციონალური მოძრაობის“ წარმომადგენლები მათ ოფისზე მორიგი თავდასხმის შესახებ განცხადებას ავრცელებენ. ეს ამჯერად ქალაქ ფოთში მოხდა.
გუშინ „ნაციონალური მოძრაობის“ ოფისებს ქვეყნის რამდენიმე ქალაქში დაესხნენ თავს.
ამჯერად, ქალაქ ფოთში მდებარე პარტიის ოფისის ფასადი უცნობმა პირებმა წითელი საღებავებით შეღებეს და კვერცხები ესროლეს.
ოპოზიციონერები მომხდარზე პასუხისმგებლობას ხელისუფლებასა და „ქართული ოცნების“ მხარდამჭერებს აკისრებენ.
„ყველა ოფისი მაინც განაგრძობს მუშაობას, საგანგებო რეჟიმშიც კი“, — განაცხადა ენმ–ის წევრმა გიორგი თევდორაძემ.
