ორი ორმაგი ოქრო, 15 ოქრო და შვიდი ვერცხლი: ქართული ღვინის გამარჯვება „საკურას“ კონკურსზე

© photo: Wines of Georgia / FBკონკურსის Sakura Japan Women"s Wine Awards 2019 ჟიური
კონკურსის Sakura Japan Womens Wine Awards 2019 ჟიური - Sputnik საქართველო
გამოწერა
„ორმაგი ოქროს“ მფლობელები იბრძოლებენ უმაღლესი – „ბრილიანტის“ ჯილდოს მოსაპოვებლად საერთაშორისო გამოფენაში Foodex Japan.

თბილისი, 14 თებერვალი – Sputnik. იაპონიაში გამართულ საერთაშორისო კონკურსზე „საკურა“ (The 6rd „Sakura” Japan Women’s Wine Awards 2019) ქართულმა სხვადასხვა დასახელების ღვინოებმა 24 უმაღლესი ჯილდო დაიმსახურა, ნათქვამია ღვინის ეროვნული სააგენტოს განცხადებაში.

კონკურსში ქართულმა ღვინოებმა მიიღეს 2 ორმაგი ოქროს, 15 ოქროსა და 7 ვერცხლის მედალი. „ორმაგი ოქროს“ მფლობელები 2019 წლის 5 მარტს მონაწილეობას მიიღებენ საერთაშორისო გამოფენაში Foodex Japan და იბრძოლებენ უმაღლესი – „ბრილიანტის“ ჯილდოს (Diamond Trophy) მოსაპოვებლად.

როგორც ღვინის ეროვნულ სააგენტოში აღნიშნავენ, ასეთ პრესტიჟულ კონკურსებში გამარჯვება გაზრდის ზოგადად ქართული ღვინისა და კონკრეტული კომპანიების პოპულარობას, რაც იაპონიის ღვინის ბაზარზე დამკვიდრებას შეუწყობს ხელს.

ქართული ღვინო - Sputnik საქართველო
საქართველო მსოფლიოში ღვინის ყველაზე დიდ ექსპორტიორთა ოცეულში მოხვდა

იაპონია ქართული ღვინისთვის სტრატეგიულ ბაზარს წარმოადგენს, სადაც გასულ წელს 212 ათასამდე ბოთლი ღვინო იყო ექსპორტირებული (37%-ით მეტი, ვიდრე 2017 წელს).

იაპონიაში ქართული ღვინის პოპულარიზაციისა და ცნობადობის გაზრდის მიზნით 2019 წლის 10 მარტიდან 7 მაისამდე გაიმართება მასშტაბური პროექტი „საქართველო - ღვინის სამშობლო“.

საერთაშორისო კონკურსი „საკურა“ წელს მეექვსედ ჩატარდა. კონკურსზე წარმოდგენილი იყო 33 ქვეყნის ოთხი ათასზე მეტი დასახელების ღვინო. კონკურსის ჟიურის წევრები იაპონიაში ღვინის სფეროში მოღვაწე ქალბატონები – სომელიეები, ღვინის მწერლები და ჟურნალისტები არიან.

„საკურას“ კონკურსზე ქართულმა ღვინოებმა 2018 წელსაც გაიმარჯვა (1 – ორმაგი ოქრო, 2 – ოქრო, 4 – ვერცხლი).

ყველა ახალი ამბავი
0