22:34 06 აგვისტო 2020
პირდაპირი ეთერი
  • EUR3.6398
  • 100 RUB4.2064
  • USD3.0739
შემთხვევები
მოკლე ბმულის მიღება
კრიმინალი საქართველოში (1043)
168 0 0

გოჩა ვეფხვაძე 2019 წლის 6 ოქტომბერს ძალით აიყვანეს ლისის ტბაზე, სადაც დანითა და ცეცხლსასროლი იარაღით დაჭრეს. ის საავადმყოფოში გარდაიცვალა.

თბილისი, 13 თებერვალი — Sputnik. პოლიციის თანამშრომლებმა 40 წლის გოჩა ვეფხვაძის მკვლელობისთვის ხუთი ძებნილიდან ერთი პირი დააკავეს, ნათქვამია შინაგან საქმეთა სამინისტროს განცხადებაში.

ერთი წლის წინანდელი გახმაურებული მკვლელობა გახსნილია>>

მკვლელობა 2019 წლის 6 ოქტომბერს მოხდა. გამოძიების მონაცემებით, ხუთმა ადამიანმა ვეფხვაძე იძულებით აიყვანა ლისის ტბის ტერიტორიაზე, სადაც ის დანითა და ცეცხლსასროლი იარაღით დაჭრეს. შედეგად ვეფხვაძე მოგვიანებით საავადმყოფოში გარდაიცვალა.

შსს-ს ინფორმაციით, ძებნილი თბილისში დააკავეს. კიდევ ოთხი ადამიანის ძებნა გრძელდება. ყველა ბრალდებულს გასული წლის ოქტომბერში სასამართლომ აღკვეთის ზომად დაუსწრებლად პატიმრობა შეუფარდა.

გამოძიება მიმდინარეობს სისხლის სამართლის კოდექსის ოთხი მუხლით – თავისუფლების უკანონო აღკვეთა, პირთა ჯგუფის მიერ განზრახ მკვლელობა, პირთა ჯგუფის მიერ განზრახ მკვლელობის მცდელობა და იარაღის უკანონო შეძენა-შენახვა-ტარება. დანაშაული სასჯელის სახით შვიდიდან 17 წლამდე პატიმრობას ითვალისწინებს.

თემები:
კრიმინალი საქართველოში (1043)

მთავარი თემები