21:10 13 აგვისტო 2020
პირდაპირი ეთერი
  • EUR3.6237
  • 100 RUB4.2107
  • USD3.0785
შემთხვევები
მოკლე ბმულის მიღება
კრიმინალი საქართველოში (1054)
109 0 0

19 მანიფესტანტიდან ორს, რომლებიც ბრალდებული არიან ამბოხისა და სახელმწიფო გადატრიალების მცდელობაში, არ სურს სასამართლოს გადაწყვეტილების გისოსებს მიღმა დალოდება.

თბილისი, 10 იანვარი — Sputnik. თბილისში 2019 წლის 20-21 ივნისს საპროტესტო აქციაზე არეულობის საქმის ორმა ფიგურანტმა – ცოტნე სოსელიამ და კახაბერ კუპრეიშვილმა პროტესტის ნიშნად შიმშილობა გამოაცხადა, იუწყება პირველი არხი.

სოსელიასა და კუპრეიშვილს ბრალი ედებათ სსკ-ის მუხლებით: „ჯგუფური ძალადობის ორგანიზება, ხელმძღვანელობა და მასში მონაწილეობა" და „ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად, რამაც გამოიწვია მძიმე შედეგები". ისინი გასული წლის 6 ივლისს დააკავეს. ამ საქმეში სულ 19 ადამიანი ფიგურირებს. ყველაზე მძიმე ბრალდება აქვს წაყენებული პარტია „გამარჯვებული საქართველოს" ლიდერს, თავდაცვის ყოფილ მინისტრს ირაკლი ოქრუაშვილს და „ერთიანი ნაციონალური მოძრაობის" ერთ-ერთ ლიდერს ნიკა მელიას. სასამართლოში საქმე რამდენიმე ეპიზოდად არის დაყოფილი.

ამჟამად სოსელია და კუპრეიშვილი წინასწარ პატიმრობაში იმყოფებიან. თბილისის საქალაქო სასამართლო უკვე შეუდგა საქმის არსებით განხილვას და მოწმეთა დაკითხვას. ამ ორი ბრალდებულის გარდა კონკრეტულ ეპიზოდზე საქმის ფიგურანტები არიან ასევე ზურაბ ბუდაღაშვილი და ბესიკ თამლიანი.

20 ივნისის საპროტესტო აქცია გვიან საღამოს არეულობასა და ანტისამთავრობო გამოსვლებში გადაიზარდა. მომიტინგეები ცდილობდნენ პარლამენტში შეჭრას, პოლიციამ კი რეზინის ტყვიები და ცრემლსადენი გაზი გამოიყენა. არეულობის დროს დაშავდა 240 ადამიანი.

ლომჯარია: ყველა პოლიტიკოსი ვალდებული იყო, თავიდან აეცილებინა პოლიციასთან შეტაკება>>

20 ივნისის მოვლენების შემდეგ გამოძიება ორი მიმართულებით დაიწყო. ერთია პოლიციის მხრიდან სამსახურებრივი უფლებამოსილების გადაჭარბება და მეორე – ჯგუფური ძალადობის ორგანიზება, ხელმძღვანელობა და მასში მონაწილეობა და ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად, რამაც გამოიწვია მძიმე შედეგები.

თემები:
კრიმინალი საქართველოში (1054)

მთავარი თემები