თბილისი, 2 მარტი — Sputnik. სამართალდამცველებმა თბილისში ქურდობის ბრალდებით 1989 წელს დაბადებული ე.გ. და 1978 წელს დაბადებული დ.ლ. დააკავეს, ნათქვამია შსს–ს მიერ გავრცელებულ განცხადებაში.
როგორც გამოძიებით დადგინდა, ერთ-ერთმა ბრალდებულმა - ე.გ.-მ ისანი-სამგორის რაიონში ავტომობილის საბურავები, ასევე საბურავის დისკები მოიპარა, რის შემდეგაც შემთხვევის ადგილიდან მიიმალა.
ხოლო მეორე ბრალდებულმა, დ.ლ.-მ ერთ-ერთი კომპანიის ოფისში უკანონოდ შეაღწია, კომპიუტერული ტექნიკა მოიპარა და მიიმალა.
სამართალდამცველებმა ნაქურდალი ნივთები ნივთმტკიცების სახით ამოიღეს.
გამოძიება საქართველოს სისხლის სამართლის კოდექსის 177-ე მუხლის 1-ლი და მე-2 ნაწილებით მიმდინარეობს, რაც ქურდობას გულისხმობს და 5 წლამდე ვადით თავისუფლების აღკვეთას ითვალისწინებს.
