თბილისი, 27 თებერვალი — Sputnik. ლიბიაში დაღუპული 23 წლის მეზღვაურის დავით რაზმაძის ქართული მხარისთვის გადმოცემის პროცესი დაიწყო, იუწყება საზოგადოებრივი მაუწყებლის პირველი არხი საქართველოს საგარეო საქმეთა სამინისტროს ინფორმაციაზე დაყრდნობით.
რაზმაძე, რომელსაც ლიბიაში რამდენიმე დღის განმავლობაში ეძებდნენ, 21 იანვარს პორტის ნავმისადგომზე იპოვეს. წინასწარი მონაცემებით, ის მოკლულია. მეზღვაურის ცხედარი ჯერ კიდევ ლიბიაშია.
ლიბიის პროკურატურამ ამ დროისთვის უკვე დაასრულა საგამოძიებო პროცედურები და ცხედრის საქართველოსთვის გადმოცემის ნებართვა გასცა.
საქართველოს საგარეო საქმეთა სამინისტრო, თავის მხრივ, მოლაპარაკებებს მართავს ავიაკომპანიასთან რაზმაძის ლიბიიდან სამშობლოში გადმოსვენების თაობაზე.
საქართველოს საგარეო უწყებამ იანვრის ბოლოს ქვეყნის მოქალაქეებს მოუწოდა, თავი შეიკავონ ლიბიაში წასვლისგან უსაფრთხოების კუთხით არსებული ვითარების გამო.