თბილისი, 2 დეკემბერი — Sputnik. სისხლის ბანკი ხორავას ქუჩაზე დაჭრილი მოზარდისთვის პირველი დადებითი ჯგუფის სისხლს ითხოვს, იუწყება ტელეკომპანია „რუსთავი 2“ (Rustavi 2).
„ჰემატოლოგიისა და ტრანსფუზიოლოგიის ინსტიტუტის სისხლის ბანკი" განცხადებას ავრცელებს.
„გუშინ დაჭრილი მოზარდისთვის სასწრაფოდ გვესაჭიროება პირველი დადებითი ჯგუფის სისხლი. დახმარების გაწევის მსურველებმა გთხოვთ, მოგვმართეთ: 2390313, 577 221 413. მისამართი: წინანდლის N9 "წმ იოანე მოწყალის სახელობის პრივატ კლინიკის" პირველი სართული. "ჰემატოლოგიისა და ტრანსფუზიოლოგიის ინსტიტუტის სისხლის ბანკი. მადლობას გიხდით გულისხმიერებისთვის!“ — აღნიშნულია განცხადებაში.
რესპუბლიკური საავადმყოფოს ქირურგის თქმით, 51-ე სკოლის მოსწავლისთვის სისხლდენის შეჩერება ამ დრომდე ვერ ხერხდება.
ინციდენტი პარასკევს შუადღეს ხორავას ქუჩაზე მოხდა, 51-ე სკოლის მახლობლად. გარჩევისას ცივი იარაღით დაჭრეს ორი 16 წლის მოზარდი, ერთ-ერტი საავადმყოფოში მიყვანამდე გარდაიცვალა. მეორე ძალიან მძიმე მდგომარეობაში რეანიმაციის განყოფილებაში იმყოფება, ექიმები მის გადასარჩენად იბრძვიან. მას ორი ურთულესი ოპერაცია ჩაუტარდა, ამჟამად ის მართვით სუნთქვაზე იმყოფება.