თბილისი, 17 იანვარი — Sputnik. ძაბვის ვარდნის გამო მატარებლების მოძრაობა თბილისის მეტროპოლიტენის სამ სადგურში „გურამიშვილი“, „სარაჯიშვილი“ და „ახმეტელის თეატრი“ შეჩერებულია, იტყობინებიან თბილისის სატრანსპორტო კომპანიის „ცხელ ხაზზე“.
„მატარებლები მოძრაობენ სადგურ „ღრმაღელემდე“, შემდეგ მოძრაობა შეჩერებულია ძაბვის ვარდნის გამო. მიმდინარეობს აღდგენითი სამუშაოები. როდის აღდგება მატარებლების მოძრაობა ამის თქმა ამ ეტაპზე რთულია“, — თქვა „ცხელი ხაზის“ ოპერატორმა.
მეტროპოლიტენი დედაქალაქის ერთ-ერთი მთავარი სატრანსპორტო არტერიაა.
ქალაქის ერთი ბოლოდან მეორეში გასვლა მეტროპოლიტენით 40 წუთშია შესაძლებელი. ამ დროისათვის თბილისის მეტროპოლიტენი 22 სადგურს ითვლის, რომლებიც ორ ხაზზეა განლაგებული — ახმეტელი-ვარკეთილი და საბურთალოს. მეტროპოლიტენის ხაზების საერთო სიგრძე 53,7 კილომეტრია.
