თბილისი, 14 დეკემბერი — Sputnik. ტექნიკური მიზეზების გამო თბილისის სამ მეტროსადგურზე — „ისანი“, „სამგორი“ და „ვარკეთილი“ მატარებლების მოძრაობა შეჩერებულია, ამის შესახებ მოქალაქეებს თბილისის სატრანსპორტო კომპანიის „ცხელ ხაზზე“ უცხადებენ.
„პრობლემა ტექნიკურმა მიზეზებმა გამოიწვია და მიმდინარეობს აღდგენითი სამუშაოები“, — აცხადებენ კომპანიაში.
კომპანიაში პირობას დებენ, რომ მეტროპოლიტენის სრულფასოვან მუშაობას რაც შეიძლება მოკლე ვადაში აღადგენენ.
მეტროპოლიტენი თბილისში ტრანსპორტის ერთ-ერთი ყველაზე მთავარი სახეობაა. ქალაქის ერთი ბოლოდან მეორეში მისი საშუალებით ერთ საათში შეიძლება გახვიდე.
ამჟამად თბილისის მეტროპოლიტენი ორ ხაზსა და 22 სადგურს ითვლის. ხაზების საერთო სიგრძეა 53,7 კილომეტრი.
