თბილისი, 8 ნოემბერი — Sputnik. თბილისის მეტროპოლიტენის ახალი სადგურის „უნივერსიტეტის“ მშენებლობა ვაკე-საბურთალოს რაიონში 2017 წლის მაისში დასრულდება, იტყობინება მუნიციპალური განვითარების ფონდის პრესსამსახური.
თბილისის 23-ე მეტროს სადგურის მშენებლობა 2015 წლის ივლისში განახლდა, 22 წლის მანძილზე პროექტი დაკონსერვებული იყო.
პროექტს აზიის განვითარების ფონდი აფინანსებს. პროექტის ღირებულებამ 83 მილიონ ლარზე მეტი შეადგინა.
„პროექტის ფარგლებში ხორციელდება არსებული სადგურების რეაბილიტაცია, კერძოდ ვაჟაა ფშაველას გამზირიდან მეტრო „უნივერსიტეტამდე“.
გარდა ამისა პროექტის ფარგლებში ასევე ამუშავდება მეორე გვირაბი სადგურებს „ვაჟა-ფშაველასა“ და „დელისს“ შორის, — ნათქვამია ფონდის მიერ გავრცელებულ ინფორმაციაში.
პროეატის ფარგლებში აშენდება და კეთილმოეწყობა მეტრო „უნივერსიტეტის“ მიწისქვეშა და მიწისზედა სადგურები. გაკეთდება მეტროდან ამოსასვლელები ვაჟა-ფშაველას გამზირსა და სანდრო ეულის ქუჩაზე, რესტავრაცია გაუკეთდება არსებულ გვირაბებს.
