ქართული პასპორტი გაძლიერდა – რამდენმა ქვეყანამ გახსნა ჩვენთვის კარი ვიზის გარეშე

© Sputnik / STRINGERქართული ბიომეტრიული პასპორტი
ქართული ბიომეტრიული პასპორტი - Sputnik საქართველო
გამოწერა
საქართველომ პასპორტების 2019 წლის ინდექსში თავისი მდგომარეობა ორი პოზიციით გაიუმჯობესა.

თბილისი, 28 მარტი — Sputnik. საქართველოს მოქალაქის პასპორტი, მსოფლიოს 199 პასპორტიდან, 49-ე ადგილზე განთავსდა საერთაშორისო კონსალტინგური კომპანია Henley&Partners-ის ახალ კვლევაში - 2019 წლის პასპორტების ინდექსი.

ამგვარად, წინა ანგარიშთან შედარებით, საქართველომ თავისი პოზიციები ორი საფეხურით გაიუმჯობესა.

საქართველოში ორმაგი მოქალაქეობა შემოიღეს>>

ამჟამად საქართველოს მოქალაქეებს უვიზო ან გამარტივებული სავიზო რეჟიმით სარგებლობა მსოფლიოს 114 ქვეყანაში შეუძლიათ. ქვეყნების რაოდენობა წინა კვლევასთან შედარებით არ შეცვლილა, თუმცა რეიტინგი მაინც გაუმჯობესდა.

სალომე ზურაბიშვილი და ჟან-კლოდ იუნკერი - Sputnik საქართველო
საქართველომ ევროკავშირთან უვიზო რეჟიმის პირობების შესრულებისთვის შექება დაიმსახურა

მეზობლებიდან საქართველოს წინ მხოლოდ რუსეთი უსწრებს, რომელიც 47-ე ადგილზე განთავსდა. რუსეთის მოქალაქეებს განსაკუთრებული სირთულეების გარეშე მსოფლიოს 118 ქვეყანაში შეუძლიათ შესვლა. სომხეთი 78-ე ადგილზეა – 62 ქვეყანა; თურქეთი 50-ე ადგილზე – 110 ქვეყანა.

აზერბაიჯანი არსებითად ჩამორჩება მეზობლებს – 73-ე ადგილზე, 67 ქვეყანა.

რეიტინგის ლიდერები არიან იაპონია, სინგაპური და სამხრეთ კორეა. ამ ქვეყნების მოქალაქეებს დიდი ძალისხმევის გარეშე მსოფლიოს 189 ქვეყანაში შეუძლიათ შესვლა.

ამბიციური პასპორტი - საქართველოს მოქალაქეობის მიღება გართულდა>>

ყველაზე ცუდი მაჩვენებლები აქვთ ერაყსა და ავღანეთს. მათ უვიზო ან გამარტივებული სავიზო რეჟიმი აქვთ 30 ქვეყანასთან.

ყველა ახალი ამბავი
0