Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

გაეროს პროგნოზი: მსოფლიო ეკონომიკას უდიდესი ვარდნა ელოდება

© REUTERS / EDUARDO MUNOZანტონიუ გუტერეში
ანტონიუ გუტერეში - Sputnik საქართველო
გამოწერა
გასულ კვირაში გაეროს მსოფლიო სასურსათო პროგრამის დირექტორმა დევიდ ბიზლიმ განაცხადა, რომ 2021 წელს მსოფლიო შეიძლება უდიდესი ჰუმანიტარული კრიზისის წინაშე დადგეს

თბილისი, 11 დეკემბერი – Sputnik. გაეროს გენერალურმა მდივანმა ანტონიუ გუტერეშმა განაცხადა, რომ მსოფლიოს ქვეყნები შეიძლება ბოლო 80 წლის განმავლობაში უძლიერეს ეკონომიკურ ვარდნას გადააწყდნენ, იუწყება РИА Новости.

გაეროს გენერალურმა მდივანი ანტონიუ გუტერეში - Sputnik საქართველო
ბრძოლა ბუნებასთან თვითმკვლელობის ტოლფასია, განაცხადა გაეროს გენერალურმა მდივანმა

„პანდემიის სოციალური და ეკონომიკური შედეგები უზარმაზარია და ის კიდევ უფრო ძლიერდება. ვერანაირი ვაქცინა ვერ გამოასწორებს იმ ზარალს, რომელიც უკვე მოგვადგა. ვდგავართ უდიდესი გლობალური რეცესიის წინ ბოლო 80 წელიწადის განმავლობაში“, – განაცხადა გუტერეშმა ნობელის პრემიის ფორუმზე სიტყვით გამოსვლისას.

მისი თქმით, რეაქცია პანდემიაზე იყო „ფრაგმენტული და ქაოტური“, და ახლა პლანეტზე „იზრდება უკიდურესი სიღატაკე, დგება შიმშილის საფრთხე“. მან აღნიშნა, რომ ქვეყნებმა კორონავირუსის გამოწვევის წინაშე გაერთიანება ვერ შეძლეს.

„პანდემია – ესაა კრიზისი, რომელიც არც ერთ სხვა კრიზისს არ ჰგავს. მსოფლიო საერთო მტერს გადააწყდა. სამწუხაროდ, ქვეყნების მთავრობებმა ამ გლობალური საფრთხისთვის ერთობლივი პასუხი არ მიიღეს“, – მიიჩნევს გაეროს ხელმძღვანელი.

უფრო ადრე გაეროს მსოფლიო სასურსათო პროგრამის დირექტორმა დევიდ ბიზლიმ განაცხადა, რომ პანდემიის გამო შიმშილის ზღვრის პირას მყოფი ადამიანების რიცხვი 270 მილიონამდე გაიზარდა.

გაეროს გენმდივანმა G20-ს ღარიბი ქვეყნების ვალების გადახდის გადავადებისკენ მოუწოდა>>

ჯანმოს ბოლო მონაცემებით, კორონავირუსით მთელ მსოფლიოში თითქმის 69 მილიონი ინფიცირებულია, გარდაიცვალა მილიონნახევარზე მეტი ადამიანი.

ყველა ახალი ამბავი
0