Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ცხოვრება პანდემიის შემდეგ: საქართველოს მთავრობა პოსტკრიზისულ გეგმას ამზადებს

© photo: Government of Georgia / FBმთავრობის სხდომა
მთავრობის სხდომა - Sputnik საქართველო
გამოწერა
მთავრობის გეგმებით, ეკონომიკის აღდგენის პროგრამაში განსაკუთრებული ყურადღება დაეთმობა ტურიზმსა და სოფლის მეურნეობას

თბილისი, 7 მაისი - Sputnik. საქართველოს მთავრობა დაახლოებით ორ კვირაში წარმოადგენს პოსტკრიზისულ ეკონომიკურ გეგმას, რომელზეც მუშაობს საერთაშორისო დონორებთან და მსოფლიოში ცნობილ ეკონომისტებთან ერთად, განაცხადა პრემიერ-მინისტრმა გიორგი გახარიამ მთავრობის სხდომაზე.

მცხეთა - Sputnik საქართველო
ტურიზმის სექტორი ქონების გადასახადისგან გათავისუფლდება

„გეგმას მივყვებით უახლოესი 10 დღის განმავლობაში. დღეს ვიწყებთ ტურიზმით, გავაგრძელებთ სოფლის მეურნეობით და ფერმერებით, შემდგომ იქნება მშენებლობა და დეველოპმენტის მხარდაჭერა და შემდგომ იქნება განათლება. ვსაუბრობ პოსტკრიზისული გეგმის, ეკონომიკის გახსნის და ამოქმედების თაობაზე“, - განაცხადა გახარიამ.

კორონავირუსის პანდემიის გამო შექმნილი ეკონომიკური კრიზისის პირობებში, მთავრობამ უკვე შეიმუშავა ანტიკრიზისული გეგმა. ის გულისხმობს მოსახლეობის სოციალურ დახმარებას და ბიზნესის მხარდაჭერას, ასევე შეზღუდვების ეტაპობრივ მოხსნას და ქვეყნის დაბრუნებას ეკონომიკური აქტივობისკენ.

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. ქვეყანაში 21 მაისამდე მოქმედებს საგანგებო მდგომარეობა. ამ დროისათვის ინფიცირებულთა რაოდენობამ 615-ს მიაღწია, გამოჯანმრთელდა 275, გარდაიცვალა 9 პაციენტი.

ყველა ახალი ამბავი
0