რა ელოდება ლარს? ეროვნული ბანკის პრეზიდენტი კომენტარს აკეთებს

გამოწერა
ბოლო თვეებში ლარის კურსი აშშ დოლარის მიმართ 5,5%-ით გაუფასურდა.

თბილისი, 29 აგვისტო — Sputnik. საქართველოს ეროვნული ვალუტის – ლარის მცურავი კურსის პირობებში პროგნოზის გაკეთება შეუძლებელია, განაცხადა ქვეყნის ეროვნული ბანკის პრეზიდენტმა კობა გვენეტაძემ ტელეკომპანია Imedi-ს ეთერში.

ბოლო სამ თვეში ლარის კურსი აშშ დოლარის მიმართ 5,5%-ით გაუფასურდა. თუ 29 მაისს ეროვნული ბანკის მიერ დადგენილი ლარის ოფიციალური კურსი დოლარის მიმართ 2,7876 GEL/$1 იყო, 29 აგვისტოს მან 2,9415 GEL/$1-ს მიაღწია.

ფინანსთა მინისტრი: ლარი თავის წონასწორულ კურსს იპოვის>>

მას შემდეგ, რაც 1 აგვისტოს ლარმა ახალი ანტირეკორდი დაამყარა – 2,9718, ეროვნულმა ბანკმა აუქციონზე 32 მილიონ დოლარზე მეტი გაყიდა, რის შემდეგაც ლარი 1,4%-ით გამყარდა, თუმცა ლარის გაცვლითმა კურსმა 8 აგვისტოდან კვლავ ვარდნა დაიწყო.

„მცურავი კურსის ფარგლებში შეუძლებელია კურსზე პროგნოზების გაკეთება. ლარის კურსზე ბევრი ფაქტორი მოქმედებს... ის ანგარიში, რომელიც არის დღეს, იქნება ბევრად უკეთესი, ვიდრე ჩვენ ვპროგნოზირებდით", – განაცხადა გვენეტაძემ.

მან აღნიშნა, რომ ეროვნული ბანკი მონეტარული პოლიტიკის კომიტეტის სხდომის შედეგების საფუძველზე შექმნილ დეტალურ ანგარიშს მომდევნო კვირაში წარმოადგენს.

მამუკა ბახტაძე - Sputnik საქართველო
პრემიერი: ლარის კურსი სტაბილური გახდება

გვენეტაძის თქმით, ეროვნული ბანკის მთავარი საზრუნავი ინფლაციაა.

„იმ შემთხვევაში, თუ ჩავთვლით, რომ ზომებია მისაღები, მივიღებთ ყველა ზომას, რომ ინფლაციამ იმოძრაოს მიზნობრივ მაჩვენებელში. ინფლაცია შეიძლება იყოს თარგეთის ფარგლებში ზევით ან ქვევით, თუმცა არ უნდა გასცდეს მიზნობრივ მაჩვენებელს", – აღნიშნა ბანკის პრეზიდენტმა.

ექსპერტებმა ეკონომიკის საკითხებში არაერთხელ აღნიშნეს, რომ საქართველოში შექმნილმა პოლიტიკურმა ვითარებამ, რომელიც 20 ივნისის შემდეგ დაიძაბა, მოსახლეობაში აჟიოტაჟი გამოიწვია, ნეგატიური მოლოდინების გამო ფიზიკურმა და იურიდიულმა პირებმა საჭიროების გარეშე დაიწყეს უცხოური ვალუტის შესყიდვა.

ყველა ახალი ამბავი
0