07:45 25 აგვისტო 2019
პირდაპირი ეთერი
  • EUR3.2365
  • 100 RUB4.4581
  • USD2.9279
აგურის მწარმოებელი ქარხანა

კასპში ესპანური ტექნოლოგიით აგურს გამოუშვებენ

© jsc "Partnership Fund" / FB
ეკონომიკა
მოკლე ბმულის მიღება
საქართველოს ეკონომიკა–2018 (540)
7610

კასპის რაიონში აგურის წარმოების ტრადიცია აღდგება

თბილისი, 26 ნოემბერი – Sputnik. კასპის რაიონის სოფელ მეტეხში აგურის ქარხანა აშენდება, იუწყება პირველი არხი.

„საპარტნიორო ფონდის“ აღმასრულებელმა დირექტორმა დავით საგანელიძემ, რეგიონული განვითარების საკითხებში პრემიერ-მინისტრის მრჩეველმა სოზარ სუბარმა, ესპანური კომპანია „კერამიკა ელ ტორენტეს“ წარმომადგენელმა ქარხნის აშენების ადგილი დაათვალიერეს და ქარხანას საძირკველი ჩაუყარეს.

კახა კალაძემ ენერგოეფექტური ბლოკის ქარხნის სამშენებლო სამუშაოები დაათვალიერა >>

„კომპანია იმუშავებს ახალი ესპანური ტექნოლოგიით მეტეხის თიხისგან ქართული აგურის გამოშვებაზე. ეს იქნება არამარტო აგური, არამედ სატიხრე ბლოკები. წარმოებაზე 50-ზე მეტი ადამიანი დასაქმდება. საინვესტიციო ღირებულება 3 მილიონ დოლარს შეადგენს“, - განუცხადა ჟურნალისტებს საგანელიძემ.

აგურის ქარხნის აშენება 10 თვეში იგეგმება. წელიწადში ქარხანა 120 ათას ტონამდე ენერგოეფექტურ აგურს გამოუშვებს. პროდუქციის რეალიზაცია იგეგმება როგორც საქართველოში, ისე მის ფარგლებს გარეთ.

„კასპის რაიონში, კონკრეტულად მეტეხში, ნადვილად იყო აგურის წარმოების დიდი გამოცდილება, მაგრამ ბოლო ათწლეულების განმავლობაში ეს ტრადიცია გაქრა“, - აღნიშნა სუბარმა.

კვირას გახდა ცნობილი, რომ ლილოში კიდევ ერთი აგურის ქარხანა აშენდება, სადაც წარმოებული ენერგოეფექტური ბლოკები სახლის გათბობისა ან გაგრილებისათვის საჭირო ენერგიის 20-30%-იანი ეკონომიის წყარო გახდება.

ენერგოეფექტური ბლოკების წარმოებით გერმანული კომპანია Ytong-ი დაკავდება.

თემები:
საქართველოს ეკონომიკა–2018 (540)

მთავარი თემები