12:19 25 მაისი 2020
პირდაპირი ეთერი
  • EUR3.4795
  • 100 RUB4.4459
  • USD3.1916
კულტურა
მოკლე ბმულის მიღება
ქართული კინო (80)
12101

ქართული ფილმის გარდა, ფესტივალზე გამარჯვებისთვის იბრძოდა აშშ-ის, ჩინეთის და ევროპის ქვეყნების რეჟისორების 11 სურათი

თბილისი, 22 ივლისი — Sputnik. ქართული წარმოშობის შვედი რეჟისორის ლევან აკინის ფილმი „და ჩვენ ვიცეკვეთ" ოდესის საერთაშორისო კინოფესტივალის გრან-პრი გადაეცა, იუწყება საქართველოს კინემატოგრაფიის ეროვნული ცენტრი.

ოდესის საერთაშორისო კინოფესტივალი უკრაინაში 12-20 ივლისს გაიმართა.

ლევან აკინის ფილმი საიუბილეო, მეათე ჩვენებაზე სრულმეტრაჟიანი ფილმების საერთაშორისო პროგრამაში იყო ნაჩვენები. ამ კატეგორიაში მას ოპონირებას უწევდა აშშ-ის, ჩინეთის, დიდი ბრიტანეთის, გერმანიის, საფრანგეთის, იტალიის, დანიის, ფინეთის და სხვა ქვეყნის რეჟისორების 11 ფილმი. ქართული ფილმის გარდა, გრან-პრი გადაეცა უკრაინელი რეჟისორის, ნარიმან ალიევის ფილმს „შინისაკენ“ (Homeward).

საკონკურსო ფილმებს აფასებდა ჟიური ბელგიელი რეჟისორის პეტერ ბროსენის ხელმძღვანელობით. ჟიურის შემადგენლობაში ასევე შედიან ამერიკელი და უკრაინელი მსახიობი ივანა სახნო, კარლოვი ვარის საერთაშორისო ფესტივალის დირექტორი კარლ ოხი, ირლანდიელი მსახიობი ბარი უორდი და ქართველი მწერალი, რეჟისორი და პროდიუსერი ნანა ექვთიმიშვილი.

„გამაოგნებლად ნიჭიერი": ქართველი მსახიობი კანში შეაფასეს >>

კინოფილმი „და ჩვენ ვიცეკვეთ" (And Then We Danced) ქართული კომპანია Takes Film-ისა და შვედური კომპანია French Quarter Film-ის კოპროდუქციაა. ფილმი მოგვითხრობს ახალგაზრდა მოცეკვავე მერაბის შესახებ, რომელიც რადიკალურად იცვლება მას შემდეგ, რაც თავისი ამბიციური მეტოქე ირაკლი შეუყვარდება. ლევან გელბახიანთან ერთად ფილმში თამაშობენ ანა ჯავახიშვილი და ბაჩი ვალიშვილი.

მთავარი როლის შემსრულებელი ლევან გელბახიანი 2019 წლის კანის ფესტივალის „გამაოგნებლად ნიჭიერთა" ნუსხაში შეიყვანეს ისეთი მსახიობების გვერდით, როგორებიც არიან ანტონიო ბანდერასი, უილიამ დეფო, რობერტ პატინსონი.

ფილმი „ჩემი ბედნიერი ოჯახი" - ოდესის კინოფესტივალის ტრიუმფატორი >>

ოდესის კინოფესტივალი პირველად 2010 წელს გაიმართა. პირველი ორი წელი ფორუმი უფრო ორიენტირებული იყო როგორც განსაკუთრებული იუმორის გრძნობის მქონე ფილმების ფესტივალი, 2012 წლიდან ფესტივალი გაფართოვდა და არტ-მეინსტრიმის ფესტივალად იქცა.

სხვადასხვა წლებში ოდესის ფესტივალის გამარჯვებული ფილმები იყო რეჟისორ ლევან კოღუაშვილის ფილმი „ბრმა პაემნები", ელენა ფეტისოვასა და სერჟ ავედიკიანის ფილმი „ფარაჯანოვი", ნანა ექვთიმიშვილისა და სიმონ გროსის „ჩემი ბედნიერი ოჯახი“ და სხვ.

 

თემები:
ქართული კინო (80)

მთავარი თემები