09:26 06 დეკემბერი 2019
პირდაპირი ეთერი
  • EUR3.2796
  • 100 RUB4.6333
  • USD2.9573
აზერბაიჯანის მილი მეჯლისი

მილი მეჯლისში თვითდათხოვნის ინიციატივაზე მსჯელობენ

© photo: Sputnik / Murad Orujev
კავკასია
მოკლე ბმულის მიღება
მსოფლიო დღეს (757)
29 0 0

აზერბაიჯანის მმართველმა პარტია „ენი აზერბაიჯანმა“ პარლამენტის დათხოვნისა და რიგგარეშე არჩევნების ჩატარების ინიციატივის შესახებ 28 ნოემბერს განაცხადა.

თბილისი, 2 დეკემბერი — Sputnik. აზერბაიჯანის მმართველი პარტია „ენი აზერბაიჯანი“ დღეს მილი მეჯლისში პარლამენტის დათხოვნის ინიციატივაზე მსჯელობას იწყებს, იუწყება „Sputnik–აზერბაიჯანი“. 

აღსანიშნავია, რომ ინიციატივის ავტორი თავად მმართველი პარტიაა, რომელმაც აღნიშნული მოთხოვნა „ენი აზერბაიჯანის“ პოლიტსაბჭოს სხდომაზე წამოაყენა 28 ნოემბერს. ინიციატივას მხარი დაუჭირეს საკანონმდებლო ორგანოს დამოუკიდებელმა დეპუტატებმაც.

მილი მეჯლისის სპიკერმა ოგთაი ასადოვმა სხდომის გახსნისას აღნიშნა, რომ დიდი სიმპათიით ეკიდება პრეზიდენტ ილჰამ ალიევის მიერ გატარებულ რეფორმებს, რამაც წამოჭრა კიდეც პარლამენტის განახლების აუცილებლობა.

აღსანიშნავია, რომ სხდომაზე შეიქმნა რედაქცია პარლამენტის დათხოვნის გადაწყვეტილების მოსამზადებლად და ასევე რიგგარეშე არჩევნების ჩასატარებლად.

ასადოვის თქმით, რედაქციაში შევიდნენ მილი მეჯლისის თავმჯდომარის მოადგილე ბაჰარ მურადოვა, დეპუტატები ალი ჰუსეინლი, ფაზაილ იბრაჰიმლი, საჰიბა გაფაროვა, სამედ სეიდოვი.

მმართველი პარტიის აღმასრულებელი მდივნის მოადგილემ სიავუშ ნოვრუზოვმა, თავის მხრივ, დამოუკიდებელ და ასევე სხვა პარტიების წარმომადგენელ დეპუტატებს მოუწოდა, მხარი დაუჭირონ მმართველი პარტიის ინიციატივას პარლამენტის დათხოვნისა და რიგგარეშე არჩევნების ჩატარების შესახებ.

თემები:
მსოფლიო დღეს (757)

მთავარი თემები