10:11 21 ოქტომბერი 2019
პირდაპირი ეთერი
  • EUR3.3088
  • 100 RUB4.6461
  • USD2.9718
წირვა

კახის რაიონში ბოლო 120 წლის განმავლობაში პირველად, საზეიმო წირვა-ლოცვა ჩატარდა

© Sputnik / Vladimir Umikashvili.
კავკასია
მოკლე ბმულის მიღება
საქართველოს საგარეო პოლიტიკა (131)
9620

საღვთო მსახურება ახლადამოქმედებულ წმინდა სამების ეკლესიაში აღევლინა

თბილისი, 6 ოქტომბერი — Sputnik. აზერბაიჯანში, კახის რაიონის სოფელ ქოთოქლოს ახლადამოქმედებულ წმინდა სამების ეკლესიაში ბოლო 120 წლის განმავლობაში პირველად საზეიმო წირვა-ლოცვა ჩატარდა, იუწყება პირველი არხი საქართველოს საგარეო საქმეთა სამინისტროზე დაყრდნობით.

გავრცელებული ინფორმაციით, საუკუნეზე მეტი ხანი ტაძარი იყო უმოქმედო და ადგილობრივი ქართველი მართლმადიდებელი მოსახლეობა მოითხოვდა რეგულარული წირვა-ლოცვის განახლებას, რასაც მხარი დაუჭირა აზერბაიჯანის ხელისუფლებამ.

პირველი საღვთო ლიტურგია ჩაატარა საქართველოს მართლმადიდებლური ეკლესიის ჰერეთისა და ხორნაბუჯის ეპისკოპოსმა მეუფე დიმიტრიმ. საზეიმო წირვას ესწრებოდნენ აზერბაიჯანში საქართველოს ელჩი ზურაბ პატარაძე, საქართველოს საელჩოსა და ქალაქ განჯაში საქართველოს გენერალური საკონსულოს წარმომადგენლები.

საღვთო ლიტურგიის დასრულების შემდეგ ზურაბ პატარაძე წმინდა სამების ეკლესიის ეზოში ადგილობრივ ქართველ მოსახლეობას შეხვდა. წმინდა სამების ეკლესიის ამოქმედებასთან დაკავშირებულ ღონისძიებას ასევე ესწრებოდა კახის რაიონის აღმასრულებელი ხელისუფლების ხელმძღვანელი მუსა შექელიევი.

თემები:
საქართველოს საგარეო პოლიტიკა (131)

მთავარი თემები