„ნაციონალური მოძრაობის“ რამდენიმე წევრმა პარტიული თანამდებობა დატოვა

„პარტიიდან არ მივდივარ, მაგრამ აქტიურ პროცესებს ჩამოვშორდები და ვდისტანცირდები, ვიქნებით რიგითი წევრები. პარტიის გადაწყვეტილებებში არ ვიქნებით ჩართული. ახლა გვყავს გამარჯვებულები და ისინი მიიღებენ გადაწყვეტილებებს“, – განუცხადა ჟურნალისტებს აკაკი მინაშვილმა.

„სამწუხაროა, რომ იმ გუნდმა, რომელსაც წარმოვადგენდი, ვერ გავიმარჯვეთ, მაგრამ ეს არის რეალობა. არ მინდა გამარჯვებულ გუნდზე თავდასხმად ჩაითვალოს... მიმაჩნია, რომ პარტიის ახალ თავმჯდომარეს უნდა ჰქონდეს გუნდის დაკომპლექტების შესაძლებლობა“, – განუცხადა ჟურნალისტებს ბაჩო დოლიძემ.

„ვრჩები პარტიაში და ვაგრძელებ ბრძოლას ამ ქვეყანაში პოლიტიკური მართლმსაჯულების დასრულებისთვის, მიხეილ სააკაშვილის თავისუფლებისა და საქართველოს ევროპული მომავლისთვის. ერთიანობით ყველაფერი გამოგვივა”, – დაწერა გიორგი კირთაძემ სოციალურ ქსელში.