აფეთქება თბილისში: ლუკაშენკომ საქართველოს პრეზიდენტს მიუსამძიმრა

© AP Photo / Sergey Bulkinალექსანდრ ლუკაშენკო
ალექსანდრ ლუკაშენკო - Sputnik საქართველო, 1920, 22.11.2026
გამოწერა
ლუკაშენკომ მისი და ბელარუსი ხალხის სახელით გარდაცვლილთა ოჯახებს ძალა და გამძლეობა, ხოლო დაშავებულებს სწრაფი გამოჯანმრთელება უსურვა.
თბილისი, 22 ნოემბერი — Sputnik. ბელარუსის პრეზიდენტმა ალექსანდრ ლუკაშენკომ თბილისში, საცხოვრებელ კორპუსში მომხდარი აფეთქების შედეგად ადამიანების დაღუპვის გამო საქართველოს პრეზიდენტ მიხეილ ყაველაშვილს სამძიმარი გამოუცხადა.
19 ნოემბერს თბილისში, ქვემო ფონიჭალაში მდებარე ერთ-ერთი საცხოვრებელი კორპუსის მეხუთე სართულზე აფეთქების მიზეზი გაუმართავი გაზის გამათბობელი და ბუნებრივი აირის გაჟონვა გახდა. შედეგად დაიღუპა ექვსი ადამიანი, მათ შორის ორი ბავშვი. ხუთი პირი კი დაშავდა - 22 ნოემბერი ქვეყანაში გლოვის დღედ გამოცხადდა.
„თბილისში საცხოვრებელი კორპუსის ჩამონგრევის შედეგად დაღუპულთა შესახებ გავრცელებულმა ინფორმაციამ ბელარუსში ღრმა მწუხარება გამოიწვია. მძიმეა იმ ოჯახების ტკივილის წარმოდგენა, რომლებმაც ერთ წამში დაკარგეს ახლობლები, განსაკუთრებით ბავშვები“, - ნათქვამია სამძიმრის წერილში.
ლუკაშენკომ მისი და ბელარუსი ხალხის სახელით გარდაცვლილთა ოჯახებს ძალა და გამძლეობა, ხოლო დაშავებულებს სწრაფი გამოჯანმრთელება უსურვა.
ცნობილია, რომ 28 ოჯახს, რომლებიც ტრაგედიის გამო უსახლკაროდ დარჩნენ, ბინებს „ქართული ოცნების" დამფუძნებელი ბიძინა ივანიშვილის ოჯახი შეუძენს, კორპუსის დანარჩენ მობინადრეებს კი, რომლებიც მერიამ სასტუმროებში განათავსა, ქირის თანხით უზრუნველყოფს. რაც შეეხება თავად შენობას, მისი დემონტაჟი განხირციელდება.
ყველა ახალი ამბავი
0