ჯანდაცვის უწყება: თითქმის 200 ათას ოჯახს სოცდახმარება შეუწყდა

© photo: Sputnik / Stringerმიხეილ სარჯველაძე
მიხეილ სარჯველაძე - Sputnik საქართველო, 1920, 20.11.2026
გამოწერა
მინისტრის თქმით, ბაზაში ისეთი ოჯახები რჩებოდნენ, რომელთა სოციალური მდგომარეობა შესაძლოა აღარ აკმაყოფილებდეს საარსებო შემწეობის მიღების კრიტერიუმებს.
თბილისი, 20 ნოემბერი — Sputnik. სოციალურად დაუცველი ოჯახების რაოდენობა, რომლებსაც შემოწმების შედეგად ფინანსური დახმარება შეუწყდათ, 191,7 ათასს მიაღწია, იუწყება საქართველოს ჯანდაცვის სამინისტრო.
2026 წლის თებერვალში სამინისტროს გადაწყვეტილებით სოციალური მომსახურების სააგენტომ დაიწყო სოციალურად დაუცველთა ბაზაში რეგისტრირებული მოსახლეობის გადამოწმება, რომლის მიზანიც აღნიშნული სტატუსის მქონე ოჯახების ზუსტი რაოდენობის დადგენაა. სააგენტოს ცნობით, ბოლო წლებში ბევრმა მათგანმა ფინანსური მდგომარეობა გაიუმჯობესა.
„სოციალურად დაუცველი ოჯახების მონაცემთა ბაზის გადამოწმების პროცესში გამოვლენილი შეუსაბამობების გამო, ცალკეულ ოჯახებს ქულები ხელახლა განესაზღვრათ“, - განაცხადა ჯანდაცვის მინისტრმა მიხეილ სარჯველაძემ.
მისი თქმით, ბაზაში ისეთი ოჯახები რჩებოდნენ, რომელთა სოციალური მდგომარეობა შესაძლოა აღარ აკმაყოფილებდეს საარსებო შემწეობის მიღების კრიტერიუმებს.
მონაცემთა ბაზაში 518,5 ათასი ადამიანი რჩება.
სოციალური დახმარების სისტემის ეფექტიანობისა და მიზნობრიობის გასაუმჯობესებლად მონაცემთა ბაზის გადახედვა ეტაპობრივად ხორციელდება. სტატუსის გაუქმების საფუძველი გახდება, მაგალითად, ოჯახის რომელიმე წევრის მიერ სამი თვის განმავლობაში ყოველთვიურად 2 000-ლარიანი შემოსავლის მიღება, ასევე ოჯახის წევრების მიერ ძვირადღირებული ქონების შეძენა.
სოციალური დახმარება საქართველოში
სოციალურად დაუცველი მოქალაქეების ფინანსური დახმარების მოცულობა დამოკიდებულია სარეიტინგო ქულაზე, რომელიც გამოითვლება აგენტის მიერ ოჯახის ინდივიდუალური შემოწმების დროს შეფასების საფუძველზე.
შეფასებისას გათვალისწინებულია როგორც ოჯახის წევრების რაოდენობა, ისე მათი ყოველთვიური შემოსავალი, საცხოვრებელი პირობები და უძრავ-მოძრავი ქონება.
120 ათასზე ნაკლები ქულის მქონე ოჯახები იღებენ ფინანსურ დახმარებას, მათ შორის 250 ლარს თითოეულ ბავშვზე. გარდა ამისა სოციალურად დაუცველთათვის მოქმედებს რიგი შეღავათები, რომელთა შორისაა სამედიცინო მომსახურება, კომუნალური გადასახადები, საზოგადოებრივი ტრანსპორტით მგზავრობა და ა.შ.
ყველა ახალი ამბავი
0