მაღაზიებიდან პროდუქცია და თანხა გაიტაცეს: დაკავებულია ოთხი არასრულწლოვანი

© photo: Sputnik / Stringerსაპატრულო პოლიცია
საპატრულო პოლიცია - Sputnik საქართველო, 1920, 18.11.2026
გამოწერა
სამართალდამცველებმა ოთხივე არასრულწლოვანი მოსამართლის განჩინების საფუძველზე ბრალდებულის სახით დააკავეს.
თბილისი, 18 ნოემბერი — Sputnik. სამართალდამცველებმა ჯგუფის მიერ ჩადენილი ძარცვისა და ქურდობის ბრალდებით სხვადასხვა დროს ოთხი არასრულწლოვანი დააკავეს, ნათქვამია შინაგან საქმეთა სამინისტროს განცხადებაში.
გამოძიებით დადგინდა, რომ არასრულწლოვნებმა თბილისში მდებარე სასურსათო მაღაზიათა ქსელებიდან და ერთ-ერთი კვების ობიექტიდან სხვადასხვა ღირებულების პროდუქცია და თანხა გაიტაცეს, რის შემდეგაც შემთხვევის ადგილებიდან მიიმალნენ.
უწყების ცნობით, ამოღებულია აღნიშნულ ობიექტებში განთავსებული ვიდეოსამეთვალყურეო კამერების ჩანაწერები, რითაც ბრალდებულთა დანაშაულებრივი ქმედებები დასტურდება.
არასრულწლოვნების მიერ ჩადენილი ქმედებების შედეგად სხვადასხვა დანიშნულების სავაჭრო და კვების ობიექტებს ჯამში 20 ათას ლარზე მეტი ფინანსური ზარალი მიადგათ.
სამართალდამცველებმა ოთხივე არასრულწლოვანი მოსამართლის განჩინების საფუძველზე ბრალდებულის სახით დააკავეს.
გამოძიება სსკ-ის 178-ე და 177-ე მუხლებით მიმდინარეობს, რაც 8 წლამდე ვადით თავისუფლების აღკვეთას ითვალისწინებს.
ყველა ახალი ამბავი
0