https://sputnik-georgia.com/20261022/irakli-kobaxize-evrokavsiris-gafartoebis-samitzea-miwveuli-301304506.html
ირაკლი კობახიძე ევროკავშირის გაფართოების სამიტზეა მიწვეული
ირაკლი კობახიძე ევროკავშირის გაფართოების სამიტზეა მიწვეული
Sputnik საქართველო
საქართველოს მთავრობის ადმინისტრაციას ღონისძიებაში პრემიერ-მინისტრის მონაწილეობა ჯერ არ დაუდასტურებია. 22.10.2026-ს, Sputnik საქართველო
2026-10-22T22:21+0400
2026-10-22T22:21+0400
2026-10-23T01:01+0400
ახალი ამბები
საქართველო
საქართველო-ევროკავშირის ურთიერთობები
ევროკავშირი
საქართველოს პრემიერ–მინისტრი
ირაკლი კობახიძე
საქართველოს საგარეო პოლიტიკა
https://cdnn1.img.sputnik-georgia.com/img/07e5/03/0b/251141582_0:80:3068:1806_1920x0_80_0_0_96305f814b8e99c095f42e096a976de2.jpg
თბილისი, 22 ოქტომბერი — Sputnik.საქართველოს პრემიერ-მინისტრი ირაკლი კობახიძე ბრიუსელში, Euronews-ის მიერ ორგანიზებულ ევროკავშირის გაფართოების სამიტში მიიღებს მონაწილეობას.ინფორმაციას სამიტის ორგანიზატორები ავრცელებენ.ორგანიზატორების თქმით, 3 ნოემბერს დაგეგმილ სამიტზე განიხილავენ, რა მნიშვნელობის მატარებელია როგორც ევროკავშირისთვის, ისე მისი პოტენციური წევრებისთვის გაფართოების მომდევნო ეტაპი.დისკუსიები შეეხება კანდიდატი ქვეყნების მიერ მიღწეულ პროგრესს, საჭირო რეფორმებს, ორივე მხარისგან მოთხოვნილ ვალდებულებებსა და ინსტიტუციურ ცვლილებებს, ასევე — გაფართოებასთან დაკავშირებულ ეკონომიკურ შესაძლებლობებსა და შედეგებს.მონაწილეები ასევე იმსჯელებენ იმაზე, თუ რა გავლენას მოახდენს გაფართოება ევროპულ უსაფრთხოებაზე, დემოკრატიაზე, ეკონომიკურ კონკურენტუნარიანობასა და სტრატეგიულ ავტონომიაზე.საქართველოს მთავრობის ადმინისტრაციას არ დაუდასტურებია, მიიღებს თუ არა კობახიძე მონაწილეობას სამიტში.საქართველო და ევროკავშირისაქართველომ 2023 წლის დეკემბერში ევროკავშირის კანდიდატის სტატუსი მიიღო. კანდიდატის სტატუსის მიღებამდე ქვეყანამ ევროკავშირთან ასოცირების შესახებ შეთანხმებას მოაწერა ხელი - საქართველოს მოქალაქეებისთვის უვიზო რეჟიმი 2017 წელს ამოქმედდა.კანდიდატის სტატუსთან ერთად, საქართველომ მიიღო ცხრა ახალი პირობა, რომელიც ქვეყანამ უნდა შეასრულოს გაწევრიანების თაობაზე მოლაპარაკებების დასაწყებად. მათ შორისაა პოლარიზაციის დაძლევა, დეოლიგარქიზაცია, თავისუფალი და კონკურენტული არჩევნების უზრუნველყოფა და სხვა.2024 წელს „უცხოური გავლენის გამჭვირვალობის შესახებ" და „ოჯახური ღირებულებებისა და არასრულწლოვანთა დაცვის შესახებ“ კანონების მიღების საპასუხოდ, ევროკავშირმა შეაჩერა საქართველოში მაღალი დონის ვიზიტები და ყველა მაღალი დონის შეხვედრა საქართველოს ხელისუფლების წარმომადგენლებთან ბრიუსელში, ასევე შეაჩერა ფინანსური დახმარება და, ფაქტობრივად, ქვეყნის ევროინტეგრაცია.ამ გადაწყვეტილებების შემდეგ, 2024 წლის 28 ნოემბერს, საქართველოს ხელისუფლებამ ქვეყნის ევროკავშირში გაწევრიანებაზე მოლაპარაკებების დაწყების 2028 წლამდე დღის წესრიგიდან ამოღების შესახებ განაცხადა.ამის პასუხად დასავლეთმა საქართველოს ხელისუფლება დემოკრატიის გზიდან გადახვევაში დაადანაშაულა და მოუწოდა „ევროკავშირის გზაზე დაუყოვნებლად დაბრუნებისკენ“, 2025 წლის 27 იანვარს კი ქართული დიპლომატიური და სამსახურებრივი პასპორტების მფლობელებისთვის უვიზო რეჟიმი შეაჩერა.2025 წლის ივლისში ევროკომისიამ საქართველოს საგარეო საქმეთა სამინისტროს წერილი გამოუგზავნა, რომლის თანახმად, თუ საქართველოს მთავრობა არ შეასრულებს გარკვეულ პირობებს, რომლებიც უკავშირდება კანონებს „უცხოელი აგენტების შესახებ“ და „ლგბტ პროპაგანდის შესახებ“, უვიზო რეჟიმი რიგითი მოქალაქეებისთვისაც შეჩერდება. ხელისუფლება ამ პირობებს არარეალურს უწოდებს და დარწმუნებულია, რომ უვიზო რეჟიმი არ შეჩერდება.2026 წლის 6 მარტს ევროკომისიამ შეაჩერა უვიზო მიმოსვლა საქართველოს დიპლომატიური, სამსახურებრივი და ოფიციალური პასპორტების მფლობელებისთვის და განაცხადა, რომ შეზღუდვებს ქვეყნის ყველა მოქალაქეზე გაავრცელებდა.
საქართველო
ევროკავშირი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველო-ევროკავშირის ურთიერთობები, ევროკავშირი , საქართველოს პრემიერ–მინისტრი, ირაკლი კობახიძე, საქართველოს საგარეო პოლიტიკა
ახალი ამბები, საქართველო, საქართველო-ევროკავშირის ურთიერთობები, ევროკავშირი , საქართველოს პრემიერ–მინისტრი, ირაკლი კობახიძე, საქართველოს საგარეო პოლიტიკა
ირაკლი კობახიძე ევროკავშირის გაფართოების სამიტზეა მიწვეული
22:21 22.10.2026 (განახლებულია: 01:01 23.10.2026) საქართველოს მთავრობის ადმინისტრაციას ღონისძიებაში პრემიერ-მინისტრის მონაწილეობა ჯერ არ დაუდასტურებია.
თბილისი, 22 ოქტომბერი — Sputnik.საქართველოს პრემიერ-მინისტრი ირაკლი კობახიძე ბრიუსელში, Euronews-ის მიერ ორგანიზებულ ევროკავშირის გაფართოების სამიტში მიიღებს მონაწილეობას.
ინფორმაციას სამიტის ორგანიზატორები ავრცელებენ.
ორგანიზატორების თქმით, 3 ნოემბერს დაგეგმილ სამიტზე განიხილავენ, რა მნიშვნელობის მატარებელია როგორც ევროკავშირისთვის, ისე მისი პოტენციური წევრებისთვის გაფართოების მომდევნო ეტაპი.
დისკუსიები შეეხება კანდიდატი ქვეყნების მიერ მიღწეულ პროგრესს, საჭირო რეფორმებს, ორივე მხარისგან მოთხოვნილ ვალდებულებებსა და ინსტიტუციურ ცვლილებებს, ასევე — გაფართოებასთან დაკავშირებულ ეკონომიკურ შესაძლებლობებსა და შედეგებს.
მონაწილეები ასევე იმსჯელებენ იმაზე, თუ რა გავლენას მოახდენს გაფართოება ევროპულ უსაფრთხოებაზე, დემოკრატიაზე, ეკონომიკურ კონკურენტუნარიანობასა და სტრატეგიულ ავტონომიაზე.
საქართველოს მთავრობის ადმინისტრაციას არ დაუდასტურებია, მიიღებს თუ არა კობახიძე მონაწილეობას სამიტში.
საქართველო და ევროკავშირი
საქართველომ 2023 წლის დეკემბერში ევროკავშირის კანდიდატის სტატუსი მიიღო. კანდიდატის სტატუსის მიღებამდე ქვეყანამ ევროკავშირთან ასოცირების შესახებ შეთანხმებას მოაწერა ხელი - საქართველოს მოქალაქეებისთვის უვიზო რეჟიმი 2017 წელს ამოქმედდა.
კანდიდატის სტატუსთან ერთად, საქართველომ მიიღო ცხრა ახალი პირობა, რომელიც ქვეყანამ უნდა შეასრულოს გაწევრიანების თაობაზე მოლაპარაკებების დასაწყებად. მათ შორისაა პოლარიზაციის დაძლევა, დეოლიგარქიზაცია, თავისუფალი და კონკურენტული არჩევნების უზრუნველყოფა და სხვა.
2024 წელს „უცხოური გავლენის გამჭვირვალობის შესახებ" და „ოჯახური ღირებულებებისა და არასრულწლოვანთა დაცვის შესახებ“ კანონების მიღების საპასუხოდ, ევროკავშირმა შეაჩერა საქართველოში მაღალი დონის ვიზიტები და ყველა მაღალი დონის შეხვედრა საქართველოს ხელისუფლების წარმომადგენლებთან ბრიუსელში, ასევე შეაჩერა ფინანსური დახმარება და, ფაქტობრივად, ქვეყნის ევროინტეგრაცია.
ამ გადაწყვეტილებების შემდეგ, 2024 წლის 28 ნოემბერს, საქართველოს ხელისუფლებამ ქვეყნის ევროკავშირში გაწევრიანებაზე მოლაპარაკებების დაწყების 2028 წლამდე დღის წესრიგიდან ამოღების შესახებ განაცხადა.
ამის პასუხად დასავლეთმა საქართველოს ხელისუფლება დემოკრატიის გზიდან გადახვევაში დაადანაშაულა და მოუწოდა „ევროკავშირის გზაზე დაუყოვნებლად დაბრუნებისკენ“, 2025 წლის 27 იანვარს კი ქართული დიპლომატიური და სამსახურებრივი პასპორტების მფლობელებისთვის უვიზო რეჟიმი შეაჩერა.
2025 წლის ივლისში ევროკომისიამ საქართველოს საგარეო საქმეთა სამინისტროს წერილი გამოუგზავნა, რომლის თანახმად, თუ საქართველოს მთავრობა არ შეასრულებს გარკვეულ პირობებს, რომლებიც უკავშირდება კანონებს „უცხოელი აგენტების შესახებ“ და „ლგბტ პროპაგანდის შესახებ“, უვიზო რეჟიმი რიგითი მოქალაქეებისთვისაც შეჩერდება. ხელისუფლება ამ პირობებს არარეალურს უწოდებს და დარწმუნებულია, რომ უვიზო რეჟიმი არ შეჩერდება.
2026 წლის 6 მარტს ევროკომისიამ შეაჩერა უვიზო მიმოსვლა საქართველოს დიპლომატიური, სამსახურებრივი და ოფიციალური პასპორტების მფლობელებისთვის და განაცხადა, რომ შეზღუდვებს ქვეყნის ყველა მოქალაქეზე გაავრცელებდა.
