https://sputnik-georgia.com/20261015/rmertma-dagvifaros-moldovis-doneze-viyot-saqartvelosi-igor-grosus-upasuxes-301174388.html
„ღმერთმა დაგვიფაროს, მოლდოვის დონეზე ვიყოთ“: საქართველოში იგორ გროსუს უპასუხეს
„ღმერთმა დაგვიფაროს, მოლდოვის დონეზე ვიყოთ“: საქართველოში იგორ გროსუს უპასუხეს
Sputnik საქართველო
იგორ გროსუს განცხადებამ იმის შესახებ, თითქოს თბილისს შურს კიშინიოვის პროგრესისა ევროინტეგრაციის გზაზე, დაპირისპირება გამოიწვია. 15.10.2026-ს, Sputnik საქართველო
2026-10-15T14:54+0400
2026-10-15T14:54+0400
2026-10-15T14:54+0400
ახალი ამბები
საქართველო
საქართველო-ევროკავშირის ურთიერთობები
ევროკავშირი
პოლიტიკა საქართველოში
პოლიტიკა
საქართველოს საგარეო პოლიტიკა
ქართული ოცნება
მოლდოვა
https://cdnn1.img.sputnik-georgia.com/img/07e8/04/1c/287586444_0:0:1281:721_1920x0_80_0_0_fb2eb5f43c17beecc0ceb63237d8ca27.jpg
თბილისი, 15 ოქტომბერი — Sputnik. საქართველო ყველა პარამეტრით უსწრებს მოლდოვას; შესაბამისად, მოლდოვას პარლამენტის თავმჯდომარის, იგორ გროსუს განცხადება, თითქოს თბილისს შურს კიშინიოვის წარმატებისა ევროინტეგრაციის გზაზე, ღიმილისმომგვრელია, განაცხადა მმართველი პარტია „ქართული ოცნების“ დეპუტატმა თორნიკე ფაღავამ.მანამდე გროსუმ განაცხადა, რომ საქართველოს პრემიერ-მინისტრი ირაკლი კობახიძე არ უშვებს შესაძლებლობას, რომ არ გააკრიტიკოს კიშინიოვი, რაც, მისი თქმით, გამოწვეულია შურით მოლდოვას უფრო სწრაფი პროგრესის გამო ევროინტეგრაციის გზაზე.საქართველოს არ შურს მოლდოვასი, პირიქით, ის აკრიტიკებს ევროპელი მაღალჩინოსნების განცხადებებს, რომლებიც ქვეყნის პროგრესს მოლდოვასა და უკრაინაში არსებულ ვითარებას ადარებენ, — განაცხადა პარტია „ქართული ოცნების“ წევრმა, პარლამენტის დეპუტატმა ირაკლი ქადაგიშვილმა.2022 წლის მარტში საქართველომ ევროკავშირის კანდიდატის სტატუსის მინიჭებაზე განაცხადი შეიტანა. იმავე წლის ივნისში საქართველოს „ევროპული პერსპექტივა“ მიენიჭა. საქართველოს ხელისუფლებამ განაცხადა, რომ 2022 წელს ქვეყნისთვის ევროკავშირის კანდიდატის სტატუსის მინიჭებაზე უარი უსამართლო გადაწყვეტილება იყო და რომ საქართველო ყველა კრიტერიუმით ჯერ კიდევ მაშინ უსწრებდა როგორც უკრაინას, ისე მოლდოვას.საქართველომ სტატუსი მხოლოდ 2023 წლის დეკემბერში მიიღო. კანდიდატის სტატუსის მიღებამდე ქვეყანამ ევროკავშირთან ასოცირების შესახებ შეთანხმებას მოაწერა ხელი - საქართველოს მოქალაქეებისთვის უვიზო რეჟიმი 2017 წელს ამოქმედდა.კანდიდატის სტატუსთან ერთად, საქართველომ მიიღო ცხრა ახალი პირობა, რომელიც ქვეყანამ უნდა შეასრულოს გაწევრიანების თაობაზე მოლაპარაკებების დასაწყებად. მათ შორისაა პოლარიზაციის დაძლევა, დეოლიგარქიზაცია, თავისუფალი და კონკურენტული არჩევნების უზრუნველყოფა და სხვა.2024 წელს „უცხოური გავლენის გამჭვირვალობის შესახებ" და „ოჯახური ღირებულებებისა და არასრულწლოვანთა დაცვის შესახებ“ კანონების მიღების საპასუხოდ, ევროკავშირმა შეაჩერა საქართველოში მაღალი დონის ვიზიტები და ყველა მაღალი დონის შეხვედრა საქართველოს ხელისუფლების წარმომადგენლებთან ბრიუსელში, ასევე შეაჩერა ფინანსური დახმარება და, ფაქტობრივად, ქვეყნის ევროინტეგრაცია.ამ გადაწყვეტილებების შემდეგ, 2024 წლის 28 ნოემბერს, საქართველოს ხელისუფლებამ ქვეყნის ევროკავშირში გაწევრიანებაზე მოლაპარაკებების დაწყების 2028 წლამდე დღის წესრიგიდან ამოღების შესახებ განაცხადა.ამის პასუხად დასავლეთმა საქართველოს ხელისუფლება დემოკრატიის გზიდან გადახვევაში დაადანაშაულა და მოუწოდა „ევროკავშირის გზაზე დაუყოვნებლად დაბრუნებისკენ“, 2025 წლის 27 იანვარს კი ქართული დიპლომატიური და სამსახურებრივი პასპორტების მფლობელებისთვის უვიზო რეჟიმი შეაჩერა.2025 წლის ივლისში ევროკომისიამ საქართველოს საგარეო საქმეთა სამინისტროს წერილი გამოუგზავნა, რომლის თანახმად, თუ საქართველოს მთავრობა არ შეასრულებს გარკვეულ პირობებს, რომლებიც უკავშირდება კანონებს „უცხოელი აგენტების შესახებ“ და „ლგბტ პროპაგანდის შესახებ“, უვიზო რეჟიმი რიგითი მოქალაქეებისთვისაც შეჩერდება. ხელისუფლება ამ პირობებს არარეალურს უწოდებს და დარწმუნებულია, რომ უვიზო რეჟიმი არ შეჩერდება.
საქართველო
ევროკავშირი
მოლდოვა
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველო-ევროკავშირის ურთიერთობები, ევროკავშირი , პოლიტიკა საქართველოში, პოლიტიკა, საქართველოს საგარეო პოლიტიკა, ქართული ოცნება , მოლდოვა
ახალი ამბები, საქართველო, საქართველო-ევროკავშირის ურთიერთობები, ევროკავშირი , პოლიტიკა საქართველოში, პოლიტიკა, საქართველოს საგარეო პოლიტიკა, ქართული ოცნება , მოლდოვა
„ღმერთმა დაგვიფაროს, მოლდოვის დონეზე ვიყოთ“: საქართველოში იგორ გროსუს უპასუხეს
იგორ გროსუს განცხადებამ იმის შესახებ, თითქოს თბილისს შურს კიშინიოვის პროგრესისა ევროინტეგრაციის გზაზე, დაპირისპირება გამოიწვია.
თბილისი, 15 ოქტომბერი — Sputnik. საქართველო ყველა პარამეტრით უსწრებს მოლდოვას; შესაბამისად, მოლდოვას პარლამენტის თავმჯდომარის, იგორ გროსუს განცხადება, თითქოს თბილისს შურს კიშინიოვის წარმატებისა ევროინტეგრაციის გზაზე, ღიმილისმომგვრელია, განაცხადა მმართველი პარტია „ქართული ოცნების“ დეპუტატმა თორნიკე ფაღავამ.
მანამდე გროსუმ განაცხადა, რომ საქართველოს პრემიერ-მინისტრი ირაკლი კობახიძე არ უშვებს შესაძლებლობას, რომ არ გააკრიტიკოს კიშინიოვი, რაც, მისი თქმით, გამოწვეულია შურით მოლდოვას უფრო სწრაფი პროგრესის გამო ევროინტეგრაციის გზაზე.
„ღმერთმა დაგვიფაროს, რომ ჩვენ მოლდოვის დონეზე ვიყოთ ნებისმიერი ეკონომიკური და სახელმწიფო სტრუქტურის პარამეტრით. ამ ყველაფერს ადასტურებს არა ქართული ან მიკერძოებული კვლევა, არამედ ამ ყველაფერზე მეტყველებს ევროკომისიის მიერ ჩატარებული კვლევები, სადაც არ არსებობს გაზომვადი პარამეტრი, რომლითაც საქართველო რამდენჯერმე არ უსწრებს მოლდოვას. აქედან გამომდინარე, უდიდესი პატივისცემის მიუხედავად, ღიმილისმომგვრელია მოლდოვის პარლამენტის თავმჯდომარის ეს განცხადება”, - განაცხადა ფაღავამ.
საქართველოს არ შურს მოლდოვასი, პირიქით, ის აკრიტიკებს ევროპელი მაღალჩინოსნების განცხადებებს, რომლებიც ქვეყნის პროგრესს მოლდოვასა და უკრაინაში არსებულ ვითარებას ადარებენ, — განაცხადა პარტია „ქართული ოცნების“ წევრმა, პარლამენტის დეპუტატმა ირაკლი ქადაგიშვილმა.
„საქართველოს არ შურს არავისი, მით უმეტეს, მოლდოვისა. როდესაც ჩვენ კომენტარს ვაკეთებთ, ვაკეთებთ ხოლმე არა იმასთან დაკავშირებით, რომ მოლდოვას ვეჯიბრებით, არამედ ევროჩინოვნიკების არარელევანტურ განცხადებებთან დაკავშირებით, როდესაც ისინი საქართველოს პროგრესს ადარებენ მოლდოვას ან უკრაინაში შექმნილ ვითარებას”, - განაცხადა ქადაგიშვილმა.
2022 წლის მარტში საქართველომ ევროკავშირის კანდიდატის სტატუსის მინიჭებაზე განაცხადი შეიტანა. იმავე წლის ივნისში საქართველოს „ევროპული პერსპექტივა“ მიენიჭა. საქართველოს ხელისუფლებამ განაცხადა, რომ 2022 წელს ქვეყნისთვის ევროკავშირის კანდიდატის სტატუსის მინიჭებაზე უარი უსამართლო გადაწყვეტილება იყო და რომ საქართველო ყველა კრიტერიუმით ჯერ კიდევ მაშინ უსწრებდა როგორც უკრაინას, ისე მოლდოვას.
საქართველომ სტატუსი მხოლოდ 2023 წლის დეკემბერში მიიღო. კანდიდატის სტატუსის მიღებამდე ქვეყანამ ევროკავშირთან ასოცირების შესახებ შეთანხმებას მოაწერა ხელი - საქართველოს მოქალაქეებისთვის უვიზო რეჟიმი 2017 წელს ამოქმედდა.
კანდიდატის სტატუსთან ერთად, საქართველომ მიიღო ცხრა ახალი პირობა, რომელიც ქვეყანამ უნდა შეასრულოს გაწევრიანების თაობაზე მოლაპარაკებების დასაწყებად. მათ შორისაა პოლარიზაციის დაძლევა, დეოლიგარქიზაცია, თავისუფალი და კონკურენტული არჩევნების უზრუნველყოფა და სხვა.
2024 წელს „უცხოური გავლენის გამჭვირვალობის შესახებ" და „ოჯახური ღირებულებებისა და არასრულწლოვანთა დაცვის შესახებ“ კანონების მიღების საპასუხოდ, ევროკავშირმა შეაჩერა საქართველოში მაღალი დონის ვიზიტები და ყველა მაღალი დონის შეხვედრა საქართველოს ხელისუფლების წარმომადგენლებთან ბრიუსელში, ასევე შეაჩერა ფინანსური დახმარება და, ფაქტობრივად, ქვეყნის ევროინტეგრაცია.
ამ გადაწყვეტილებების შემდეგ, 2024 წლის 28 ნოემბერს, საქართველოს ხელისუფლებამ ქვეყნის ევროკავშირში გაწევრიანებაზე მოლაპარაკებების დაწყების 2028 წლამდე დღის წესრიგიდან ამოღების შესახებ განაცხადა.
ამის პასუხად დასავლეთმა საქართველოს ხელისუფლება დემოკრატიის გზიდან გადახვევაში დაადანაშაულა და მოუწოდა „ევროკავშირის გზაზე დაუყოვნებლად დაბრუნებისკენ“, 2025 წლის 27 იანვარს კი ქართული დიპლომატიური და სამსახურებრივი პასპორტების მფლობელებისთვის უვიზო რეჟიმი შეაჩერა.
2025 წლის ივლისში ევროკომისიამ საქართველოს საგარეო საქმეთა სამინისტროს წერილი გამოუგზავნა, რომლის თანახმად, თუ საქართველოს მთავრობა არ შეასრულებს გარკვეულ პირობებს, რომლებიც უკავშირდება კანონებს „უცხოელი აგენტების შესახებ“ და „ლგბტ პროპაგანდის შესახებ“, უვიზო რეჟიმი რიგითი მოქალაქეებისთვისაც შეჩერდება. ხელისუფლება ამ პირობებს არარეალურს უწოდებს და დარწმუნებულია, რომ უვიზო რეჟიმი არ შეჩერდება.
