https://sputnik-georgia.com/20261013/saqartvelos-germaniis-bundesveris-delegacia-ewvia-301134327.html
საქართველოს გერმანიის ბუნდესვერის დელეგაცია ეწვია
საქართველოს გერმანიის ბუნდესვერის დელეგაცია ეწვია
Sputnik საქართველო
ვიზიტი ერთობლივი ყოველწლიური პროგრამის ფარგლებში საქართველოსა და გერმანიის თავდაცვის სამინისტროებს შორის სამხედრო სფეროში თანამშრომლობის შესახებ შეთანხმების... 13.10.2026-ს, Sputnik საქართველო
2026-10-13T20:00+0400
2026-10-13T20:00+0400
2026-10-13T20:00+0400
საქართველო
გერმანია
საქართველოს თავდაცვა
საზოგადოება
ახალი ამბები
https://cdnn1.img.sputnik-georgia.com/img/07e5/09/1b/259916424_471:199:3004:1624_1920x0_80_0_0_34c7a19add075ae9944b887d9bb84dc6.jpg
თბილისი, 13 ოქტომბერი — Sputnik. გერმანიის ბუნდესვერის დელეგაცია მე-3 სამედიცინო პოლკიდან, პოლკოვნიკ ჰენდრიკ პლოსის ხელმძღვანელობით, სამდღიანი სამუშაო ვიზიტით საქართველოს თავდაცვის ძალების დანაყოფებს ეწვია, ნათქვამია საქართველოში გერმანიის საელჩოს განცხადებაში. უწყების ცნობით, ვიზიტი ერთობლივი ყოველწლიური პროგრამის ფარგლებში საქართველოსა და გერმანიის თავდაცვის სამინისტროებს შორის სამხედრო სფეროში თანამშრომლობის შესახებ შეთანხმების საფუძველზე შედგა. „ვიზიტის მიზანი იყო საქართველოს თავდაცვის ძალების სამხედრო-სამედიცინო შესაძლებლობის – Role 2 Forward (Role 2F) გაცნობა. Role 2F სამედიცინო პუნქტი საველე პირობებში უზრუნველყოფს დაჭრილთა და დაშავებულთა გადაუდებელ სამედიცინო დახმარებას, მათ შორის ქირურგიულ ჩარევასა და პაციენტების სტაბილიზაციას მათ შემდგომ სამედიცინო ევაკუაციამდე“, - განმარტეს მისიაში. დელეგაციის წევრები გაეცნენ შესაბამის სამედიცინო და ქირურგიულ პროცედურებს და დაესწრნენ პრაქტიკული შესაძლებლობების დემონსტრირებას. ვიზიტის ფარგლებში მხარეებმა ერთმანეთს გაუზიარეს საკუთარ სამხედრო-სამედიცინო დანაყოფებში დაგროვილი გამოცდილება და საუკეთესო პრაქტიკა. საელჩოში ასევე აღნიშნავენ, რომ ნატო-საქართველოს არსებითი პაკეტის (SNGP) ფარგლებში მოქმედ „სამხედრო-სამედიცინო შესაძლებლობების განვითარების ინიციატივას” გერმანია ხელმძღვანელობს. ინიციატივა მიზნად ისახავს საქართველოს თავდაცვის ძალების სამხედრო-სამედიცინო შესაძლებლობების შემდგომ განვითარებას და შესაბამისი სამედიცინო პუნქტების ნატო-ს სტანდარტებთან თავსებადობას.
საქართველო
გერმანია
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, გერმანია , საქართველოს თავდაცვა, საზოგადოება, ახალი ამბები
საქართველო, გერმანია , საქართველოს თავდაცვა, საზოგადოება, ახალი ამბები
საქართველოს გერმანიის ბუნდესვერის დელეგაცია ეწვია
ვიზიტი ერთობლივი ყოველწლიური პროგრამის ფარგლებში საქართველოსა და გერმანიის თავდაცვის სამინისტროებს შორის სამხედრო სფეროში თანამშრომლობის შესახებ შეთანხმების საფუძველზე შედგა.
თბილისი, 13 ოქტომბერი — Sputnik. გერმანიის ბუნდესვერის დელეგაცია მე-3 სამედიცინო პოლკიდან, პოლკოვნიკ ჰენდრიკ პლოსის ხელმძღვანელობით, სამდღიანი სამუშაო ვიზიტით საქართველოს თავდაცვის ძალების დანაყოფებს ეწვია, ნათქვამია საქართველოში გერმანიის საელჩოს განცხადებაში.
უწყების ცნობით, ვიზიტი ერთობლივი ყოველწლიური პროგრამის ფარგლებში საქართველოსა და გერმანიის თავდაცვის სამინისტროებს შორის სამხედრო სფეროში თანამშრომლობის შესახებ შეთანხმების საფუძველზე შედგა.
„ვიზიტის მიზანი იყო საქართველოს თავდაცვის ძალების სამხედრო-სამედიცინო შესაძლებლობის – Role 2 Forward (Role 2F) გაცნობა. Role 2F სამედიცინო პუნქტი საველე პირობებში უზრუნველყოფს დაჭრილთა და დაშავებულთა გადაუდებელ სამედიცინო დახმარებას, მათ შორის ქირურგიულ ჩარევასა და პაციენტების სტაბილიზაციას მათ შემდგომ სამედიცინო ევაკუაციამდე“, - განმარტეს მისიაში.
დელეგაციის წევრები გაეცნენ შესაბამის სამედიცინო და ქირურგიულ პროცედურებს და დაესწრნენ პრაქტიკული შესაძლებლობების დემონსტრირებას.
ვიზიტის ფარგლებში მხარეებმა ერთმანეთს გაუზიარეს საკუთარ სამხედრო-სამედიცინო დანაყოფებში დაგროვილი გამოცდილება და საუკეთესო პრაქტიკა.
საელჩოში ასევე აღნიშნავენ, რომ ნატო-საქართველოს არსებითი პაკეტის (SNGP) ფარგლებში მოქმედ „სამხედრო-სამედიცინო შესაძლებლობების განვითარების ინიციატივას” გერმანია ხელმძღვანელობს.
ინიციატივა მიზნად ისახავს საქართველოს თავდაცვის ძალების სამხედრო-სამედიცინო შესაძლებლობების შემდგომ განვითარებას და შესაბამისი სამედიცინო პუნქტების ნატო-ს სტანდარტებთან თავსებადობას.
