https://sputnik-georgia.com/20261012/belarusi-ruseti-ukraina-301215458.html
მოსაზრება: „ურღვევი ძმობისა“ და „ბარიერის“ თავისებურებები ბელარუსში
მოსაზრება: „ურღვევი ძმობისა“ და „ბარიერის“ თავისებურებები ბელარუსში
Sputnik საქართველო
ვიტებსკის ოლქში 12–16 ოქტომბერს კოლექტიური უსაფრთხოების ხელშეკრულების ორგანიზაციის წვრთნები ტარდება - სამეთაურო-საშტაბო სწავლება „ურღვევი ძმობა-2026“ და... 12.10.2026-ს, Sputnik საქართველო
2026-10-12T14:35+0400
2026-10-12T14:35+0400
2026-10-18T11:35+0400
ანალიტიკა
კოლექტიური უსაფრთხოების ხელშეკრულების ორგანიზაცია
ბელარუსი
უკრაინა
რუსეთ-უკრაინის კონფლიქტი
https://cdnn1.img.sputnik-georgia.com/img/22866/16/228661607_0:150:3110:1899_1920x0_80_0_0_c0b15a8657438c39afcb5d61abf8a90b.jpg
ვიტებსკის ოლქში 12–16 ოქტომბერს კოლექტიური უსაფრთხოების ხელშეკრულების ორგანიზაციის წვრთნები ტარდება - სამეთაურო-საშტაბო სწავლება „ურღვევი ძმობა-2026“ და სპეციალური სწავლება „ბარიერი-2026“. მონაწილეობენ ბელარუსის, ყაზახეთის, ყირგიზეთის, რუსეთისა და ტაჯიკეთის სამხედრო კონტინგენტები. მუშავდება კოლექტიური უსაფრთხოების ხელშეკრულების ორგანიზაციის კოლექტიური სამშვიდობო ძალების სამშვიდობო ოპერაციის ჩატარების ალგორითმები და პასუხისმგებლობის ზონაში ბიოლოგიური საფრთხის წყაროების პრაქტიკული ლიკვიდაციის მეთოდები.სასწავლო პოლიგონ ლოსვიდოზე, „ურღვევი ძმობა-2026“-ის ფარგლებში, პირობითი სამშვიდობო ოპერაციის მომზადება და ჩატარება ეტაპობრივად მიმდინარეობს. მუშავდება კოლექტიური უსაფრთხოების ხელშეკრულების ორგანიზაციის კოლექტიური ძალების შემადგენლობაში სხვადასხვა ქვეყნის სამხედრო კონტინგენტების შეთანხმებული მოქმედებები.სასწავლო პოლიგონ სტაროდოროჟსკიზე, „ბარიერი-2026“-ის ფარგლებში, ბიოლოგიური საფრთხის წყაროების ლიკვიდაციის პრაქტიკული ამოცანების სერია სრულდება. მიმდინარეობს მონაწილე ქვეყნების შესაბამისი დანაყოფების ურთიერთქმედებით საბრძოლო მოქმედებები. თითოეულ ღონისძიებას თავისი თავისებურებები აქვს. მომზადება სისტემურად მიმდინარეობს, კოლექტიური უსაფრთხოების ხელშეკრულების ორგანიზაციის წვრთნების განრიგი კი ერთი წლით ადრე მტკიცდება.სამეთაურო-საშტაბო და სპეციალურ სწავლებებში 1 500-ზე მეტი სამხედრო მოსამსახურე და შეიარაღების, სამხედრო და სპეციალური ტექნიკის 300 ერთეული მონაწილეობს, მათ შორის — სხვადასხვა ტიპის, დაახლოებით, 80 უპილოტო საფრენი აპარატი. 2026 წლის ოქტომბერში რუსეთის კონტინგენტის ძირითად ნაწილს ცენტრალური სამხედრო ოლქის საერთო-საჯარისო არმიის მოტომსროლელი და სადაზვერვო დანაყოფები, სამხედრო მედიკოსები, კავშირგაბმულობის, რადიოელექტრონული ბრძოლისა და რადიაციული, ქიმიური და ბიოლოგიური დაცვის სპეციალისტები, აგრეთვე უპილოტო სისტემების ჯარების გათვლები შეადგენენ. ბელარუსის რესპუბლიკაში რუსეთის სამშვიდობო კონტინგენტის საბრძოლო ტექნიკა БТР-82А ტიპის ჯავშანტრანსპორტიორებს, „ულანის“ ტიპის კვადროციკლებს მოიცავს— სულ, დაახლოებით, 40 ერთეულს. კოლექტიური უსაფრთხოების ხელშეკრულების ორგანიზაციის ქვეყნების კონტინგენტები განსხვავებულია, უსაფრთხოების ინტერესები კი — საერთო.თითოეული სამშვიდობო ოპერაციისთვის კოლექტიური სამშვიდობო ძალების სტრუქტურა და რაოდენობა განისაზღვრება კოლექტიური უსაფრთხოების ხელშეკრულების ორგანიზაციის კოლექტიური უსაფრთხოების საბჭოს გადაწყვეტილებით, ამოცანების მოცულობისა და კონფლიქტის ზონაში არსებული ვითარების გათვალისწინებით. „ურღვევი ძმობა-2026“-ისა და „ბარიერი-2026“-ის წვრთნების მნიშვნელოვანი თავისებურებაა შინაგან საქმეთა ორგანოების, პოლიციის, შინაგანი ჯარებისა და ეროვნული გვარდიის ჯარების დანაყოფების ერთობლივ მოქმედებებში ჩართვა. ასეთი მიდგომა ზრდის ამოცანების სირთულესა და შედეგზე პასუხისმგებლობას.კოლექტიური უსაფრთხოების ხელშეკრულების ორგანიზაციის ყველა ღონისძიება მესამე ქვეყნების წინააღმდეგ არ არის მიმართული. მათი მიზანია მართვის ორგანოებისა და ჯარების შეთანხმებული მოქმედებების შენარჩუნება და სამშვიდობო ძალების მზადყოფნის უზრუნველყოფა, კოლექტიური უსაფრთხოების ინტერესების გათვალისწინებით, დასახული ამოცანების შესასრულებლად.მსოფლიოში კი სიმშვიდე არ არის. ბელარუსის რესპუბლიკის შეიარაღებული ძალების გენერალური შტაბის უფროსმა ვლადიმირ ბელიმ კოლექტიური უსაფრთხოების ხელშეკრულების ორგანიზაციის წვრთნების გახსნის ცერემონიაზე განაცხადა: „გულწრფელად გეტყვით: წვრთნები გლობალური სამხედრო-პოლიტიკური კრიზისისა და უსაფრთხოების საერთაშორისო არქიტექტურის დეგრადაციის პირობებში ტარდება. დღეს მისი არსის დახასიათება მარტივი პრინციპით შეიძლება: ვინც უფრო ძლიერია, ის არის მართალი… სამხედრო საფრთხის დონე მუდმივად იზრდება. დასავლეთის ქვეყნები კვლავაც კონფრონტაციულ პოლიტიკას მისდევენ, სულ უფრო მეტ მცდელობას მიმართავენ ჩვენს სახელმწიფოებში შიდა საქმეებში ჩარევისთვის, ხელს უწყობენ უკრაინაში შეიარაღებული კონფლიქტის გაჭიანურებას, დაჩქარებული ტემპით ზრდიან სამხედრო პოტენციალს და, ფაქტობრივად, ახალი ცხელი ომისთვის ემზადებიან“.ჩრდილოატლანტიკური ალიანსი 13 ოქტომბერს იტალიაში იწყებს ყოველწლიურ სწავლებას „ბირთვული შეკავების“ თემაზე — Steadfast Noon, რომელშიც 17 სახელმწიფო მონაწილეობს. ნატოს გენერალურმა მდივანმა მარკ რუტემ უკვე განაცხადა, რომ მანევრების მიზანია, თავდაცვითი ალიანსის ბირთვული ძალების მზადყოფნის შენარჩუნება. საინტერესოა, როგორ წარმოუდგენია მას „ბირთვული თავდაცვა“ თავისი სამშობლოს, ნიდერლანდების, ტერიტორიაზე, რომლის ფართობიც 170 × 260 კმ-ია?ნატოს ბირთვული პოლიტიკის დირექტორმა ნასიმა ბაროუზმა განმარტა Steadfast Noon-ის არსი: „ეს მკაფიო სიგნალია ისეთი ქვეყნებისთვის, როგორიცაა რუსეთი — მათ სანერვიულო არაფერი აქვთ“. უცნაური ლოგიკაა ამ „თვითმკვლელთა კლუბში“.მოსკოვი უარყოფითად აფასებს ალიანსის ბირთვულ წვრთნებს. ბელგიაში რუსეთის საელჩომ განცხადება გააკეთა: „ნატოს ბირთვული სწავლება Steadfast Noon ევროპაში დაძაბულობის შემცირებას ხელს არ უწყობს“. ბირთვული იარაღის გამოყენების სავარაუდო იმიტაცია არ გამორიცხავს შესაძლებლობას, რომ სწავლების საბაბით ალიანსის თვითმფრინავებზე ნამდვილი B62-12 ტიპის ბირთვული ბომბები ჩამოკიდონ, რომლებიც იტალიაში (ორ საავიაციო ბაზაზე), ასევე გერმანიაში, ბელგიაში, ნიდერლანდებსა და თურქეთში ინახება. და სად გაფრინდებიან ისინი? ალიანსის ყველა სწავლება რუსეთის წინააღმდეგ არის მიმართული.უფრო მეტიც, ნატოში რუსეთის წინააღმდეგ „ჭკვიანი“ უპილოტო საფრენი აპარატების გამოყენებით „სწრაფი გამარჯვების“ ახალი გეგმა შეიმუშავეს. სტრატეგიას „გამარჯვების თეორია“ („Theory of Victory“) მოკავშირეებს ვარშავაში, 12–13 ოქტომბერს დაგეგმილ ფორუმზე, ევროპაში ნატოს ძალების მეთაური, ამერიკელი გენერალი ალექსუს გრინკევიჩი წარუდგენს. გეგმის საფუძველია რუსეთის შეიარაღებული ძალების სამეთაურო ცენტრებისა და მართვის პუნქტების განადგურება ხელოვნური ინტელექტით აღჭურვილი დამრტყმელი უპილოტო საფრენი აპარატების მეშვეობით. პენტაგონში მანამდე შეიმუშავეს ჰიპერბგერითი რაკეტებით „სწრაფი გლობალური დარტყმის“ (Prompt Global Strike) კონცეფცია, თუმცა, ასეთი რაკეტები აშშ-ში დღემდე არ შეუქმნიათ. ვარშავის ფორუმზე დაგეგმილია მარიონეტი ზელენსკის გამოსვლაც ვიდეოკავშირის საშუალებით, ხოლო ერთი კვირით ადრე, 6 ოქტომბერს, კიევს ნატოს სამხედრო კომიტეტი სრული შემადგენლობით, 32 ქვეყნის წარმომადგენლებით, საიდუმლოდ ეწვია. ევროკავშირი არ იშურებს დამატებით სახსრებს კიევის რეჟიმისთვის შეიარაღების შესაძენად.რუსეთმა და მისმა მოკავშირეებმა უნდა გაითვალისწინონ არა იმდენად დამამშვიდებელი განცხადებები, რამდენადაც ნატოს ქვეყნების აგრესიული გეგმები, მტრული განზრახვები და რეალური შესაძლებლობები. დასავლელმა ანალიტიკოსებმა, რომლებიც საღად აზროვნებენ, დაასკვნეს, რომ უკრაინაში ომი შეუჩერებლად „არმაგედონისკენ მიემართება“. როგორც არ უნდა იყოს, სამხედრო-პოლიტიკური ვითარება კოლექტიური უსაფრთხოების ხელშეკრულების ორგანიზაციის პასუხისმგებლობის ზონაში კვლავ რთულია. ბელარუსის მიწაზე კოლექტიური უსაფრთხოების ხელშეკრულების ორგანიზაციის წვრთნების ჩატარება მოწმობს მოკავშირე სახელმწიფოების პოლიტიკურ გადაწყვეტილებასა და ტექნოლოგიურ მზადყოფნას, იარაღის ძალით დაიცვან თავიანთი ტერიტორიები და ეროვნული ინტერესები.რედაქცია შესაძლოა არ ეთანხმებოდეს ავტორის მოსაზრებებს და პასუხს არ აგებს მათზე
ბელარუსი
უკრაინა
Sputnik საქართველო
media@sputniknews.com
+74956456601
MIA „Rossiya Segodnya“
2026
ალექსანდრ ხროლენკო
https://cdnn1.img.sputnik-georgia.com/img/24880/30/248803088_89:-1:630:541_100x100_80_0_0_f4b726e92ca45ca5f1fcf1b3c7d36b96.jpg
ალექსანდრ ხროლენკო
https://cdnn1.img.sputnik-georgia.com/img/24880/30/248803088_89:-1:630:541_100x100_80_0_0_f4b726e92ca45ca5f1fcf1b3c7d36b96.jpg
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ალექსანდრ ხროლენკო
https://cdnn1.img.sputnik-georgia.com/img/24880/30/248803088_89:-1:630:541_100x100_80_0_0_f4b726e92ca45ca5f1fcf1b3c7d36b96.jpg
ანალიტიკა, კოლექტიური უსაფრთხოების ხელშეკრულების ორგანიზაცია, ბელარუსი , უკრაინა , რუსეთ-უკრაინის კონფლიქტი
ანალიტიკა, კოლექტიური უსაფრთხოების ხელშეკრულების ორგანიზაცია, ბელარუსი , უკრაინა , რუსეთ-უკრაინის კონფლიქტი
ვიტებსკის ოლქში 12–16 ოქტომბერს კოლექტიური უსაფრთხოების ხელშეკრულების ორგანიზაციის წვრთნები ტარდება - სამეთაურო-საშტაბო სწავლება „ურღვევი ძმობა-2026“ და სპეციალური სწავლება „ბარიერი-2026“. მონაწილეობენ ბელარუსის, ყაზახეთის, ყირგიზეთის, რუსეთისა და ტაჯიკეთის სამხედრო კონტინგენტები. მუშავდება კოლექტიური უსაფრთხოების ხელშეკრულების ორგანიზაციის კოლექტიური სამშვიდობო ძალების სამშვიდობო ოპერაციის ჩატარების ალგორითმები და პასუხისმგებლობის ზონაში ბიოლოგიური საფრთხის წყაროების პრაქტიკული ლიკვიდაციის მეთოდები.
სასწავლო პოლიგონ ლოსვიდოზე, „ურღვევი ძმობა-2026“-ის ფარგლებში, პირობითი სამშვიდობო ოპერაციის მომზადება და ჩატარება ეტაპობრივად მიმდინარეობს. მუშავდება კოლექტიური უსაფრთხოების ხელშეკრულების ორგანიზაციის კოლექტიური ძალების შემადგენლობაში სხვადასხვა ქვეყნის სამხედრო კონტინგენტების შეთანხმებული მოქმედებები.
სასწავლო პოლიგონ სტაროდოროჟსკიზე, „ბარიერი-2026“-ის ფარგლებში, ბიოლოგიური საფრთხის წყაროების ლიკვიდაციის პრაქტიკული ამოცანების სერია სრულდება. მიმდინარეობს მონაწილე ქვეყნების შესაბამისი დანაყოფების ურთიერთქმედებით საბრძოლო მოქმედებები. თითოეულ ღონისძიებას თავისი თავისებურებები აქვს. მომზადება სისტემურად მიმდინარეობს, კოლექტიური უსაფრთხოების ხელშეკრულების ორგანიზაციის წვრთნების განრიგი კი ერთი წლით ადრე მტკიცდება.
სამეთაურო-საშტაბო და სპეციალურ სწავლებებში 1 500-ზე მეტი სამხედრო მოსამსახურე და შეიარაღების, სამხედრო და სპეციალური ტექნიკის 300 ერთეული მონაწილეობს, მათ შორის — სხვადასხვა ტიპის, დაახლოებით, 80 უპილოტო საფრენი აპარატი. 2026 წლის ოქტომბერში რუსეთის კონტინგენტის ძირითად ნაწილს ცენტრალური სამხედრო ოლქის საერთო-საჯარისო არმიის მოტომსროლელი და სადაზვერვო დანაყოფები, სამხედრო მედიკოსები, კავშირგაბმულობის, რადიოელექტრონული ბრძოლისა და რადიაციული, ქიმიური და ბიოლოგიური დაცვის სპეციალისტები, აგრეთვე უპილოტო სისტემების ჯარების გათვლები შეადგენენ.
ბელარუსის რესპუბლიკაში რუსეთის სამშვიდობო კონტინგენტის საბრძოლო ტექნიკა БТР-82А ტიპის ჯავშანტრანსპორტიორებს, „ულანის“ ტიპის კვადროციკლებს მოიცავს— სულ, დაახლოებით, 40 ერთეულს. კოლექტიური უსაფრთხოების ხელშეკრულების ორგანიზაციის ქვეყნების კონტინგენტები განსხვავებულია, უსაფრთხოების ინტერესები კი — საერთო.
თითოეული სამშვიდობო ოპერაციისთვის კოლექტიური სამშვიდობო ძალების სტრუქტურა და რაოდენობა განისაზღვრება კოლექტიური უსაფრთხოების ხელშეკრულების ორგანიზაციის კოლექტიური უსაფრთხოების საბჭოს გადაწყვეტილებით, ამოცანების მოცულობისა და კონფლიქტის ზონაში არსებული ვითარების გათვალისწინებით. „ურღვევი ძმობა-2026“-ისა და „ბარიერი-2026“-ის წვრთნების მნიშვნელოვანი თავისებურებაა შინაგან საქმეთა ორგანოების, პოლიციის, შინაგანი ჯარებისა და ეროვნული გვარდიის ჯარების დანაყოფების ერთობლივ მოქმედებებში ჩართვა. ასეთი მიდგომა ზრდის ამოცანების სირთულესა და შედეგზე პასუხისმგებლობას.
კოლექტიური უსაფრთხოების ხელშეკრულების ორგანიზაციის ყველა ღონისძიება მესამე ქვეყნების წინააღმდეგ არ არის მიმართული. მათი მიზანია მართვის ორგანოებისა და ჯარების შეთანხმებული მოქმედებების შენარჩუნება და სამშვიდობო ძალების მზადყოფნის უზრუნველყოფა, კოლექტიური უსაფრთხოების ინტერესების გათვალისწინებით, დასახული ამოცანების შესასრულებლად.
მსოფლიოში კი სიმშვიდე არ არის. ბელარუსის რესპუბლიკის შეიარაღებული ძალების გენერალური შტაბის უფროსმა ვლადიმირ ბელიმ კოლექტიური უსაფრთხოების ხელშეკრულების ორგანიზაციის წვრთნების გახსნის ცერემონიაზე განაცხადა: „გულწრფელად გეტყვით: წვრთნები გლობალური სამხედრო-პოლიტიკური კრიზისისა და უსაფრთხოების საერთაშორისო არქიტექტურის დეგრადაციის პირობებში ტარდება.
დღეს მისი არსის დახასიათება მარტივი პრინციპით შეიძლება: ვინც უფრო ძლიერია, ის არის მართალი… სამხედრო საფრთხის დონე მუდმივად იზრდება. დასავლეთის ქვეყნები კვლავაც კონფრონტაციულ პოლიტიკას მისდევენ, სულ უფრო მეტ მცდელობას მიმართავენ ჩვენს სახელმწიფოებში შიდა საქმეებში ჩარევისთვის, ხელს უწყობენ უკრაინაში შეიარაღებული კონფლიქტის გაჭიანურებას, დაჩქარებული ტემპით ზრდიან სამხედრო პოტენციალს და, ფაქტობრივად, ახალი ცხელი ომისთვის ემზადებიან“.
ჩრდილოატლანტიკური ალიანსი 13 ოქტომბერს იტალიაში იწყებს ყოველწლიურ სწავლებას „ბირთვული შეკავების“ თემაზე — Steadfast Noon, რომელშიც 17 სახელმწიფო მონაწილეობს. ნატოს გენერალურმა მდივანმა მარკ რუტემ უკვე განაცხადა, რომ მანევრების მიზანია, თავდაცვითი ალიანსის ბირთვული ძალების მზადყოფნის შენარჩუნება. საინტერესოა, როგორ წარმოუდგენია მას „ბირთვული თავდაცვა“ თავისი სამშობლოს, ნიდერლანდების, ტერიტორიაზე, რომლის ფართობიც 170 × 260 კმ-ია?
ნატოს ბირთვული პოლიტიკის დირექტორმა ნასიმა ბაროუზმა განმარტა Steadfast Noon-ის არსი: „ეს მკაფიო სიგნალია ისეთი ქვეყნებისთვის, როგორიცაა რუსეთი — მათ სანერვიულო არაფერი აქვთ“. უცნაური ლოგიკაა ამ „თვითმკვლელთა კლუბში“.
მოსკოვი უარყოფითად აფასებს ალიანსის ბირთვულ წვრთნებს. ბელგიაში რუსეთის საელჩომ განცხადება გააკეთა: „ნატოს ბირთვული სწავლება Steadfast Noon ევროპაში დაძაბულობის შემცირებას ხელს არ უწყობს“. ბირთვული იარაღის გამოყენების სავარაუდო იმიტაცია არ გამორიცხავს შესაძლებლობას, რომ სწავლების საბაბით ალიანსის თვითმფრინავებზე ნამდვილი B62-12 ტიპის ბირთვული ბომბები ჩამოკიდონ, რომლებიც იტალიაში (ორ საავიაციო ბაზაზე), ასევე გერმანიაში, ბელგიაში, ნიდერლანდებსა და თურქეთში ინახება. და სად გაფრინდებიან ისინი? ალიანსის ყველა სწავლება რუსეთის წინააღმდეგ არის მიმართული.
უფრო მეტიც, ნატოში რუსეთის წინააღმდეგ „ჭკვიანი“ უპილოტო საფრენი აპარატების გამოყენებით „სწრაფი გამარჯვების“ ახალი გეგმა შეიმუშავეს. სტრატეგიას „გამარჯვების თეორია“ („Theory of Victory“) მოკავშირეებს ვარშავაში, 12–13 ოქტომბერს დაგეგმილ ფორუმზე, ევროპაში ნატოს ძალების მეთაური, ამერიკელი გენერალი ალექსუს გრინკევიჩი წარუდგენს. გეგმის საფუძველია რუსეთის შეიარაღებული ძალების სამეთაურო ცენტრებისა და მართვის პუნქტების განადგურება ხელოვნური ინტელექტით აღჭურვილი დამრტყმელი უპილოტო საფრენი აპარატების მეშვეობით.
პენტაგონში მანამდე შეიმუშავეს ჰიპერბგერითი რაკეტებით „სწრაფი გლობალური დარტყმის“ (Prompt Global Strike) კონცეფცია, თუმცა, ასეთი რაკეტები აშშ-ში დღემდე არ შეუქმნიათ. ვარშავის ფორუმზე დაგეგმილია მარიონეტი ზელენსკის გამოსვლაც ვიდეოკავშირის საშუალებით, ხოლო ერთი კვირით ადრე, 6 ოქტომბერს, კიევს ნატოს სამხედრო კომიტეტი სრული შემადგენლობით, 32 ქვეყნის წარმომადგენლებით, საიდუმლოდ ეწვია. ევროკავშირი არ იშურებს დამატებით სახსრებს კიევის რეჟიმისთვის შეიარაღების შესაძენად.
რუსეთმა და მისმა მოკავშირეებმა უნდა გაითვალისწინონ არა იმდენად დამამშვიდებელი განცხადებები, რამდენადაც ნატოს ქვეყნების აგრესიული გეგმები, მტრული განზრახვები და რეალური შესაძლებლობები. დასავლელმა ანალიტიკოსებმა, რომლებიც საღად აზროვნებენ, დაასკვნეს, რომ უკრაინაში ომი შეუჩერებლად „არმაგედონისკენ მიემართება“. როგორც არ უნდა იყოს, სამხედრო-პოლიტიკური ვითარება კოლექტიური უსაფრთხოების ხელშეკრულების ორგანიზაციის პასუხისმგებლობის ზონაში კვლავ რთულია. ბელარუსის მიწაზე კოლექტიური უსაფრთხოების ხელშეკრულების ორგანიზაციის წვრთნების ჩატარება მოწმობს მოკავშირე სახელმწიფოების პოლიტიკურ გადაწყვეტილებასა და ტექნოლოგიურ მზადყოფნას, იარაღის ძალით დაიცვან თავიანთი ტერიტორიები და ეროვნული ინტერესები.
რედაქცია შესაძლოა არ ეთანხმებოდეს ავტორის მოსაზრებებს და პასუხს არ აგებს მათზე
