https://sputnik-georgia.com/20260913/gepatittan-brzola-saqartvelom-angarishi-moamzada-300571425.html
ბრძოლა ჰეპატიტთან: საქართველო მიღწეული პროგრესის საერთაშორისო აღიარებისთვის ემზადება
ბრძოლა ჰეპატიტთან: საქართველო მიღწეული პროგრესის საერთაშორისო აღიარებისთვის ემზადება
Sputnik საქართველო
განაცხადი ორივე მიმართულებით მომზადებულია ვალიდაციის ოქროს, უმაღლესი დონის მისაღებად. ქვეყნის საბოლოო მიზანი კი 2030 წლისთვის ჰეპატიტის ელიმინაციაა, რაც... 13.09.2026-ს, Sputnik საქართველო
2026-09-13T15:00+0400
2026-09-13T15:00+0400
2026-09-13T15:00+0400
საქართველო
დევნილთა, შრომის, ჯანმრთელობისა და სოციალური დაცვის სამინისტრო
ჯანდაცვა საქართველოში
საზოგადოება
ჯანმო
ახალი ამბები
https://cdnn1.img.sputnik-georgia.com/img/07e5/0b/0d/262037748_0:0:3241:1824_1920x0_80_0_0_801864c4b2be04d2b73196d2bc452d8b.jpg
თბილისი, 13 სექტემბერი — Sputnik. B და C ჰეპატიტების ელიმინაციის მიმართულებით საქართველოს მიერ მიღწეული შედეგები საერთაშორისო შეფასებისთვის მზად არის, იუწყება საქართველოს ჯანდაცვის სამინისტრო. საქართველო ერთადერთი ქვეყანაა, სადაც C ჰეპატიტის მკურნალობა უახლესი თაობის მედიკამენტებით სრულიად უფასოა. სახელმწიფო პროგრამა 2015 წელს ამოქმედდა. ამ პროგრამით მკურნალობა 99%-ით ეფექტური იყო. B ჰეპატიტის მართვის სახელმწიფო პროგრამა კი 2024 წელს დაიწყო - პაციენტებს უფასოდ შეუძლიათ სკრინინგისა და საჭირო კვლევების ჩატარება და აუცილებლობის შემთხვევაში მედიკამენტების უფასოდ მიღებაც. უახლოეს დღეებში საქართველო ჯანმრთელობის მსოფლიო ორგანიზაციას ჰეპატიტების ელიმინაციის ვალიდაციის ეროვნულ ანგარიშს წარუდგენს, რომელიც ქვეყანაში ამ მიმართულებით მიღწეულ პროგრესს ასახავს. ვირუსული ჰეპატიტების ელიმინაციის ვალიდაციის ეროვნული საბჭოს წევრებმა ჯანმო-ში წარსადგენი ეროვნული ვალიდაციის ანგარიშის დასრულებული პროექტი ჯანდაცვის მინისტრ მიხეილ სარჯველაძის ხელმძღვანელობით გამართული საბჭოს მეორე სხდომაზე განიხილეს - საბჭოს წევრებმა ერთხმად მიიღეს ვალიდაციის განაცხადის პროექტის წარმოდგენილი ვერსია.უწყების ცნობით, განაცხადი ორივე მიმართულებით მომზადებულია ვალიდაციის ოქროს, უმაღლესი დონის მისაღებად. ქვეყნის საბოლოო მიზანი კი 2030 წლისთვის ჰეპატიტის ელიმინაციაა, რაც ჯანმრთელობის მსოფლიო ორგანიზაციის გლობალური სტრატეგიით განსაზღვრულ ვადებს შეესაბამება. როგორც მინისტრმა სარჯველაძემ სხდომაზე აღინიშნა, ვირუსული ჰეპატიტების ელიმინაციის მიმართულებით საქართველოს მიერ განხორციელებული ღონისძიებები ქვეყნის საზოგადოებრივი ჯანმრთელობის ერთ-ერთ მნიშვნელოვან წარმატებას წარმოადგენს, რამაც საქართველო საერთაშორისო ლიდერებს შორის დააყენა.ჰეპატიტების ელიმინაციის ვალიდაციის ეროვნული საბჭო საქართველოს ჯანდაცვის მინისტრის ბრძანებით შეიქმნა. საბჭო აერთიანებს სამინისტროს, დაავადებათა კონტროლისა და საზოგადოებრივი ჯანმრთელობის ეროვნული ცენტრის, მთავრობის, პარლამენტის, ჯანმრთელობის ეროვნული სააგენტოს, სამედიცინო სფეროს, აკადემიური წრეების, საერთაშორისო და პარტნიორი ორგანიზაციების, ასევე სამოქალაქო საზოგადოების წარმომადგენლებს.ბრძოლა ჰეპატიტთან ბოლო მონაცემებით, ქრონიკული C ჰეპატიტის მქონე პაციენტების 88,5% დიაგნოსტირებულია, ხოლო დიაგნოსტირებული პაციენტების 87,1%-ს დაწყებული აქვს მკურნალობა, რაც ჯანმრთელობის მსოფლიო ორგანიზაციის მიერ განსაზღვრულ სამიზნე მაჩვენებლებს აღემატება. ამასთან, C ჰეპატიტის განკურნების მაჩვენებელი 99%-ს აღწევს. B ჰეპატიტის მიმართულებით კი საქართველომ ჯანმოს რეგიონული მიზნები უკვე შეასრულა – ბავშვებში დაავადების გავრცელება 0,03%-ს შეადგენს, ახალშობილთა დაბადებისას ვაქცინაციის მოცვამ 95,5%-ს, ხოლო სამდოზიანი ვაქცინაციის მოცვამ - 90,5%-ს მიაღწია.C ჰეპატიტის მაღალი რისკის ჯგუფში შედიან ინექციური ნარკოტიკების მომხმარებლები, ისინი, ვინც ხშირად იტარებენ სისხლის გადასხმას ან სხვა სამედიცინო პროცედურებს და მათ, ვისაც აქვს ხშირი და დაუცველი სქესობრივი კავშირი. ქრონიკული C ჰეპატიტი მთელ მსოფლიოში დაახლოებით 58 მილიონ ადამიანს აწუხებს, ყოველწლიურად დაახლოებით 1,5 მილიონი ახალი ინფექცია ხდება. ჯანდაცვის მსოფლიო ორგანიზაციის (WHO) მონაცემებით, 3,2 მილიონი ბავშვი და მოზარდი დაავადებულია ქრონიკული C ჰეპატიტით. ჯანმო ითხოვს ვირუსული ჰეპატიტის ტესტირებისა და მკურნალობის გაზრდას და აფრთხილებს, რომ თუ ამჟამინდელი ტენდენციები შენარჩუნდება, 2040 წლისთვის ამ დაავადებამ შეიძლება გამოიწვიოს უფრო მეტი სიკვდილი, ვიდრე მალარია, ტუბერკულოზი და აივ ერთად.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, დევნილთა, შრომის, ჯანმრთელობისა და სოციალური დაცვის სამინისტრო , ჯანდაცვა საქართველოში, საზოგადოება, ჯანმო , ახალი ამბები
საქართველო, დევნილთა, შრომის, ჯანმრთელობისა და სოციალური დაცვის სამინისტრო , ჯანდაცვა საქართველოში, საზოგადოება, ჯანმო , ახალი ამბები
ბრძოლა ჰეპატიტთან: საქართველო მიღწეული პროგრესის საერთაშორისო აღიარებისთვის ემზადება
განაცხადი ორივე მიმართულებით მომზადებულია ვალიდაციის ოქროს, უმაღლესი დონის მისაღებად. ქვეყნის საბოლოო მიზანი კი 2030 წლისთვის ჰეპატიტის ელიმინაციაა, რაც ჯანმრთელობის მსოფლიო ორგანიზაციის გლობალური სტრატეგიით განსაზღვრულ ვადებს შეესაბამება.
თბილისი, 13 სექტემბერი — Sputnik. B და C ჰეპატიტების ელიმინაციის მიმართულებით საქართველოს მიერ მიღწეული შედეგები საერთაშორისო შეფასებისთვის მზად არის, იუწყება საქართველოს ჯანდაცვის სამინისტრო.
საქართველო ერთადერთი ქვეყანაა, სადაც C ჰეპატიტის მკურნალობა უახლესი თაობის მედიკამენტებით სრულიად უფასოა. სახელმწიფო პროგრამა 2015 წელს ამოქმედდა. ამ პროგრამით მკურნალობა 99%-ით ეფექტური იყო. B ჰეპატიტის მართვის სახელმწიფო პროგრამა კი 2024 წელს დაიწყო - პაციენტებს უფასოდ შეუძლიათ სკრინინგისა და საჭირო კვლევების ჩატარება და აუცილებლობის შემთხვევაში მედიკამენტების უფასოდ მიღებაც.
უახლოეს დღეებში საქართველო ჯანმრთელობის მსოფლიო ორგანიზაციას ჰეპატიტების ელიმინაციის ვალიდაციის ეროვნულ ანგარიშს წარუდგენს, რომელიც ქვეყანაში ამ მიმართულებით მიღწეულ პროგრესს ასახავს.
ვირუსული ჰეპატიტების ელიმინაციის ვალიდაციის ეროვნული საბჭოს წევრებმა ჯანმო-ში წარსადგენი ეროვნული ვალიდაციის ანგარიშის დასრულებული პროექტი ჯანდაცვის მინისტრ მიხეილ სარჯველაძის ხელმძღვანელობით გამართული საბჭოს მეორე სხდომაზე განიხილეს - საბჭოს წევრებმა ერთხმად მიიღეს ვალიდაციის განაცხადის პროექტის წარმოდგენილი ვერსია.
„მომზადებული ანგარიში ორ ძირითად მიმართულებას მოიცავს. ესენია: C ჰეპატიტის ელიმინაციის გზაზე მიღწეული პროგრესის და B ჰეპატიტის დედიდან შვილზე გადაცემის ელიმინაციის ვალიდაცია. საქართველო ემზადება ორივე მიმართულებით ვალიდაციის უმაღლესი - ოქროს დონის საერთაშორისო აღიარების მისაღებად“, -აღნიშნულია ინფორმაციაში.
უწყების ცნობით, განაცხადი ორივე მიმართულებით მომზადებულია ვალიდაციის ოქროს, უმაღლესი დონის მისაღებად. ქვეყნის საბოლოო მიზანი კი 2030 წლისთვის ჰეპატიტის ელიმინაციაა, რაც ჯანმრთელობის მსოფლიო ორგანიზაციის გლობალური სტრატეგიით განსაზღვრულ ვადებს შეესაბამება.
როგორც მინისტრმა სარჯველაძემ სხდომაზე აღინიშნა, ვირუსული ჰეპატიტების ელიმინაციის მიმართულებით საქართველოს მიერ განხორციელებული ღონისძიებები ქვეყნის საზოგადოებრივი ჯანმრთელობის ერთ-ერთ მნიშვნელოვან წარმატებას წარმოადგენს, რამაც საქართველო საერთაშორისო ლიდერებს შორის დააყენა.
„საქართველოს გააჩნია ყველა ძირითადი წინაპირობა, რომ გახდეს ერთ-ერთი პირველი ქვეყანა მსოფლიოში, რომელიც ჯანმრთელობის მსოფლიო ორგანიზაციის მიერ მიიღებს ვირუსული ჰეპატიტების ელიმინაციის მაღალი - ოქროს დონის (Gold Tier) საერთაშორისო აღიარებას:, -აღნიშულია ინფორმაციაში.
ჰეპატიტების ელიმინაციის ვალიდაციის ეროვნული საბჭო საქართველოს ჯანდაცვის მინისტრის ბრძანებით შეიქმნა. საბჭო აერთიანებს სამინისტროს, დაავადებათა კონტროლისა და საზოგადოებრივი ჯანმრთელობის ეროვნული ცენტრის, მთავრობის, პარლამენტის, ჯანმრთელობის ეროვნული სააგენტოს, სამედიცინო სფეროს, აკადემიური წრეების, საერთაშორისო და პარტნიორი ორგანიზაციების, ასევე სამოქალაქო საზოგადოების წარმომადგენლებს.
ბოლო მონაცემებით, ქრონიკული C ჰეპატიტის მქონე პაციენტების 88,5% დიაგნოსტირებულია, ხოლო დიაგნოსტირებული პაციენტების 87,1%-ს დაწყებული აქვს მკურნალობა, რაც ჯანმრთელობის მსოფლიო ორგანიზაციის მიერ განსაზღვრულ სამიზნე მაჩვენებლებს აღემატება.
ამასთან, C ჰეპატიტის განკურნების მაჩვენებელი 99%-ს აღწევს. B ჰეპატიტის მიმართულებით კი საქართველომ ჯანმოს რეგიონული მიზნები უკვე შეასრულა – ბავშვებში დაავადების გავრცელება 0,03%-ს შეადგენს, ახალშობილთა დაბადებისას ვაქცინაციის მოცვამ 95,5%-ს, ხოლო სამდოზიანი ვაქცინაციის მოცვამ - 90,5%-ს მიაღწია.
C ჰეპატიტის მაღალი რისკის ჯგუფში შედიან ინექციური ნარკოტიკების მომხმარებლები, ისინი, ვინც ხშირად იტარებენ სისხლის გადასხმას ან სხვა სამედიცინო პროცედურებს და მათ, ვისაც აქვს ხშირი და დაუცველი სქესობრივი კავშირი.
ქრონიკული C ჰეპატიტი მთელ მსოფლიოში დაახლოებით 58 მილიონ ადამიანს აწუხებს, ყოველწლიურად დაახლოებით 1,5 მილიონი ახალი ინფექცია ხდება. ჯანდაცვის მსოფლიო ორგანიზაციის (WHO) მონაცემებით, 3,2 მილიონი ბავშვი და მოზარდი დაავადებულია ქრონიკული C ჰეპატიტით.
ჯანმო ითხოვს ვირუსული ჰეპატიტის ტესტირებისა და მკურნალობის გაზრდას და აფრთხილებს, რომ თუ ამჟამინდელი ტენდენციები შენარჩუნდება, 2040 წლისთვის ამ დაავადებამ შეიძლება გამოიწვიოს უფრო მეტი სიკვდილი, ვიდრე მალარია, ტუბერკულოზი და აივ ერთად.
