https://sputnik-georgia.com/20260911/rusetsi-germaniis-saelcostan-saprotesto-aqcia-gaimarta-300556994.html
რუსეთში გერმანიის საელჩოსთან საპროტესტო აქცია გაიმართა
რუსეთში გერმანიის საელჩოსთან საპროტესტო აქცია გაიმართა
Sputnik საქართველო
პროტესტის მონაწილეებმა რუსული კულტურის ცენტრის მიმართ ოფიციალური ბერლინის პოლიტიკა გააპროტესტეს. 11.09.2026-ს, Sputnik საქართველო
2026-09-11T23:33+0400
2026-09-11T23:33+0400
2026-09-12T04:43+0400
მსოფლიო დღეს
რუსეთ-უკრაინის კონფლიქტი
რუსეთი
გერმანია
მსოფლიოს ახალი ამბები
https://cdnn1.img.sputnik-georgia.com/img/07e6/03/1e/265617242_0:1612:2048:2764_1920x0_80_0_0_91ab8dc19ae3967e699becd45ba1b4a6.jpg
თბილისი, 11 სექტემბერი - Sputnik. მოსკოვში გერმანიის საელჩოსთან საპროტესტო აქცია გაიმართა გერმანიის ხელისუფლების მიერ ბერლინში „რუსსკი დომის“ დახურვის გადაწყვეტილების წინააღმდეგ, იუწყება „რია ნოვოსტი“.აქციის მონაწილეებმა რუსული კულტურის ცენტრის მიმართ ოფიციალური ბერლინის პოლიტიკა გააპროტესტეს. მონაწილეები გერმანიის დიპლომატიურ მისიასთან ორ ქვეყანას შორის კულტურული კავშირების შენარჩუნების მხარდამჭერი პლაკატებით მივიდნენ.ზოგიერთ პლაკატზე იყო წარწერები „კი კულტურას! არა აკრძალვებს!“ და „დემოკრატია მთავრდება იქ, სადაც კულტურისთვის კარები იკეტება“.აქციის დროს შეკრებილები სკანდირებდნენ: „გოეთე მოსკოვში, პუშკინი ბერლინში“. მომიტინგეებმა მოუწოდეს, გაიმიჯნოს კულტურა და პოლიტიკური განსხვავებები ქვეყნებს შორის.მათი თქმით, რუსული კულტურა არ უნდა გახდეს პოლიტიკური დაპირისპირების ობიექტი, ხოლო რუსული ენა, ლიტერატურა და წიგნები გერმანიისთვის საფრთხეს არ წარმოადგენენ. მათ ასევე ხაზი გაუსვეს კულტურული თანამშრომლობის მიმდინარე პოლიტიკური კონიუნქტურისგან დაცვის აუცილებლობას.ერთ-ერთმა მომიტინგემ განმარტა, რომ საელჩოსთან იმიტომ მივიდა, რომ მისთვის მნიშვნელოვანია საზღვარგარეთ რუსული კულტურისადმი ინტერესის შენარჩუნება და ასევე ის მხარს უჭერს რუსეთში სხვა ქვეყნების კულტურების შესწავლის შესაძლებლობას.„ჩვენ აქ შევიკრიბეთ, რათა ვაჩვენოთ, რომ ჩვენთვის მნიშვნელოვანია სხვა ქვეყნებში რუსული კულტურა, რადგან გვინდა, რომ სხვა ქვეყნებმა ისწავლონ ჩვენი კულტურა, რათა ჩვენც შევძლოთ სხვა ქვეყნების კულტურის ჩვენს ქვეყანაში გაცნობა“, - თქვა მომიტინგემ.ბერლინში „რუსსკი დომის“ დახურვის გადაწყვეტილება გერმანიის საგარეო საქმეთა მინისტრმა იოჰან ვადეფულმა დაანონსა. 1 სექტემბერს მან განაცხადა, რომ გერმანია 18 სექტემბერს ასევე დახურავს რუსეთის გენერალურ საკონსულოს ბონში და გაწყვეტს შეთანხმებას, რომელიც გერმანიის დედაქალაქში რუსული კულტურული ცენტრის საქმიანობას არეგულირებდა.
გერმანია
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
რუსეთ-უკრაინის კონფლიქტი, რუსეთი, გერმანია , მსოფლიოს ახალი ამბები
რუსეთ-უკრაინის კონფლიქტი, რუსეთი, გერმანია , მსოფლიოს ახალი ამბები
რუსეთში გერმანიის საელჩოსთან საპროტესტო აქცია გაიმართა
23:33 11.09.2026 (განახლებულია: 04:43 12.09.2026) პროტესტის მონაწილეებმა რუსული კულტურის ცენტრის მიმართ ოფიციალური ბერლინის პოლიტიკა გააპროტესტეს.
თბილისი, 11 სექტემბერი - Sputnik. მოსკოვში გერმანიის საელჩოსთან საპროტესტო აქცია გაიმართა გერმანიის ხელისუფლების მიერ ბერლინში „რუსსკი დომის“ დახურვის გადაწყვეტილების წინააღმდეგ, იუწყება „რია ნოვოსტი“.
აქციის მონაწილეებმა რუსული კულტურის ცენტრის მიმართ ოფიციალური ბერლინის პოლიტიკა გააპროტესტეს. მონაწილეები გერმანიის დიპლომატიურ მისიასთან ორ ქვეყანას შორის კულტურული კავშირების შენარჩუნების მხარდამჭერი პლაკატებით მივიდნენ.
ზოგიერთ პლაკატზე იყო წარწერები „კი კულტურას! არა აკრძალვებს!“ და „დემოკრატია მთავრდება იქ, სადაც კულტურისთვის კარები იკეტება“.
აქციის დროს შეკრებილები სკანდირებდნენ: „გოეთე მოსკოვში, პუშკინი ბერლინში“. მომიტინგეებმა მოუწოდეს, გაიმიჯნოს კულტურა და პოლიტიკური განსხვავებები ქვეყნებს შორის.
მათი თქმით, რუსული კულტურა არ უნდა გახდეს პოლიტიკური დაპირისპირების ობიექტი, ხოლო რუსული ენა, ლიტერატურა და წიგნები გერმანიისთვის საფრთხეს არ წარმოადგენენ. მათ ასევე ხაზი გაუსვეს კულტურული თანამშრომლობის მიმდინარე პოლიტიკური კონიუნქტურისგან დაცვის აუცილებლობას.
ერთ-ერთმა მომიტინგემ განმარტა, რომ საელჩოსთან იმიტომ მივიდა, რომ მისთვის მნიშვნელოვანია საზღვარგარეთ რუსული კულტურისადმი ინტერესის შენარჩუნება და ასევე ის მხარს უჭერს რუსეთში სხვა ქვეყნების კულტურების შესწავლის შესაძლებლობას.
„ჩვენ აქ შევიკრიბეთ, რათა ვაჩვენოთ, რომ ჩვენთვის მნიშვნელოვანია სხვა ქვეყნებში რუსული კულტურა, რადგან გვინდა, რომ სხვა ქვეყნებმა ისწავლონ ჩვენი კულტურა, რათა ჩვენც შევძლოთ სხვა ქვეყნების კულტურის ჩვენს ქვეყანაში გაცნობა“, - თქვა მომიტინგემ.
ბერლინში „რუსსკი დომის“ დახურვის გადაწყვეტილება გერმანიის საგარეო საქმეთა მინისტრმა იოჰან ვადეფულმა დაანონსა. 1 სექტემბერს მან განაცხადა, რომ გერმანია 18 სექტემბერს ასევე დახურავს რუსეთის გენერალურ საკონსულოს ბონში და გაწყვეტს შეთანხმებას, რომელიც გერმანიის დედაქალაქში რუსული კულტურული ცენტრის საქმიანობას არეგულირებდა.
