https://sputnik-georgia.com/20260904/tbilisis-semovliti-gzis-ert-ert-monakvets-cinuri-kompania-aasenebs-300432149.html
თბილისის შემოვლითი გზის ერთ-ერთ მონაკვეთს ჩინური კომპანია ააშენებს
თბილისის შემოვლითი გზის ერთ-ერთ მონაკვეთს ჩინური კომპანია ააშენებს
Sputnik საქართველო
პროექტის ფარგლებში მოეწყობა 7,3 კილომეტრიანი, ოთხზოლიანი გზა, რომელიც მოიცავს 3,4 კმ სიგრძის ორ პარალელურ გვირაბს, ასევე ხიდებს, საგზაო კვანძებსა და სხვა... 04.09.2026-ს, Sputnik საქართველო
2026-09-04T11:20+0400
2026-09-04T11:20+0400
2026-09-04T11:20+0400
ახალი ამბები
საქართველო
ჩინეთი
საქართველოს ეკონომიკა
ეკონომიკა
საავტომობილო გზების დეპარტამენტი
ვითარება გზებზე
https://cdnn1.img.sputnik-georgia.com/img/07e7/0c/08/284805811_0:208:2000:1333_1920x0_80_0_0_99608db8b02a8a9baf9352d6ee385a54.jpg
თბილისი, 4 სექტემბერი – Sputnik. თბილისის შემოვლითი გზის წიწამური-ავჭალის მონაკვეთის მშენებლობაზე ტენდერი მოიგო ჩინურმა კომპანიამ China Railway Tunnel Group Co., Ltd., იუწყება მედიაპლატფორმა BPN.როგორც ხელისუფლებამ ადრე განაცხადა, თბილისის შემოვლითი გზის მშენებლობა, რომელიც აღმოსავლეთ-დასავლეთის საერთაშორისო ავტომაგისტრალის ნაწილი იქნება, 2030 წელს დასრულდება.პროექტის თანახმად, 50 კილომეტრიანი შემოვლითი გზა დაიწყება მცხეთაში, გვირაბებით დაუკავშირდება თბილისის ზღვის უბანს, ავჭალას, გლდანს და შემდეგ ლილოს გავლით გაგრძელდება ქალაქ რუსთავის მიმართულებით. მშენებლობა ხუთ ლოტად დაიყოფა.საქართველოს საავტომობილო გზების დეპარტამენტის მიერ გამოცხადებულ საერთაშორისო ტენდერში (თბილისის შემოვლითი გზის მე-2 ლოტის - წიწამური-ავჭალის 7,3-კილომეტრიანი მონაკვეთის მშენებლობა) გამარჯვება ჩინურმა კომპანიამ, China Railway Tunnel Group Co., Ltd.-მა მოიპოვა.სატენდერო დოკუმენტაციის თანახმად, ტენდერის თავდაპირველი სავარაუდო ღირებულება 490.017.333 ლარს შეადგენდა. აღსანიშნავია, რომ შესყიდვაში მონაწილე ათივე პრეტენდენტმა სავარაუდო ღირებულებაზე მაღალი ფასი დააფიქსირა. China Railway Tunnel Group-მა გზების დეპარტამენტს სამუშაოების შესრულება ყველაზე დაბალ ფასად - 519.690.240 ლარად შესთავაზა. თუმცა შემდგომში საბოლოო განაცხადის შეტანის შემდეგ სახელშეკრულებო თანხა დაკორექტირდა და საბოლოოდ 499.147.373 ლარით განისაზღვრა, რაც თავდაპირველ სატენდერო განაცხადთან შედარებით დაახლოებით 20,5 მილიონი ლარით ნაკლებია.საერთაშორისო ტენდერი 2025 წლის 30 დეკემბერს გამოცხადდა, ხოლო წინადადებების მიღება 2026 წლის 25 მარტს დასრულდა. პროექტის განხორციელების ვადა 36 თვეს შეადგენს.პროექტის ფარგლებში მოეწყობა 7,3 კილომეტრიანი, ოთხზოლიანი გზა, რომელიც მოიცავს 3,4 კმ სიგრძის ორ პარალელურ გვირაბს, ასევე ხიდებს, საგზაო კვანძებსა და სხვა ხელოვნურ ნაგებობებს.როგორც შესყიდვის დოკუმენტაციიდან ირკვევა, წიწამური-ავჭალის მონაკვეთი (ლოტი 2) იწყება არსებულ E60-ზე (აღმოსავლეთ-დასავლეთის საერთაშორისო ჩქაროსნული მაგისტრალი), პატარა მდინარის არაგვის ერთ-ერთი სეზონური შენაკადის ხიდთან.შესყიდვის თანახმად, წიწამური–ავჭალის მონაკვეთი ფაქტობრივად იყოფა სამ ნაწილად:თბილისის შემოვლითი გზაროგორც ადრე პრემიერ-მინისტრმა ირაკლი კობახიძემ განაცხადა, თბილისის შემოვლითი გზის მშენებლობა, რომელიც აღმოსავლეთ-დასავლეთის საერთაშორისო ავტომაგისტრალის ნაწილი იქნება, ხუთ ლოტად დაიყოფა, აქედან სამის მშენებლობა 2026 წელს დაიწყება და დასრულდება 2030 წელს. მეოთხე და მეხუთე მონაკვეთების მშენებლობა დაიწყება 2027 წლის დასაწყისში და დასრულდება 2029 წლის ბოლოს.საქართველოს დედაქალაქში შემოვლითი გზის მშენებლობა აუცილებელი გახდა ქალაქში სატვირთო მანქანების მოძრაობის განტვირთვისა და მზარდი ტრაფიკის ფონზე საცობების შემცირების მიზნით.აღმოსავლეთ-დასავლეთის ავტომაგისტრალი, ანუ ევროპის სატრანზიტო გზა E-60, სიდიდით მეორე ევროპული სატრანზიტო დერეფანია, რომელიც იწყება ბრესტში (საფრანგეთი) და მთავრდება ირკეშტამში (ყირგიზეთი).საქართველოში Е-60 ფოთთან ახლოს იწყება და აზერბაიჯანთან საზღვარზე მთავრდება. საქართველოში დერეფნის სიგრძე 392 კილომეტრს შეადგენს.
საქართველო
ჩინეთი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, ჩინეთი, საქართველოს ეკონომიკა, ეკონომიკა, საავტომობილო გზების დეპარტამენტი, ვითარება გზებზე
ახალი ამბები, საქართველო, ჩინეთი, საქართველოს ეკონომიკა, ეკონომიკა, საავტომობილო გზების დეპარტამენტი, ვითარება გზებზე
თბილისის შემოვლითი გზის ერთ-ერთ მონაკვეთს ჩინური კომპანია ააშენებს
პროექტის ფარგლებში მოეწყობა 7,3 კილომეტრიანი, ოთხზოლიანი გზა, რომელიც მოიცავს 3,4 კმ სიგრძის ორ პარალელურ გვირაბს, ასევე ხიდებს, საგზაო კვანძებსა და სხვა ხელოვნურ ნაგებობებს.
თბილისი, 4 სექტემბერი – Sputnik. თბილისის შემოვლითი გზის წიწამური-ავჭალის მონაკვეთის მშენებლობაზე ტენდერი მოიგო ჩინურმა კომპანიამ China Railway Tunnel Group Co., Ltd., იუწყება მედიაპლატფორმა BPN.
როგორც ხელისუფლებამ ადრე განაცხადა, თბილისის შემოვლითი გზის მშენებლობა, რომელიც აღმოსავლეთ-დასავლეთის საერთაშორისო ავტომაგისტრალის ნაწილი იქნება, 2030 წელს დასრულდება.
პროექტის თანახმად, 50 კილომეტრიანი შემოვლითი გზა დაიწყება მცხეთაში, გვირაბებით დაუკავშირდება თბილისის ზღვის უბანს, ავჭალას, გლდანს და შემდეგ ლილოს გავლით გაგრძელდება ქალაქ რუსთავის მიმართულებით. მშენებლობა ხუთ ლოტად დაიყოფა.
საქართველოს საავტომობილო გზების დეპარტამენტის მიერ გამოცხადებულ საერთაშორისო ტენდერში (თბილისის შემოვლითი გზის მე-2 ლოტის - წიწამური-ავჭალის 7,3-კილომეტრიანი მონაკვეთის მშენებლობა) გამარჯვება ჩინურმა კომპანიამ, China Railway Tunnel Group Co., Ltd.-მა მოიპოვა.
სატენდერო დოკუმენტაციის თანახმად, ტენდერის თავდაპირველი სავარაუდო ღირებულება 490.017.333 ლარს შეადგენდა. აღსანიშნავია, რომ შესყიდვაში მონაწილე ათივე პრეტენდენტმა სავარაუდო ღირებულებაზე მაღალი ფასი დააფიქსირა. China Railway Tunnel Group-მა გზების დეპარტამენტს სამუშაოების შესრულება ყველაზე დაბალ ფასად - 519.690.240 ლარად შესთავაზა. თუმცა შემდგომში საბოლოო განაცხადის შეტანის შემდეგ სახელშეკრულებო თანხა დაკორექტირდა და საბოლოოდ 499.147.373 ლარით განისაზღვრა, რაც თავდაპირველ სატენდერო განაცხადთან შედარებით დაახლოებით 20,5 მილიონი ლარით ნაკლებია.
საერთაშორისო ტენდერი 2025 წლის 30 დეკემბერს გამოცხადდა, ხოლო წინადადებების მიღება 2026 წლის 25 მარტს დასრულდა. პროექტის განხორციელების ვადა 36 თვეს შეადგენს.
პროექტის ფარგლებში მოეწყობა 7,3 კილომეტრიანი, ოთხზოლიანი გზა, რომელიც მოიცავს 3,4 კმ სიგრძის ორ პარალელურ გვირაბს, ასევე ხიდებს, საგზაო კვანძებსა და სხვა ხელოვნურ ნაგებობებს.
როგორც შესყიდვის დოკუმენტაციიდან ირკვევა, წიწამური-ავჭალის მონაკვეთი (ლოტი 2) იწყება არსებულ E60-ზე (აღმოსავლეთ-დასავლეთის საერთაშორისო ჩქაროსნული მაგისტრალი), პატარა მდინარის არაგვის ერთ-ერთი სეზონური შენაკადის ხიდთან.
შესყიდვის თანახმად, წიწამური–ავჭალის მონაკვეთი ფაქტობრივად იყოფა სამ ნაწილად:
არსებული E60-ის განახლება და წიწამურის ახალი სატრანსპორტო კვანძი, რომელიც უზრუნველყოფს წვდომას პატარა სოფელთან და ადგილობრივ მოძრაობასთან, უნდა განახლდეს, რათა მოემსახუროს სხვა მიმართულებებს, რომლებიც თბილისის შემოვლით გზას უკავშირდება.
მეორე მონაკვეთი მოიცავს დაახლოებით 3.3 კმ-იან ორმაგ გვირაბს, რომელიც აკავშირებს წიწამურსა და ავჭალის დასახლებებს.
მესამე მონაკვეთი მოიცავს მიერთებას მიტოვებულ რკინიგზის კორიდორთან. ტრასა უერთდება მიტოვებულ რკინიგზას ავჭალის ტერიტორიაზე, რომელიც თბილისის ჩრდილოეთ გარეუბანში მდებარე დასახლებული რაიონია. მიტოვებული რკინიგზის გზა არჩეულია, როგორც საუკეთესო ალტერნატივა აღმოსავლეთ თბილისის შემოვლითი გზისთვის.
როგორც ადრე პრემიერ-მინისტრმა ირაკლი კობახიძემ განაცხადა, თბილისის შემოვლითი გზის მშენებლობა, რომელიც აღმოსავლეთ-დასავლეთის საერთაშორისო ავტომაგისტრალის ნაწილი იქნება, ხუთ ლოტად დაიყოფა, აქედან სამის მშენებლობა 2026 წელს დაიწყება და დასრულდება 2030 წელს. მეოთხე და მეხუთე მონაკვეთების მშენებლობა დაიწყება 2027 წლის დასაწყისში და დასრულდება 2029 წლის ბოლოს.
საქართველოს დედაქალაქში შემოვლითი გზის მშენებლობა აუცილებელი გახდა ქალაქში სატვირთო მანქანების მოძრაობის განტვირთვისა და მზარდი ტრაფიკის ფონზე საცობების შემცირების მიზნით.
აღმოსავლეთ-დასავლეთის ავტომაგისტრალი, ანუ ევროპის სატრანზიტო გზა E-60, სიდიდით მეორე ევროპული სატრანზიტო დერეფანია, რომელიც იწყება ბრესტში (საფრანგეთი) და მთავრდება ირკეშტამში (ყირგიზეთი).
საქართველოში Е-60 ფოთთან ახლოს იწყება და აზერბაიჯანთან საზღვარზე მთავრდება. საქართველოში დერეფნის სიგრძე 392 კილომეტრს შეადგენს.
