https://sputnik-georgia.com/20260825/irakli-raribasvili-cixidan-xelisuflebas-emuqreba-300296343.html
ირაკლი ღარიბაშვილი ციხიდან ხელისუფლებას ემუქრება
ირაკლი ღარიბაშვილი ციხიდან ხელისუფლებას ემუქრება
Sputnik საქართველო
ირაკლი ღარიბაშვილს მიაჩნია, რომ ის პოლიტიკური პროცესის ფიგურანტია 25.08.2026-ს, Sputnik საქართველო
2026-08-25T20:41+0400
2026-08-25T20:41+0400
2026-08-25T20:41+0400
ახალი ამბები
საქართველო
ირაკლი ღარიბაშვილი
საქართველო კორუფციის წინააღმდეგ
https://cdnn1.img.sputnik-georgia.com/img/07e7/08/03/280882671_147:270:1562:1066_1920x0_80_0_0_2f2ded07dc15c2168afbd3becebb63ad.jpg
თბილისი, 25 აგვისტო - Sputnik. საქართველოს ყოფილი პრემიერ-მინისტრმა, მსჯავრდებულმა ირაკლი ღარიბაშვილმა, რომელსაც ახალი კორუფციული ბრალდებები აქვს წაყენებული, ხელისუფლებას დაიმუქრა, რომ სიმართლეს იტყვის.ირაკლი ღარიბაშვილს, რომელსაც 2026 წლის დასაწყისში ფულის გათეთრებისთვის ხუთი წლით თავისუფლების აღკვეთა მიესაჯა, ორშაბათს, 24 აგვისტოს, ახალი ბრალი წაუყენეს - ამჟამად ქრთამის აღება.„მოსახდენი უკვე მოხდა, ამიტომ, ჩემი ერთადერთი გზა და ბრძოლის იარაღი ჩემი სიმართლეა. ვაპირებ, საჯაროდ ვესაუბრო საზოგადოებას და ვუთხრა ჩემი სიმართლე. დაე, ხალხმა განსაჯოს!“ - წერს ღარიბაშვილი.მან ასევე განაცხადა, რომ აღარ დაესწრება ახალ ბრალდებასთან დაკავშირებულ სასამართლო სხდომებს, ერთ-ერთი მათგანი კი 19 ოქტომბერს ჩაინიშნა.„მე აღარ ვაპირებ ამ სამარცხვინო და ჩვენი ქვეყნისთვის შეურაცხმყოფელ პოლიტიკურ მასკარადში მონაწილეობას. შესაბამისად, არც სასამართლო პროცესში მივიღებ მონაწილეობას. ჩემს ინტერესებს მხოლოდ ჩემი ადვოკატები წარმოადგენენ და დაიცავენ“, - დაწერა ღარიბაშვილმა.ექს-პრემიერის თქმით, მას მიაჩნია, რომ ეს სასამართლო პოლიტიკური პროცესია.„აქვე ვაცხადებ, რომ ჩემი ამ გადაწყვეტილებით არავის შეურაცხყოფას არ ვაყენებ — არც პროკურორებს და არც მოსამართლეებს. უბრალოდ, მხოლოდ იმიტომ, რომ ეს არის პოლიტიკური პროცესი და ვიცი, რა და როგორ მართავს პოლიტიკურ პროცესს სისტემა“, - დაწერა მან.გასულ კვირაში საქართველოს ექს-პრემიერმა ირაკლი ღარიბაშვილმა რამდენიმე წერილი გამოაქვეყნა, მათ შორის ერთ-ერთი, რომელიც მას 2026 წლის ივლისში გაეგზავნა, სავარაუდოდ, რეგიონების მინისტრის, მამუკა მდინარაძისგან იყო. წერილში იყო ნათქვამი, რომ მის წინააღმდეგ ახალი სისხლის სამართლის საქმე მზადდება, რათა თავიდან იქნას აცილებული მისი პოლიტიკაში დაბრუნება. მდინარაძემ ღარიბაშვილის ბრალდებებს აბსურდი უწოდა.მმართველი პარტიის წარმომადგენლები დარწმუნებულები არიან, რომ ღარიბაშვილი ციხიდან გამოგზავნილი წერილებით საზოგადოებრივი აზრის თავის მხარეს გადაბირებას ცდილობს.საქართველოს პროკურატურამ ღარიბაშვილის წინააღმდეგ ახალი სისხლის სამართლის საქმის გამოძიება 12 აგვისტოს, პირველი წერილის გამოქვეყნებამდე დაიწყო.პროკურატურის ცნობით, პრემიერ-მინისტრობის დროს ღარიბაშვილმა 750.000 ლარის ოდენობის ქრთამი აიღო თავდაცვის სამინისტროს მიერ სამედიცინო აღჭურვილობის შესაძენად კორუფციული სქემისა და თაღლითური ტენდერების ხელშეწყობისთვის.ღარიბაშვილის წინააღმდეგ ჩვენება მისცეს ამ საქმეში დამნაშავედ ცნობილმა თავდაცვის ყოფილმა მინისტრმა ჯუანშერ ბურჭულაძემ და მისმა ნათესავმა, ალექსანდრე მხეიძემ.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, ირაკლი ღარიბაშვილი , საქართველო კორუფციის წინააღმდეგ
ახალი ამბები, საქართველო, ირაკლი ღარიბაშვილი , საქართველო კორუფციის წინააღმდეგ
ირაკლი ღარიბაშვილი ციხიდან ხელისუფლებას ემუქრება
ირაკლი ღარიბაშვილს მიაჩნია, რომ ის პოლიტიკური პროცესის ფიგურანტია
თბილისი, 25 აგვისტო - Sputnik. საქართველოს ყოფილი პრემიერ-მინისტრმა, მსჯავრდებულმა ირაკლი ღარიბაშვილმა, რომელსაც ახალი კორუფციული ბრალდებები აქვს წაყენებული, ხელისუფლებას დაიმუქრა, რომ სიმართლეს იტყვის.
ირაკლი ღარიბაშვილს, რომელსაც 2026 წლის დასაწყისში ფულის გათეთრებისთვის ხუთი წლით თავისუფლების აღკვეთა მიესაჯა, ორშაბათს, 24 აგვისტოს, ახალი ბრალი წაუყენეს - ამჟამად ქრთამის აღება.
„მოსახდენი უკვე მოხდა, ამიტომ, ჩემი ერთადერთი გზა და ბრძოლის იარაღი ჩემი სიმართლეა. ვაპირებ, საჯაროდ ვესაუბრო საზოგადოებას და ვუთხრა ჩემი სიმართლე. დაე, ხალხმა განსაჯოს!“ - წერს ღარიბაშვილი.
მან ასევე განაცხადა, რომ აღარ დაესწრება ახალ ბრალდებასთან დაკავშირებულ სასამართლო სხდომებს, ერთ-ერთი მათგანი კი 19 ოქტომბერს ჩაინიშნა.
„მე აღარ ვაპირებ ამ სამარცხვინო და ჩვენი ქვეყნისთვის შეურაცხმყოფელ პოლიტიკურ მასკარადში მონაწილეობას. შესაბამისად, არც სასამართლო პროცესში მივიღებ მონაწილეობას. ჩემს ინტერესებს მხოლოდ ჩემი ადვოკატები წარმოადგენენ და დაიცავენ“, - დაწერა ღარიბაშვილმა.
ექს-პრემიერის თქმით, მას მიაჩნია, რომ ეს სასამართლო პოლიტიკური პროცესია.
„აქვე ვაცხადებ, რომ ჩემი ამ გადაწყვეტილებით არავის შეურაცხყოფას არ ვაყენებ — არც პროკურორებს და არც მოსამართლეებს. უბრალოდ, მხოლოდ იმიტომ, რომ ეს არის პოლიტიკური პროცესი და ვიცი, რა და როგორ მართავს პოლიტიკურ პროცესს სისტემა“, - დაწერა მან.
გასულ კვირაში საქართველოს ექს-პრემიერმა ირაკლი ღარიბაშვილმა რამდენიმე წერილი გამოაქვეყნა, მათ შორის ერთ-ერთი, რომელიც მას 2026 წლის ივლისში გაეგზავნა, სავარაუდოდ, რეგიონების მინისტრის, მამუკა მდინარაძისგან იყო. წერილში იყო ნათქვამი, რომ მის წინააღმდეგ ახალი სისხლის სამართლის საქმე მზადდება, რათა თავიდან იქნას აცილებული მისი პოლიტიკაში დაბრუნება. მდინარაძემ ღარიბაშვილის ბრალდებებს აბსურდი უწოდა.
მმართველი პარტიის წარმომადგენლები დარწმუნებულები არიან, რომ ღარიბაშვილი ციხიდან გამოგზავნილი წერილებით საზოგადოებრივი აზრის თავის მხარეს გადაბირებას ცდილობს.
საქართველოს პროკურატურამ ღარიბაშვილის წინააღმდეგ ახალი სისხლის სამართლის საქმის გამოძიება 12 აგვისტოს, პირველი წერილის გამოქვეყნებამდე დაიწყო.
პროკურატურის ცნობით, პრემიერ-მინისტრობის დროს ღარიბაშვილმა 750.000 ლარის ოდენობის ქრთამი აიღო თავდაცვის სამინისტროს მიერ სამედიცინო აღჭურვილობის შესაძენად კორუფციული სქემისა და თაღლითური ტენდერების ხელშეწყობისთვის.
ღარიბაშვილის წინააღმდეგ ჩვენება მისცეს ამ საქმეში დამნაშავედ ცნობილმა თავდაცვის ყოფილმა მინისტრმა ჯუანშერ ბურჭულაძემ და მისმა ნათესავმა, ალექსანდრე მხეიძემ.
