ჰილარისა და ნორგეის მარშრუტით: გზა ევერესტისკენ ფოტოებში

თანამედროვე მარშრუტი ნეპალის დედაქალაქ კატმანდუდან იწყება.

ეს არის უნიკალური ატმოსფეროს მქონე ქალაქი, რომელმაც შეიძლება ქაოსის შთაბეჭდილება დატოვოს – ქუჩის დაუსრულებელი ხმაურისა და გზებზე ქაოსური მოძრაობის გამო...

...ასევე აღფრთოვანებაც [გამოიწვიოს] – თავისი განუმეორებელი არქიტექტურული ავთენტურობით: ბუდას სტუპებით, ტაძრებით, ვიწრო ქუჩებითა და მოვაჭრეების მრავალრიცხოვანი დუქნებით.

კატმანდუდან, მრავალდღიანი საფეხმავლო გადასვლის ნაცვლად (როგორც ეს 1950-იან წლებში იყო), ალპინისტები და თრექინგის მოყვარულები დაახლოებით ერთ საათში თვითმფრინავით ან ვერტმფრენით მიფრინავენ ლუკლაში – მსოფლიოს ერთ-ერთ ყველაზე სახიფათო აეროპორტში.

ლუკლას აეროპორტის ასაფრენი ბილიკის სიგრძე მხოლოდ 527 მეტრია.

ლუკლაში ეს ქუჩა ევერესტის საბაზო ბანაკისკენ მიმავალი ლაშქრობის დასაწყისს აღნიშნავს.

თავად მარშრუტმა შეიძლება ორ კვირამდე გასტანოს – კლასიკური გზიდან გადახვევის, გოკიოს ტბებისა და ჩო-ლას უღელტეხილის გადაკვეთის გათვალისწინებით.

თითოეული მათგანი თავისებურად უნიკალური და თვალწარმტაცია – გაზაფხულზე, მაგალითად, შეგიძლიათ აყვავებული როდოდენდრონებით [დეკებით] დატკბეთ…

...ლანდშაფტებით, რომლებიც ხანდახან რაღაცით იტალიურს მოგაგონებთ...

... მთის მდინარეები სადღაც შორს ქვემოთ...

...უჩვეულო ოპტიკური ფენომენის - ჰალოს სანახავად...

...გაოცდეთ ადგილობრივი მცხოვრებლების ყოფა-ცხოვრებით, რომლებიც მზის შუქზე წყლის გასათბობად აი, ასეთ მოწყობილობებს იყენებენ..

...და, ბუნებრივია, შთაგონებული იქნებით მთავარი რამით, რაც მთელი მსოფლიოდან ჩამოსულ მოგზაურებს აქ იზიდავს - მთებით.

აქ მათი უთვალავი რაოდენობაა.

მათ შორის, მაგალითად, ევერესტის მიმდებარე ტერიტორიაზე ერთ-ერთი ულამაზესი მწვერვალია - ამა დაბლამი (6,814 მეტრი).

და რვაათასიანი ნუპცე.

მარშრუტი აუცილებლად მიგიყვანთ ნამჩე ბაზარში, შერპების დედაქალაქში, რომელიც ზღვის დონიდან 3440 მეტრის სიმაღლეზე მდებარეობს.

რაც თავისებურად ლამაზია არა მხოლოდ დღისით, არამედ ღამითაც.

კლასიკური თრექინგ-მარშრუტიდან გადახვევას გოკიოს ტბებისკენ მივყავართ; სულ ექვსი ასეთი ტბაა და ისინი ზღვის დონიდან ოთხნახევარ ათას მეტრზე მეტ სიმაღლეზე მდებარეობს.

და ჩო-ლას უღელტეხილი, მისი სიმაღლე 5,420 მეტრია.

სიმაღლის მატებასთან ერთად, კლიმატიც იცვლება - თოვლი და ქარი თქვენი მთავარი თანამგზავრები ხდებიან.

მყინვარები ჩნდება...

...და პატარა მყინვარული ტბები.

მთის ბილიკები მარშრუტის მთავარ მყინვარამდე - ხუმბუმდე მიდის.

სადაც ევერესტის საბაზო ბანაკი მდებარეობს.

შესასვლელთან არის ცნობილი ქვა, რომელიც საბაზო ბანაკის სიმაღლეს მიუთითებს.

საბაზო ბანაკი ათობით კარვისგან შედგება, რომლებშიც მთამსვლელები დიდ დროს ატარებენ და ამ დროს მხოლოდ ერთ მიზანს მისდევენ.

პლანეტის უმაღლესი მწვერვალის - ევერესტის - ასვლა.

და ის მოგზაურები, რომლებიც არ გეგმავენ მაღალმთიან ასვლას, არამედ უბრალოდ ტკბებიან ჰიმალაის თვალწარმტაცი პეიზაჟებით, სამუდამოდ დაიმახსოვრებენ, რომ ვარსკვლავები ყველაზე უკეთ მთებში მოჩანს...