https://sputnik-georgia.com/20260815/ass-sa-da-turqeti-kievistvis-iararis-miwodebis-gegmebit-moskovs-ndobas-ukargavs-zaxarova-300135961.html
აშშ-სა და თურქეთი კიევისთვის იარაღის მიწოდების გეგმებით მოსკოვს ნდობას უკარგავს - ზახაროვა
აშშ-სა და თურქეთი კიევისთვის იარაღის მიწოდების გეგმებით მოსკოვს ნდობას უკარგავს - ზახაროვა
Sputnik საქართველო
რუსეთის საგარეო საქმეთა სამინისტრომ ვაშინგტონსა და ანკარას განმარტებები მოსთხოვა თურქეთის მარაგებიდან კიევისთვის ამერიკული იარაღის დიდი პარტიის შესაძლო... 15.08.2026-ს, Sputnik საქართველო
2026-08-15T20:01+0400
2026-08-15T20:01+0400
2026-08-15T20:01+0400
მსოფლიო დღეს
რუსეთ-უკრაინის კონფლიქტი
უკრაინა
რუსეთი
აშშ
თურქეთი
მსოფლიოს ახალი ამბები
პოლიტიკა
https://cdnn1.img.sputnik-georgia.com/img/07e5/02/09/250838412_0:53:3009:1746_1920x0_80_0_0_c4d39329075d00077eac756731a93c72.jpg
თბილისი, 15 აგვისტო - Sputnik. რუსეთის საგარეო საქმეთა სამინისტროს პრესსპიკერი მარია ზახაროვა აშშ-სა და თურქეთის მიერ კიევის რეჟიმისთვის იარაღის მიწოდების გეგმებს გამოეხმაურა - ის ამბობს რომ ამ „ტრანსფერის“ გარემოებები და პირობები ძალიან წინააღმდეგობრივია.„საყურადღებოა ის ფაქტი, რომ სასიკვდილო პროდუქციის ასეთი მასშტაბური „ტრანსფერის“ გარემოებები და პირობები კვლავ ძალიან წინააღმდეგობრივია. გაურკვეველია, ვინ არის რეექსპორტის ინიციატორი, როგორ და როდის იგეგმება მოცულობითი სასიკვდილო ტვირთის კიეველი ადრესატებისთვის გადაცემა“, - ნათქვამია ზახაროვას პასუხში მედიის კითხვაზე საპასუხოდ, რომელიც სამინისტროს ვებსაიტზე გამოქვეყნდა.მისი თქმით, აშშ-ის კონგრესის მიერ გამოქვეყნებული დოკუმენტების თანახმად, საუბარია შთამბეჭდავ არსენალზე: 12 სარაკეტო სისტემაზე (MLRS) და 2500-ზე მეტ უმართავ კასეტურ ჭურვზე, ასევე 47.000 ერთეულ 203 მმ-იან კასეტურ საარტილერიო ჭურვზე და ATACMS-ის ტიპის 70 ერთეულ ოპერატიულ-ტაქტიკურ რაკეტაზე.„ჯერ კიდევ არ არის გვიან რეალურად შეფასდეს სიტუაცია“, - ხაზგასმით აღნიშნა დიპლომატმა.ზახაროვამ აღნიშნა, რომ ახალი შეიარაღების მიწოდებები ვერ მოახდენს სერიოზულ გავლენას სპეცოპერაციის მიმდინარეობაზე, მაგრამ ის სერიოზულ ზიანს აყენებს ვაშინგტონთან და ანკარასთან ორმხრივ ურთიერთობებს. კიევისთვის იარაღის მიწოდების პარალელურად, სამშვიდობო რიტორიკის გამოყენების მცდელობები ძირს უთხრის ორმხრივ ნდობას, განსაკუთრებით იმის გათვალისწინებით, რომ თურქეთი აცხადებს, რომ თავს არიდებს „სასიკვდილო“ მიწოდებებს.„ზელენსკის ხუნტისთვის შეიარაღების მზარდ მიწოდებებს არ შეუძლია რაიმე მნიშვნელოვანი გავლენა მოახდინოს სპეციალური სამხედრო ოპერაციის სამართლიანი რუსული სცენარით განვითარებაზე“, - დაწერა ზახაროვამ უწყების ვებსაიტზე გამოქვეყნებულ კომენტარში.„საქმე ეხება არა მხოლოდ მსხვერპლსა და ნგრევას, რომლის მასშტაბირებასაც ცდილობს კიევის ხელისუფლება, არამედ ვაშინგტონთან და ანკარასთან ჩვენი ორმხრივი ურთიერთობებისთვის მიყენებულ სერიოზულ ზიანს. უკრაინელი ნაცისტებისთვის იარაღის მიწოდების პარალელურად, სამშვიდობო რიტორიკის გამოყენების მცდელობები გარდაუვლად ძირს უთხრის ორმხრივ ნდობას“, - დასძინა მან.რუსეთის საგარეო საქმეთა სამინისტრომ ვაშინგტონსა და ანკარას საკითხთან დაკავშირებით განმარტებები მოსთხოვა.როგორც აშშ-ის კონგრესმა ადრე განაცხადა, დოკუმენტები გულისხმობს თურქეთის მარაგებიდან ამერიკული შეიარაღების სისტემების კიევისთვის გადაცემას. ჩამონათვალში შედის MLRS M270 ტიპის ზალპური ცეცხლის 12 რეაქტიული სისტემა და ATACMS-ის ტიპის 70 ბალისტიკური რაკეტა.თურქეთი ოფიციალურად ხსნის ამას სამხედრო ძალების მოდერნიზაციის სურვილით მოძველებული სისტემების მოშორებით, მათი გადაცემა იგეგმება კერძო კომპანიების მიერ - ესაა თურქული MKE, ASFAT და ARCA Savunma, ბულგარული VTIC International Ltd. და ამერიკული Pansophico და Patriot Defense Group.დოკუმენტის განხილვა კონგრესში ორი კვირა უნდა გაგრძელდეს, მაგრამ წარმომადგენელთა პალატა და სენატი ამჟამად ზაფხულის არდადეგებზე არიან. ცალკე კენჭისყრა საჭირო არ იქნება: გადაწყვეტილება ავტომატურად შევა ძალაში, თუ კონგრესი არ მიიღებს მისი დაბლოკვის შესახებ ერთობლივ რეზოლუციას.
უკრაინა
აშშ
თურქეთი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
რუსეთ-უკრაინის კონფლიქტი, უკრაინა , რუსეთი, აშშ , თურქეთი , მსოფლიოს ახალი ამბები, პოლიტიკა
რუსეთ-უკრაინის კონფლიქტი, უკრაინა , რუსეთი, აშშ , თურქეთი , მსოფლიოს ახალი ამბები, პოლიტიკა
აშშ-სა და თურქეთი კიევისთვის იარაღის მიწოდების გეგმებით მოსკოვს ნდობას უკარგავს - ზახაროვა
რუსეთის საგარეო საქმეთა სამინისტრომ ვაშინგტონსა და ანკარას განმარტებები მოსთხოვა თურქეთის მარაგებიდან კიევისთვის ამერიკული იარაღის დიდი პარტიის შესაძლო გადაცემასთან დაკავშირებით
თბილისი, 15 აგვისტო - Sputnik. რუსეთის საგარეო საქმეთა სამინისტროს პრესსპიკერი მარია ზახაროვა აშშ-სა და თურქეთის მიერ კიევის რეჟიმისთვის იარაღის მიწოდების გეგმებს გამოეხმაურა - ის ამბობს რომ ამ „ტრანსფერის“ გარემოებები და პირობები ძალიან წინააღმდეგობრივია.
„საყურადღებოა ის ფაქტი, რომ სასიკვდილო პროდუქციის ასეთი მასშტაბური „ტრანსფერის“ გარემოებები და პირობები კვლავ ძალიან წინააღმდეგობრივია. გაურკვეველია, ვინ არის რეექსპორტის ინიციატორი, როგორ და როდის იგეგმება მოცულობითი სასიკვდილო ტვირთის კიეველი ადრესატებისთვის გადაცემა“, - ნათქვამია ზახაროვას პასუხში მედიის კითხვაზე საპასუხოდ, რომელიც სამინისტროს ვებსაიტზე გამოქვეყნდა.
მისი თქმით, აშშ-ის კონგრესის მიერ გამოქვეყნებული დოკუმენტების თანახმად, საუბარია შთამბეჭდავ არსენალზე: 12 სარაკეტო სისტემაზე (MLRS) და 2500-ზე მეტ უმართავ კასეტურ ჭურვზე, ასევე 47.000 ერთეულ 203 მმ-იან კასეტურ საარტილერიო ჭურვზე და ATACMS-ის ტიპის 70 ერთეულ ოპერატიულ-ტაქტიკურ რაკეტაზე.
„ჯერ კიდევ არ არის გვიან რეალურად შეფასდეს სიტუაცია“, - ხაზგასმით აღნიშნა დიპლომატმა.
ზახაროვამ აღნიშნა, რომ ახალი შეიარაღების მიწოდებები ვერ მოახდენს სერიოზულ გავლენას სპეცოპერაციის მიმდინარეობაზე, მაგრამ ის სერიოზულ ზიანს აყენებს ვაშინგტონთან და ანკარასთან ორმხრივ ურთიერთობებს. კიევისთვის იარაღის მიწოდების პარალელურად, სამშვიდობო რიტორიკის გამოყენების მცდელობები ძირს უთხრის ორმხრივ ნდობას, განსაკუთრებით იმის გათვალისწინებით, რომ თურქეთი აცხადებს, რომ თავს არიდებს „სასიკვდილო“ მიწოდებებს.
„ზელენსკის ხუნტისთვის შეიარაღების მზარდ მიწოდებებს არ შეუძლია რაიმე მნიშვნელოვანი გავლენა მოახდინოს სპეციალური სამხედრო ოპერაციის სამართლიანი რუსული სცენარით განვითარებაზე“, - დაწერა ზახაროვამ უწყების ვებსაიტზე გამოქვეყნებულ კომენტარში.
„საქმე ეხება არა მხოლოდ მსხვერპლსა და ნგრევას, რომლის მასშტაბირებასაც ცდილობს კიევის ხელისუფლება, არამედ ვაშინგტონთან და ანკარასთან ჩვენი ორმხრივი ურთიერთობებისთვის მიყენებულ სერიოზულ ზიანს. უკრაინელი ნაცისტებისთვის იარაღის მიწოდების პარალელურად, სამშვიდობო რიტორიკის გამოყენების მცდელობები გარდაუვლად ძირს უთხრის ორმხრივ ნდობას“, - დასძინა მან.
რუსეთის საგარეო საქმეთა სამინისტრომ ვაშინგტონსა და ანკარას საკითხთან დაკავშირებით განმარტებები მოსთხოვა.
როგორც აშშ-ის კონგრესმა ადრე განაცხადა, დოკუმენტები გულისხმობს თურქეთის მარაგებიდან ამერიკული შეიარაღების სისტემების კიევისთვის გადაცემას. ჩამონათვალში შედის MLRS M270 ტიპის ზალპური ცეცხლის 12 რეაქტიული სისტემა და ATACMS-ის ტიპის 70 ბალისტიკური რაკეტა.
თურქეთი ოფიციალურად ხსნის ამას სამხედრო ძალების მოდერნიზაციის სურვილით მოძველებული სისტემების მოშორებით, მათი გადაცემა იგეგმება კერძო კომპანიების მიერ - ესაა თურქული MKE, ASFAT და ARCA Savunma, ბულგარული VTIC International Ltd. და ამერიკული Pansophico და Patriot Defense Group.
დოკუმენტის განხილვა კონგრესში ორი კვირა უნდა გაგრძელდეს, მაგრამ წარმომადგენელთა პალატა და სენატი ამჟამად ზაფხულის არდადეგებზე არიან. ცალკე კენჭისყრა საჭირო არ იქნება: გადაწყვეტილება ავტომატურად შევა ძალაში, თუ კონგრესი არ მიიღებს მისი დაბლოკვის შესახებ ერთობლივ რეზოლუციას.
